ໜ້າຫຼັກ / ການເຄື່ອນໄຫວ / ພະແນກ ຖວທ ແຂວງຜົ້ງສາລີ ສ້າງຂະບວນການອອກແຮງງານອານາໄມລວມ.
ຕອນບ່າຍຂອງວັນທີ 31 ມັງກອນ 2025 ນີ້, ທາງພະແນກ ຖວທ ແຂວງຜົ້ງສາລີ ໄດ້ພ້ອມກັນສ້າງຂະບວນການອອກແຮງງານອານາໄມລວມ ຢູ່ຂອບເຂດພະແນກ ຖວທ ແຂວງ ເຊິ່ງນຳພາໂດຍ ທ່ານ ອ່ອນຄຳ ອິນແສງ ຫົວໜ້າພະແນກ ຖວທ ແຂວງ ພ້ອມດ້ວຍພະນັກງງານລັດຖະກອນພາຍໃນພະແນກເຂົ້າຮ່ວມ.
ໃນການອອກແຮງງານຄັ້ງນີ້, ໄດ້ພ້ອມກັນຖ່າງຫຍ້າ, ເກັບຂີ້ເຫຍື້ອ, ອານາໄມຮ່ອງລະບາຍ, ປັດກວາດອ້ອມແອມຫ້ອງການ ເພື່ອໃຫ້ມີຄວາມສະອາດງາມຕາຢ່າງເປັນຂະບວນຟົກຟື້ນ. ຈຸດປະສົງຂອງການອອກແຮງງານຄັ້ງນີ້ ກໍ່ເພື່ອເປັນການຂໍ່ານັບຮັບຕ້ອນວັນສ້າງຕັ້ງສະຫະພັນກຳມະບານລາວຄົບຮອບ 69 ປີ ແລະ ບຸນສຳຄັນຕ່າງໆຂອງພັກ, ຂອງຊາດ ເປັນຕົ້ນກໍ່ແມ່ນ ການກະກຽມດຳເນີນກອງປະຊຸມໃຫຍ່ຂອງພັກ 3 ຂັ້ນ, ກະກຽມສະຫຼີມສະຫຼອງ 3 ວັນປະຫວັດສາດ ຂອງຊາດ ຂອງພັກ ຄື: ວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ, ວັນສະຖາປະນາ ສປປ ລາວ ຄົບຮອບ 50 ປີ ແລະ ວັນເກີດປະທານໄກສອນ ພົມວິຫານ ຄົບຮອບ 105 ປີ ແລະ ເພື່ອເປັນການສະເຫຼີມສະຫຼອງວັນສ້າງຕັ້ງສະຫະພັນກໍາມະບານລາວ ວັນທີ 1 ກຸມພາ ຄົບຮອບ 69 ປີ ແລະ ວັນອື່ນໆອີກດ້ວຍ.
