ໜ້າຫຼັກ / ການເຄື່ອນໄຫວ / ກອງປະຊຸມສະຫຼຸບວຽກງານປ້ອງກັນຄວາມສະຫງົບປະຈຳປີ 2024 ແລະ ທິດທາງແຜນການປະຈຳປີ 2025 ຂອງປກສ ເມືອງບຸນໃຕ້.
ຕອນເຊົ້າຂອງວັນທີ 3 ກູມພາ ປີ 2025 ນີ້. ກອງບັນຊາການປ້ອງກັນຄວາມສະຫງົບ ເມືອງບຸນໃຕ້, ໄດ້ເປີດກອງປະຊຸມສະຫຼຸບວຽກງານປ້ອງກັນຄວາມສະຫງົບປະຈຳປີ 2024 ແລະ ທິດທາງແຜນການປະຈໍາປີ 2025 ຂື້ນຢ່າງເປັນທາງການນະທີ່ສະໂມສອນໃຫ່ຍຂອງເມືອງ. ໂດຍການເປັນປະທານຮ່ວມຂອງສະຫາຍ ທອງສິງ ອິນທະແສງ ເລຂາພັກເມືອງ ເຈົ້າເມືອງ-ເມືອງບຸນໃຕ້, ທັງເປັນປະທານປ້ອງກັນຊາດ-ປ້ອງກັນຄວາມສະຫງົບເມືອງ, ມີສະຫາຍ ພັອ ຍິນວັນນະສຸກ ບຸດຕະນະວົງ ຮອງເລຂາຄະນະພັກຮາກຖານ, ຮອງຫົວໜ້າກອງບັນຊາການ ປກສ ແຂວງ, ຜູ້ຊີ້ນຳວຽກງານປ້ອງກັນຄວາມສະຫງົບເມືອງບຸນໃຕ້, ມີສະຫາຍ ພັນໂທ ອຸດອນ ສຸວົງໄຊ ກຳມະການປະຈຳພັກເມືອງ ຫົວໜ້າກອງບັນຊາການປ້ອງກັນຄວາມສະຫງົບເມືອງ ເຂົ້າຮ່ວມມີບັນດາສະຫາຍຄະນະພັກຮາກຖານກອງບັນຊາການ ປກສ ເມືອງ,ນາຍ ແລະ ພົນຕຳຫຼວດເຂົ້າຮ່ວມທັງໝົດ 70 ສະຫາຍ, ຍິງ 13 ສະຫາຍ.ໃນກອງປະຊຸມສະຫາຍສະຫາຍ ພັນໂທ ອຸດອນ ສຸວົງໄຊ ກຳມະການປະຈຳພັກເມືອງ ຫົວໜ້າກອງບັນຊາການປ້ອງກັນຄວາມສະຫງົບເມືອງໄດ້ ກ່າວຕໍ່ກອງປະຊຸມວ່າ: ກອງປະຊຸມຄັ້ງນີ້ ໄຂຂຶ້ນເພື່ອເປັນການສະຫຼຸບວຽກງານປ້ອງກັນຄວາມສະຫງົບປະຈຳປີ 2024 ແລະ ທິດທາງແຜນການປະຈໍາປີ 2025 ປກສ ເມືອງບຸນໃຕ້ ເຊິ່ງກອງປະຊຸມຈະໄດ້ຮັບຟັງ ແລະ ປະກອບຄຳຄິດຄຳເຫັນຕໍ່ຮ່າງບົດສະຫຼຸບປະຈຳປີ 2024 ແລະ ທິດທາງແຜນການປີ 2025.ຈາກນັ້ນ ສະຫາຍ ພັທ ຄຳເຫຼັກ ພະລັງຈັນ ຮອງກອງບັນຊາ ປກສ ການເມືອງ ໄດ້ຂຶ້ນຜ່ານຮ່າງບົດສະຫຼຸບການເຄື່ອນໄຫວຂອງວຽກງານປ້ອງກັນຄວາມສະຫງົບປະຈຳປີ2024 ແລະ ທິດທາງແຜນການສົກປີ 2025 ຂອງກອງບັນຊາການ ປກສ ເມືອງ ໃນ 1 ປີຜ່ານມາ ເຊິ່ງທ່ານໄດ້ຍົກໃຫ້ເຫັນດ້ານຕັ້ງໜ້າ ແລະ ບາງປະກົດການທີ່ກອງບັນຊາການ ປກສ ເມືອງຍັງຈະສືບຕໍ່ເອົາໃຈໃສ່ແກ້ໄຂເປັນຕົ້ນແມ່ນ ບັນຫາປະກົດການຫຍໍ້ທໍ້ຂອງສັງຄົມເກີດຂຶ້ນຢ່າງຕໍ່ເນື່ອງ,ເຊັ່ນ: