ໜ້າຫຼັກ / ການເຄື່ອນໄຫວ / ພະແນກປະກັນສັງຄົມ ທະຫານແຂວງຜົ້ງສາລີ ຈັດພິທີມອບ-ຮັບເງິນອຸດໜູນໃຫ້ແກ່ຄອບຄົວຜູ້ເສຍຊີວິດ.
ໂດຍປະຕິບັດຕາມນະໂຍບາຍຂອງພັກ-ລັດ, ກໍ່ຄືກອງບັນຊາການທະຫານແຂວງຜົ້ງສາລີ ທີ່ມີຕໍ່ພະນັກງານນັກຮົບຜູ້ທີ່ເສຍຊີວິດໃນການປະກອບສ່ວນປົກປັກຮັກສາ ແລະ ສ້າງສາພັດທະນາປະເທດຊາດ, ຕອນບ່າຍຂອງວັນທີ 4 ກຸມພາ 2025 ນີ້, ຢູ່ທີ່ຫ້ອງປະຊຸມກອງບັນຊາການທະຫານແຂວງຜົ້ງສາລີ ພະແນກປະກັນສັງຄົມ ຫ້ອງການເມືອງ ໄດ້ຈັດພິທີມອບ-ຮັບເງິນອຸດໜູນເສຍຊີວິດນາຍ ແລະ ພົນທະຫານ ແລະ ເງິນອຸດໜູນເສຍຊີວິດລູກ, ໂດຍການເປັນປະທານຂອງສະຫາຍ ພັນໂທ ບຸນເພັງ ແສງສຸລີ ຄະນະພັກກອງບັນຊາການ ຮອງຫົວໜ້າຫ້ອງການເມືອງ ກອງບັນຊາການທະຫານແຂວງຜົ້ງສາລີ, ເຂົ້າຮ່ວມມີພະະແນກການທີ່ກ່ຽວຂ້ອງ ແລະ ຕ່າງໜ້າຄອບຄົວຂອງຜູ້ເສຍຊີວິດເຂົ້າຮ່ວມ
ໃນພິທີສະຫາຍ ພັນໂທ ພັນໄຊ ແກ້ວບຸນທີ ຫົວໜ້າພະແນກປະກັນສັງຄົມ ຫ້ອງການເມືອງ ກອງບັນຊາການທະຫານແຂວງຜົ້ງສາລີ ໄດ້ຂຶ້ນຜ່ານບົດບັນທຶກມອບ-ຮັບເງິນອຸດໜູນເສຍຊີວິດຂອງນາຍ ແລະ ພົນທະຫານ ແລະ ເງິນອຸດໜູນເສຍຊີວິດລູກ ສະບັບເລກທີ 04, 05/ພປກຄ, ຜົ້ງສາລີ ວັນທີ 04.02.2025, ໃນຈໍານວນເງິນທັງໝົດ(ຫ້າສີບແປດລ້ານກ່ວາກີບ), ຈາກນັ້ນຕ່າງໜ້າຄອບຄົວຜູ້ເສຍຊີວິດ ໄດ້ກ່າວສະແດງຄວາມຂອບອົກຂອບໃຈຕໍ່ການນໍາພັກ-ລັດທີ່ເຫັນໄດ້ຄຸນງາມຄວາມດີ ແລະ ມີນະໂຍບາຍຕໍ່ພະນັກງານນັກຮົບຜູ້ທີ່ເສຍຊີວິດ
ຕອນທ້າຍພິທີໄດ້ຮັບຟັງການໂອ້ລົມຈາກປະທານ ກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ຂອງຜູ້ເສຍຊີວິດ ໃນການປະກອບສ່ວນປົກປັກຮັກສາ ແລະ ສ້າງສາພັດທະນາປະເທດຊາດໃນຕະລອດໄລຍະທີ່ຜ່ານມາ, ແລະ ຮຽກຮ້ອງມາຍັງຄອບຄົວຂອງຜູ້ເສຍຊີວິດພາຍຫຼັງໄດ້ຮັບເງິນອຸດໜູນດັ່ງກ່າວແລ້ວໃຫ້ໝູນໃຊ້ເຂົ້າໃນຄອບຄົວໃຫ້ເກີດປະໂຫຍດສູງສຸດ.
