ໜ້າຫຼັກ / ການເຄື່ອນໄຫວ / ກອງປະຊຸມຜ່ານຮ່າງລາຍງານການເມືອງ ແລະ ແຜນພັດທະນາເສດຖະກິດສັງຄົມ 5 ປີເພື່ອກະກຽມໃຫ້ແກ່ການດໍາເນີນກອງປະຊຸມໃຫ່ຍຄັ້ງທີ XI ຂອງອົງຄະນະພັກເມືອງຜົ້ງສາລີ.
ເພື່ອເຮັດໃຫ້ການກະກຽມເນື້ອໃນຮ່າງລາຍງານການເມືອງ ແລະ ແຜນພັດທະນາເສດຖະກິດ-ສັງຄົມຂອງເມືອງຜົ້ງສາລີສໍາເລັດຕາມແຜນການທີ່ວາງໄວ້ນັ້ນ ມາໃນຕອນເຊົ້າຂອງວັນທີ 31 ມັງກອນ 2025 ນີ້ ຢູ່ສະໂມສອນໃຫ່ຍຂອງເມືອງຜົ້ງສາລີໄດ້ຈັດກອງປະຊຸມຜ່ານຮ່າງບົດລາຍງານການເມືອງ ແລະ ແຜນພັດທະນາເສດຖະກິດສັງຄົມ 5 ປີເພື່ອກະກຽມໃຫ້ແກ່ການດໍາເນີນກອງປະຊຸມໃຫ່ຍຄັ້ງທີ XI ຂອງອົງຄະນະພັກເມືອງຜົ້ງສາລີໂດຍການໃຫ້ກຽດເຂົ້າຮ່ວມຂອງ ທ່ານ ທອງສຸກ ເປົາສຸລີ ກໍາມະການພັກແຂວງ,ຫົວໜ້າພະແນກແຜນການ ແລະ ການລົງທຶນແຂວງ, ທ່ານ ບູນສະຫວາດ ສີວົງໄຊ ວ່າການແທນເລຂາຄະນະບໍລິຫານງານພັກເມືອງ ເຈົ້າເມືອງ - ເມືອງຜົ້ງສາລີ ເຂົ້າຮ່ວມມີບັນດາຄະນະປະຈໍາພັກເມືອງ,ກໍາມະການພັກເມືອງ,ຄະນະທິມງານຈາກຂັ້ນແຂວງຕະຫຼອດຮອດອະນຸກໍາມະການເນື້ອໃນຂັ້ນເມືອງເຂົ້່າຮ່ວມ.
ໃນກອງປະຊຸມຜູ້ເຂົ້າຮ່ວມໄດ້ຮັງຟັງຮ່າງລາຍງານການເມືອງ ເບື້ອງຕົ້ນ ຂອງຄະນະບໍລິຫານງານພັກເມືອງສະໄໝທີ XI ຂອງອົງຄະນະພັກເມືອງຜົ້ງສາລີ ຄັ້ງທີ XI ແລະ ການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມ 5 ປີ ຄັ້ງທີ III (2020 - 2024) ແລະທິດທາງແຜນການ 5 ປີ ຄັ້ງທີ IV (2025 - 2029) ຂອງເມືອງຜົ້ງສາລີ ເມືອງຜົ້ງສາລີ, ຫ່າງຈາກເທດສະບານແຂວງ 40 Km, ເປັນເມືອງພັດທະນາເສດຖະກິດ, ວັດທະນະທຳ - ສັງຄົມ ແລະ ເປັນເມືອງເທດສະບານຂອງແຂວງ ໃນເມື່ອກ່ອນ, ມີເສັ້ນທາງຫຼວງແຫ່ງຊາດຜ່ານມີຄວາມຍາວ 50 km ແລະ ມີເສັ້ນທາງຊອຍຈຳນວນໜຶ່ງ ຈາກຕົວເມືອງໄປສູ່ເຂດຈຸດສູມ ແລະ ກຸ່ມບ້ານພັດທະນາ, ມີເນື້ອທີ່ປົກຄອງທັງໝົດ 2,928 km², ມີເສັ້ນຊາຍແດນຕິດຈອດກັບບັນດາເມືອງ ແລະ ປະເທດໃກ້ຄຽງເຊັ່ນ: ທິດຕາເວັນອອກສ່ຽງເໜືອຕິດກັບ ແຂວງດຽນບຽນ ສ.ສ ຫວຽດນາມ, ທິດຕາເວັນອອກສ່ຽງໃຕ້ ຕິດກັບເມືອງສຳພັນ, ທິດຕາເວັນຕົກຕິດກັບເມືອງບຸນເໜືອ, ທິດເໜືອຕິດກັບເມືອງຍອດອູ,ທິດໃຕ້ຕິດກັບເມືອງບຸນໃຕ້,ເນື້ອທີ່ຂອງເມືອງສ່ວນໃຫຍ່ເປັນພູດອຍກວມປະມານ 95% ຂອງເນື້ອທີ່ທັງໝົດ.