ບັນຫາການມົ້ວສຸມສິ່ງເສບຕິດ, ຄ້າ-ຂາຍສິ່ງເສບຕິດ, ຂີ້ລັກງັດແງະ, ການຫຼີ້ນກີນຟູມເຟືອຍຂອງຊາວໜຸ່ມ-ໄວໜຸ່ມ, ຂັບຂີ່ລົດລົບກວນເມືອງ, ສ້າງກຸ່ມແກ້ງກໍ່ອາລະວາດຕີກັນຕາມສະທາລະນະ, ການລັກລອບທຳລາຍປ່າໄມ້, ການນໍາໃຊ້ອາວຸດທີ່ຜິດກົດໝາຍລ່າເນື້ອ ແລະ ອື່ນໆ ຊື່ງມັນສ້າງຜົນກະທົບທາງດ້ານລົບໃນການພັດທະນາເສດຖະກິດ-ສັງຄົມ,ຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມ ເຊິ່ງຕໍ່ໜ້າສະພາບການດັ່ງກ່າວ ທາງຄະນະພັກ-ຄະນະບັນຊາກອງບັນຊາການ ປກສ ເມືອງ ໄດ້ສຸມໃສ່ສະກັດກັ້ນ ແລະ ແກ້ໄຂປະກົດການຫຍໍ້ທໍ້ຕ່າງໆໃນສັງຄົມ, ໂດຍຈັດຕັ້ງຜັນຂະຫຍາຍບັນດາມະຕິ, ຄຳສັ່ງ, ບັນດາຄາດໝາຍ, ແຜນງານໂຄງການ ສາມາດແກ້ໄຂກໍ່ອາດຊາຍະກຳຕ່າງໆ ທີ່ສ້າງຄວາມບໍ່ເປັນລະບຽບຮຽບຮ້ອຍຢູ່ພາຍໃນເມືອງໃຫ້ຫຼຸດໜ້ອຍຖອຍລົງເທື່ອລະກ້າວ, ເຮັດໃຫ້ສັງຄົມມີຄວາມສະຫງົບ,ມີຄວາມປອດໄພ ແລະ ສາມາດແກ້ໄຂປະກົດການຫຍໍ້ທໍ້ໃນສັງຄົມໄດ້ໂດຍພື້ນຖານ ໃນນີ້ຄະດີອາຍາເກີດຂື້ນທັງໝົດ26 ລາຍ, ແກ້ໄຂຂັ້ນເມືອງມີ 25 ລາຍ, ມີ 32 ຄົນ ແລະ ສົ່ງໃຫ້ ປກສ ແຂວງມີ 01 ລາຍ 01 ຄົນ, ພ້ອມຂອງກາງປືນແກັບ 01 ກະບອກ, ໃນນີ້ແຍກຄະດີມີຄື: ຄະດີທຳຮ້າຍຮ່າງກາຍ 02 ລາຍ, ມີ 07 ຄົນ; ຄະດີລັກຊັບພົນລະເມືອງ08 ລາຍ, ມີ 10 ຄົນ; ຄະດີຄ້າມະນຸດ 04 ລາຍ, ຄະດີປອມແປງເອກະສານ 02 ລາຍ, ມີ 03 ຄົນ; ຄະດີນຳໃຊ້ເງິນປອມ 01 ລາຍ, ມີ 02 ຄົນ; ຄະດີລັກລອບຖາງປ່າສະຫງວນມີ 05 ລາຍ, ຄະດີເຮັດໃຫ້ຜູ້ອື່ນເສຍຊີວິດດ້ວຍຄວາມບໍ່ລະມັດລະວັງມີ 02 ລາຍ ແລະ ຄະດີຂົ່ມຂື່ນທຳສຳເລົາ 01 ລາຍ, ຄະດີອຸບັດຕິເຫດເກີດຂື້ນ 29 ລາຍ, ມີ 70 ຄົນ, ຍິງ 09 ຄົນ, ໃນນີ້ຄົນໄດ້ຮັບບາດເຈັບເລັກນ້ອຍ 13ຄົນ,ຍິງ 01 ຄົນ,ບາດເຈັບສົມຄວນ 24ຄົນ, ຍິງ 01 ຄົນ, ບາດເຈັບສາຫັດ 06 ຄົນ, ແລະ ເສຍຊີວິດ 03 ຄົນ, ຍິງ 01 ຄົນ, ພາຫະນະເປ່ເພເລັກນ້ອຍລົດຈັກ 12 ຄັນ, ລົດໃຫຍ່ 10 ຄັນ,ພາຫະນະເປ່ເພສົມຄວນ ລົດຈັກ 19 ຄັນ, ລົດໃຫຍ່ 06 ຄັນ, ລົດຈັກໃຊ້ການບໍ່ໄດ້ 03 ຄັນ,ແຍກລາຍຄະດີ: ລົດຈັກຕໍາກັບລົດຈັກ 11 ລາຍ, ມີ 25 ຄົນ, ຍິງ 05 ຄົນ, ລົດໃຫຍ່ຕຳກັບລົດຈັກ 10 ລາຍ, ມີ22 ຄົນ, ຍິງ 1 ຄົນ, ລົດໃຫຍ່ຕຳກັບລົດໃຫຍ່ 04 ລາຍ, ມີ 9 ຄົນ; ລົດຈັກຕຳຄົນຍ່າງ 3 ລາຍ, ມີ 8 ຄົນ, ຍິງ 1 ຄົນ;ລົດຈັກຕຳຄົນຍ່າງ 2 ລາຍ, ມີ 4 ຄົນ, ຍິງ 1 ຄົນ; ລົດຈັກຕໍາລົດໃຫຍ່ຈອດໄວ້ 01 ລາຍ, ມີ 02 ຄົນ;ມູນຄ່າເສຍຫາຍປະມານ 841.200.000 ກີບ.