ໃນວັນທີ 2 ເມສາ 2025 ນີ້ ກອງບັນຊາການ ປກສ ເມືອງບຸນເໜືອປາຖະກະຖາວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 64 ປີ ( 5 ເມສາ 1961 - 5 ເມສາ 2025 ) ແລະ ວັນສ້າງຕັ້ງກຳລັງປ້ອງກັນຄວາມສະຫງົບປະຊາຊົນແຂວງຜົ້ງສາລີ ຄົບຮອບ 62 ປີ ( 11 ພຶດສະພາ 1963 - 11 ພຶດສະພາ 2025 ) ແລະ ວັນສ້າງຕັ້ງກຳລັງປ້ອງກັນຄວາມສະຫງົບປະຊາຊົນເມືອງບຸນເໜືອ ຄົບຮອບ 41 ປີ ( 2 ມິຖຸນາ 1984 - 2 ມິຖຸນາ 2025 ), ພ້ອມທັງປະກາດເລື່ອນຊັ້ນໃຫ້ນາຍ ແລະ ພົນຕຳຫຼວດ ທີ່ສະໂມສອນກອງບັນຊາການ ປກສ ເມືອງ ໃຫ້ກຽດປະຖະກະຖາ ແລະ ປະດັບຊັ້ນໂດຍ ພັທ ປອ ຖາວອນ ຈິດຕະນົນ ກຳມະການພັກເມືອງ ເລຂາພັກຮາກຖານ ຫົວໜ້າກອງບັນຊາການ ປກສ ເມືອງ , ມີຄະນະພັກ_ຄະນະບັນຊາ ພ້ອມດ້ວຍພະນັກງານ_ນັກຮົບ ປກສ ເມືອງແລະຜູ້ທີ່ໄດ້ຮັບການເລື່ອນຊັ້ນເຂົ້າຮ່ວມ ທັງໝົດ 93 ສະຫາຍ,ຍີງ29 ສະຫາຍໃນພິທີ ພັທ ປອ ຖາວອນ ຈິດຕະນົນ ໄດ້ຍົກໃຫ້ເຫັນປະຫວັດແຫ່ງການກໍາເນີດ ແລະ ເຕີບໃຫຍ່ຂະຫຍາຍຕົວຂອງກໍາລັງປ້ອງກັນຄວາມສະຫງົບຕະຫຼອດໄລຍະ 64 ປີຜ່ານມາ, ຍົກໃຫ້ເຫັນທາດແທ້ມູນເຊື້ອຂອງກໍາລັງປ້ອງກັນຄວາມສະຫງົບ ແລະ ເສີມຂະຫຍາຍທາດແທ້ມູນເຊື້ອປະຕິວັດ ກໍາລັງປ້ອງກັນຄວາມສະຫງົບ ແມ່ນກໍາລັງປະກອບອາວຸດອັນແຫຼມຄົມ ໂດຍພັກປະຊາຊົນປະຕິວັດລາວເປັນຜູ້ກໍ່ຕັ້ງ, ນໍາພາເດັດຂາດ, ໂດຍກົງຮອບດ້ານ, ເປັນກໍາລັງທີ່ມາຈາກປະຊາຊົນ ໂດຍປະຊາຊົນ ແລະ ຮັບໃຊ້ສິດຜົນປະໂຫຍດຂອງປະຊາຊົນລາວບັນດາເຜົ່າ, ກໍາລັງປ້ອງກັນຄວາມສະຫງົບປະຊາຊົນ ໄດ້ກໍາເນີດ ແລະ ເຕີບໃຫຍ່ຂະຫຍາຍຕົວໃນຂະບວນການຕໍ່ສູ້ປົດປ່ອຍຊາດຕ້ານຈັກກະພັດຜູ້ຮຸກຮານ, ປົກປັກຮັກສາ ແລະ ສ້າງສາພັດທະນາປະເທດຊາດ, ເວລາໃດກໍ່ມີມູນເຊື້ອຕໍ່ສູ້ຢ່າງອົງອາດກ້າຫານ, ມີນໍ້າໃຈເສຍສະຫຼະເດັດດ່ຽວບໍ່ຍອມຈໍານົນ ມີຄວາມສັດຊື່ບໍລິສຸດ ແລະ ມີຄວາມສາມັກຄີເປັນປຶກແຜ່ນແໜ້ນໜາ.