ທົ່ວເມືອງມີ 66 ບ້ານ, ມີ 8 ກຸ່ມບ້ານ, ບ້ານເທດສະບານມີ 12 ບ້ານ, ມີ 4,530 ຄົວເຮືອນ, ມີ 5,402 ຄອບຄົວ, ມີພົນລະເມືອງທັງໝົດ 23,860 ຄົນ, ຍິງ 11,849 ຄົນ, ປະກອບມີ 9 ຊົນເຜົ່າຄື: ເຜົ່າພູນ້ອຍກວມ 58.13%, ເຜົ່າອາຄາກວມ 17.62%, ເຜົ່າຫໍ້ກວມ 5.44%, ເຜົ່າມົ້ງກວມ 5.08%, ເຜົ່າລື້ກວມ 4.14%, ເຜົ່າລາວກວມ 5.23% ເຜົ່າກຸມມຸກວມ 2.78 % ເຜົ່າສີລາ 0.45 % ແລະ ເຜົ່າໄຕກວມ 0.29 %. ໃນໄລຍະ 5 ປີ ແຕ່ປີ 2020 – 2024 ປີ ຜ່ານມາລວມຍອດຜະລິດຕະພັນພາຍໃນເມືອງສາມາດຈັດຕັ້ງປະຕິບັດໄດ້ 253.93 ຕື້ກີບ, ເທົ່າກັບ 5.94 %, ຂອງແຜນການ 298.86 ຕື້ກີບ,ເທົ່າກັບ 7.89%. ຫຼຸດແຜນ 1.95%ຂະແໜງກະສິກໍາ-ປ່າໄມ້ ປະຕິບັດໄດ້ 149.91 ຕື້ກີບ ກວມ 60.08 %. ຂອງແຜນການ ( ແຜນການ 298.86 ຕື້ກີບ) ເທົ່າກັບ 67.82%. ຫຼຸດແຜນ 7.74% ຂະແໜງອຸດສາຫະກໍາ-ຫັດຖະກຳ ປະຕິບັດໄດ້ 93.19 ຕື້ກີບ ກວມ 30.18%, ຂອງແຜນການ ( ແຜນການ 126.60ຕື້ກີບ) ເທົ່າກັບ 42.75%. ຫຼຸດແຜນ 12.15% ຂະແໜງບໍລິການ ປະຕິບັດໄດ້ 10.82 ຕື້ກີບ ກວມ 4.02%, ຂອງແຜນການ ( ແຜນການ 9.48 ຕື້ກີບ) ເທົ່າກັບ 3.95 %. ເພີ່ມຂື້ນ 0.06% ລາຍໄດ້ສະເລ່ຍຕໍ່ຫົວຄົນພາຍໃນເມືອງໄດ້ 10.64 ລ້ານກີບ, ເທົ່າກັບ 506.79 ໂດລາສະຫະລັດ, ພ້ອມນີ້ຜູ້ເຂົ້າຮ່ວມທຸກພາກສ່ວນຍັງໄດ້ພ້ອມກັນປະກອບຄໍາຄິດຄໍາເຫັນໃສ່ຮ່າງບົດລາຍງານ ການເມືອງ ແລະ ແຜນພັດທະນາເສດຖະກິດສັງຄົມ 5 ປີ ຄັ້ງທີ IV (2025 - 2029) ຂອງເມືອງຜົ້ງສາລີເພື່ອເຮັດໃຫ້ເນື້ອໃນດັ່ງກ່າວນັ້ນມີເນື້ອໃນຄົບຖ້ວນ ແລະ ສົມບູນຍິງຂຶ້ນ.