ຄະດີຢາເສບຕິດເກີດຂື້ນທັງໝົດ08 ລາຍ, ມີ 09 ຄົນ, ຍິງ 01 ຄົນ, ມືຂອງກາງປະເພດຢາບ້າ 791 ເມັດໂທລະສັບ02 ໜ່ວຍລົດຈັກ 02 ຄັນ, ປືນແກັບ 01 ກະບອກ, ສົ່ງໃຫ້ ປກສ ແຂວງ 06 ລາຍ, ມີ 07 ຄົນ, ຍິງ 01 ຄົນ, ພ້ອມຂອງກາງຢາບ້າ 774 ເມັດ, ໂທລະສັບ 02 ໜ່ວຍ ລົດຈັກ 02 ຄັນ, ປືນແກັບ 01 ກະບອກ ແລະ ແກ້ໄຂຂັ້ນເມືອງ 02 ລາຍ, ມີ 02 ຄົນມີຂອງກາງຢາບ້າ 17 ເມັດ. ພ້ອມກັນນີ້ກໍ່ໄດ້ຂຶ້ນຜ່ານຮ່າງລາຍງານການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດປະຈໍາປີ 2024 ແລະ ທິດທາງແຜນການວຽກງານຈຸດສຸມປີ 2025 ຕື່ມອີກ.
ຈາກນັ້ນ, ໃນກອງປະຊຸມ ຕາງໜ້າ ແຕ່ລະກຸ່ມບ້ານ ແຕ່ລະພະແນກກໍ່ໄດ້ພັດປ່ຽນກັນ ມີຄຳຄິດ-ຄຳເຫັນແລກປ່ຽນບາງວຽກງານຕໍ່ກັບຄຳຖາມເຈາະຈີ້ມ ຂອງປະທານກອງປະຊຸມ ແລະ ຕໍ່ກັບເນື້ອໃນຮ່າງບົດສະຫຼຸບ ເພື່ອໃຫ້ຄົບຖ້ວນ ແລະຖືກຕ້ອງສົມບູນຂຶ້ນກວ່າເກົ່າ.
ໃນຕອນທ້າຍຂອງກອງປະຊຸມ ສະຫາຍ ທອງສິງ ອິນທະແສງ ເລຂາພັກເມືອງ ເຈົ້າເມືອງ-ເມືອງບຸນໃຕ້, ທັງເປັນປະທານປ້ອງກັນຊາດ-ປ້ອງກັນຄວາມສະຫງົບເມືອງ, ໄດ້ມີທັດສະນະໂອ້ລົມຕໍ່ບັນດາຄະນະປ້ອງກັນວຽກງານພາຍໃນເຊິ່ງກ່ອນອື່ນສະຫາຍ ໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນງານໃນໄລຍະຜ່ານມາທີ່ບັນດາຄະນະພັກ-ຄະນະປ້ອງກັນຄວາມສະຫງົບເມືອງໄດ້ສຸມທຸກສະຕິປັນຍາ ແລະ ເຫື່ອແຮງເຂົ້າໃນການປະຕິບັດວຽກງານປ້ອງກັນຄວາມສະຫງົບ ເຮັດໃຫ້ບັນດາບ້ານພາຍໃນເມືອງ ມີຄວາມສະຫງົບໂດຍພື້ນຖານ ແລະ ຍັງໄດ້ເນັ້ນໜັກໃຫ້ບັນດາຄະນະພັກ-ຄະນະບັນຊາແຕ່ລະຂັ້ນຕ້ອງໄດ້ເປັນເຈົ້າການໃນການລົງຊີ້ນໍາຕົວຈິງໃນແຕ່ລະວຽກງານໃຫ້ແທດເຖິງ, ກວດກາເປັນປະຈຳ, ສະຫຼຸບຖອດຖອນບົດຮຽນເປັນແຕ່ລະໄລຍະ ແລະ ອຳນວຍຄວາມສະດວກດ້ານຕ່າງໆ ໃນການຈັດຕັ້ງປະຕິບັດໃຫ້ປະກົດຜົນເປັນຈິງ.
