ໜ້າຫຼັກ / ການເຄື່ອນໄຫວ / ກອງປະຊຸມຜູ້ບໍລິຫານການສືກສາ, ວິທະຍາສາດ ແລະ ກິລາ ປະຈຳ ສົກຮຽນ 2023-2024 ແລະ ວາງແຜນພັດທະນາການສຶກສາປະຈໍາສົກຮຽນ 2024-2025.
ຕອນເຊົ້າຂອງວັນທີ 26 ສິງຫາ 2024 ນີ້, ຫ້ອງການສຶກສາທິການ ແລະ ກິລາເມືອງບຸນໃຕ້ ໄດ້ຈັດກອງປະຊຸມຜູ້ບໍລິຫານການສືກສາ, ວິທະຍາສາດ ແລະ ກິລາ ປະຈຳ ສົກຮຽນ 2023-2024 ແລະ ວາງແຜນພັດທະນາການສຶກສາປະຈໍາສົກຮຽນ 2024-2025 ຂຶ້ນຢ່າງເປັນທາງການ ນະທີສະໂມສອນຫຼັງເກົ່າຂອງເມືອງບຸນໃຕ້, ແຂວງຜົ້ງສາລີ. ໂດຍພາຍໃຕ້ການ ເປັນປະທານຂອງ ທ່ານ ນາງ ຂັນຫຼ້າ ເພັດໄຊຄຸນ ກໍາມະການພັກເມືອງ, ຫົວໜ້າຫ້ອງການສຶກສາທິການ ແລະ ກິລາເມືອງ, ໃຫ້ກຽດເຂົ້າຮ່ວມມີ ທ່ານ ຄໍາຫຼ້າ ດວງມາໄລ ກໍາມະການພັກເມືອງ, ຮອງເຈົ້າເມືອງ, ຜູ້ຊີ້ນໍາວຽກງານຂົງເຂດວັດທະນະທໍາ-ສັງຄົມ, ມີ ທ່ານ ພົມລື ແກ້ວຄໍາໃຈ ຮອງຫົວໜ້າພະແນກສືກສາທິການ-ກີລາແຂວງ, ມີຄະນະຜູ້ບໍລິຫານການສຶກສາຂັ້ນເມືອງ, ມີເລຂາຄະນະພັກຮາກຖານກຸ່ມບ້ານ, ມີປະທານສະມາຄົມນັກຮຽນ, ເລຂາພັກບ້ານ-ນາຍບ້ານເທດສະບານເມືອງ, ມີຜູ້ອໍານວຍການໂຮງຮຽນ, ຫົວໜ້າໂຮງຮຽນ ຕະຫຼອດຮອດພະນັກງານຄູ-ອາຈານ ໃນທົ່ວເມືອງເຂົ້າຮ່ວມຢ່າງພ້ອມພຽງ.
ໃນກອງປະຊຸມ ທ່ານ ນາງ ຂັນຫຼ້າ ເພັດໄຊຄຸນ ກໍາມະການພັກເມືອງ, ຫົວໜ້າຫ້ອງການສຶກສາທິການ ແລະ ກິລາເມືອງ ໄດ້ມີຄໍາເຫັນຕໍ່ກອງປະຊຸມວ່າ: ກອງປະຊຸມຜູ້ບໍລິຫານການສຶກສາຈະໄດ້ດຳເນີນເປັນເວລາ 2 ວັນ ແຕ່ວັນທີ 26-27 ສິງຫາ 2024 ເພື່ອເຮັດໃຫ້ການດໍາເນີນກອງປະຊຸມຄັ້ງນີ້ບັນລຸຕາມຈຸດປະສົງ ແລະ ຄາດໝາຍທີ່ວາງໄວ້ນັ້ນ ທ່ານໄດ້ເໜັ້ນໜັກໃຫ້ຜູ້ແທນກອງປະຊຸມ ເອົາໃຈໃສ່ ເພີ່ມທະວີໃນການຕິດຕາມ, ຮັບຟັງການລາຍງານຂອງພາກສ່ວນກ່ຽວຂ້ອງ, ສົມທຽບກັບການຈັດຕັ້ງປະຕິບັດວຽກງານຕົວຈິງຂອງຕົນຊີ້ນຳຢ່າງຖີ່ຖ້ວນ ແລະ ພິຈາລະນາປະກອບຄຳເຫັນຕໍ່ບົດລາຍງານຢ່າງມີຄວາມຮັບຜິດຊອບສູງ ເຊິ່ງໃນກອງປະຊຸມຄັ້ງນີ້ຜູ້ເຂົ້າຮ່ວມໄດ້ຮັບຟັງ ການເຜີຍແຜ່ ບັນດາເອກະສານຕ່າງໆດັ່ງນີ້: ຮັບຟັງເຜີຍແຜ່ດໍາລັດວ່າດ້ວຍລັດຖະກອນຄູ ສະບັບເລກທີ 202/ລບ (ປັບປຸງໃໝ່); ຮັບຟັງຂໍ້ຕົກລົງ ວ່າດ້ວຍກອງທຶນສະຫວັດດີການຄູແຫ່ງຊາດສະບັບເລກທີ 5000ສສກ (ສະບັບປັບປຸງໃໝ່); ຮັບຟັງການສະຫຼຸບຕີລາຄາຜົນການຈັດຕັ້ງປະຕິບັດບົດປະຊາມະຕິຂັ້ນເມືອງປະຈໍາສົກຮຽນ 2022-2023; ເຜີຍແຜ່ຄໍາສັ່ງ ເລກທີ 543/ສກຂ ວ່າດ້ວຍການສະກັດກັ້ນ ແລະ ແກ້ໄຂປະກົດການຫຍໍ້ທໍ້ໃນຂະແໜງການສຶກສາ ແລະ ກິລາ; ຮັບຟັງການເຜີຍແຜ່ຂໍຕົກລົງ ເລກທີ 2093/ສກຂ.ກປສ ວ່າດ້ວຍການແຕ່ງຕັ້ງຄະນະຮັບຜິດຊອບກອງທຶນພັດທະນາ ແລະ ສົ່ງເສີມກິລານັກຮຽນສາມັນສຶກສາ ແລະ ຮັບຟັງການເຜີຍແຜ່ກົດລະບຽບເລກທີ 1302/ກທກ.ຂຜລ ວ່າດ້ວຍກອງທຶນກິລາກາຍະກໍາແຂວງຜົ້ງສາລີ. ຈາກນັ້ນ ຜູ້ເຂົ້າຮ່ວມກອງປະຊຸມ ກໍ່ໄດ້ພ້ອມກັນປະກອບຄໍາຄິດຄໍາເຫັນ ປະກອບຄໍາເຫັນຕໍ່ກອງປະຊຸມດັ່ງກ່າວຢ່າງກົງໄປກົງມາ.