ຕະຫຼອດໄລຍະ 64 ປີ ແຫ່ງການກໍາເນີດ ແລະ ເຕີບໃຫຍ່ຂະຫຍາຍຕົວຂອງກໍາລັງປ້ອງກັນຄວາມສະຫງົບປະຊາຊົນ ພາຍໃຕ້ການນໍາພາຂອງພັກປະຊາຊົນປະຕິວັດລາວ ແມ່ນປະຫວັດສາດແຫ່ງການທົດສອບອັນໃຫຍ່ຫຼວງ ໃນການຕໍ່ສູ້ອັນຍືດເຍື້ອຍາວນານ ເພື່ອຍາດເອົາຄວາມເປັນເອກະລາດແຫ່ງຊາດ, ຕະຫຼອດໄລຍະທາງອັນລະອິດລະ

ອ້ຽວ, ຫຍຸ້ງຍາກລຳບາກທີ່ສຸດນັ້ນ ແຕ່ກໍ່ປຽບລົ້ນໄປດ້ວຍຜົນງານອັນສູງສົ່ງ, ວິລະກໍາອັນພິລະອາດຫານ ແລະ ໄຊຊະນະອັນສະຫງ່າລາສີ ພາຍໃຕ້ການນໍາພາອັນສະຫຼາດສ່ອງໃສຂອງພັກເຮົາ, ກໍາລັງປ້ອງກັນຄວາມສະຫງົບໄດ້ສາມັກຄີເປັນຈິດໜຶ່ງໃຈດຽວ ໃນການປະຕິບັດໜ້າທີ່ການເມືອງ, ທັງປະສານກົມກຽວ ແລະ ຕໍ່ສູ້ຢ່າງມີໄຊ ຕິດພັນກັບການອອກແຮງປັບປຸງ, ກໍ່ສ້າງກໍາລັງຂອງຕົນໃຫ້ນັບມື້ເຂັ້ມແຂງ ແລະ ຂະຫຍາຍຕົວເປັນກ້າວໆ.

ຈາກນັ້ນ ໃນພິທີກໍ່ໄດ້ຜ່ານຂໍ້ຕົກລົງຂອງກະຊວງປ້ອງກັນຄວາມສະຫງົບ ແລະ ຂໍ້ຕົກລົງຂອງກົມໃຫ່ຍການເມືອງ ປກສ ວ່າດ້ວຍການເລື່ອນຊັ້ນໃຫ້ນາຍ ແລະ ພົນຕຳຫຼວດກອງບັນຊາການ ປກສ ເມືອງບຸນເໜືອຈຳນວນ 8 ສະຫາຍ,ຍີງ1ສະຫາຍ ໃນນີ້ ເລື່ອນຊັ້ນ ຮອ ຂື້ນເປັນ ພັຕ 1 ສະຫາຍ,ຍິງ 1 ສະຫາຍ,ຮທ ຂື້ນເປັນ ຮອ 1 ສະຫາຍ,ຍິງ0 ສະຫາຍ ,ຮຕ ຂື້ນເປັນ ຮທ 4 ສະຫາຍ,ຍິງ 0 ສະຫາຍ,ສອ ຂື້ນ ວທ 1 ສະຫາຍ,ຍິງ 0 ສະຫາຍ, ສທ ຂື້ນເປັນ ສອ 1 ສະຫາຍ,ຍິງ 0 ສະຫາຍ.