ໜ້າຫຼັກ / ການເຄື່ອນໄຫວ / ທ່ານຮອງເຈົ້າເມືອງ ພ້ອມດ້ວຍ ຄະນະທີມງານຫ້ອງການສຶກສາ ລົງຊຸກຍູ້ແຮງງານຂອງຊຸມຊົນ 13ບ້ານ ບໍລິການ ປະກອບສ່ວນເຂົ້າໂຄງການກໍ່ສ້າງຫໍພັກຄູ ແລະ ນັກຮຽນ ຢູ່ ໂຮງຮຽນ ມສ ສໍາພັນໄຊ ເມືອງບຸນໃຕ້ ແຂວງຜົ້ງສາລີ.
ວັນທີ 6 ກຸມພາ 2025 ນີ້, ທ່ານ ຄໍາຫຼ້າ ດວງມາໄລ ຮອງເຈົ້າເມືອງ, ຜູ້ຊີ້ນຳວຽກງານຂົງເຂດວັດທະນະທຳ-ສັງຄົມ, ທ່ານ ນາງ ຂັນຫຼ້າ ເພັດໄຊຄຸນ ຫົວໜ້າຫ້ອງການສຶກສາທິການ-ກິລາເມືອງ, ເລຂາຄະນະພັກຮາກຖານກຸ່ມສໍາພັນໄຊ ພ້ອມດ້ວຍຄະນະທີມງານຫ້ອງການສຶກສາ ລົງປຸກລະດົມຊຸກຍູ້ ການປະກອບສ່ວນແຮງງານຂອງຊຸມຊົນ 13ບ້ານ ເຂດບໍລິການ ເຂົ້າສົມທົບໂຄງການກໍ່ສ້າງຫໍພັກຄູ ແລະ ນັກຮຽນ ຢູ່ ໂຮງຮຽນ ມສ ສໍາພັນໄຊ.
ໃນການລົງຊຸກຍູ້ໃນຄັ້ງນີ້, ຄະນະຮັບຜິດຊອບໄດ້ຜ່ານ ຂໍ້ຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບການກໍ່ສ້າງຫໍພັກ; ຜ່ານແຜນດຳເນີນງານວ່າດ້ວຍສິດ ແລະ ພາລະບົດບາດ ຂອງຄະນະຮັບຜິດຊອບໂຄງການກໍ່ສ້າງ. ໃນນີ້ຄະນະອະນຸກຳມະການໄດ້ກຳນົດແຜນວຽກແຮງງານຊຸມຊົນຈະປະກອບລວມມີ 5 ໜ້າວຽກຕົ້ນຕໍຄື: ວຽກຂຸດຂຸມເສົາ, ປຸກເສົາເປຕົງສຳເລັດຮູບ; ວຽກຖອກເທຄານ; ວຽກຂຸດດີນ, ປັບດີນ; ວຽກເທພື້ນເປຕົງ; ຊ່ວຍວຽກຫຼັງຄາ ແລະ ວຽກຍ່ອຍອີກຈຳນວນໜື່ງ.
ໃນນີ້, ທ່ານ ນາງຂັນຫ້າ ເພັດໄຊຄຸນ ຫົວໜ້າຫ້ອງການສຶກສາທິການ ແລະ ກິລາ ເມືອງໄດ້ຍົກໃຫ້ເຫັນຂໍ້ສະດວກ ແລະ ຄວາມຫຍຸ້ງຍາກ ໃນການກໍ່ສ້າງໂຄງການເປັນຕົ້ນແມ່ນດ້ານງົບປະມານ ແລະ ວັດຖຸປັດໄຈອື່ນໆ, ແຕ່ເຖີງຢ່າງໃດກໍ່ຕາມ ເພື່ອສົ່ງເສີມ ແລະຊ່ວຍເຫຼືອນັກຮຽນຜູ້ທີ່ຢູ່ເຂດຫ່າງໄກສອກຫຼີກໄດ້ມີຫໍພັກອາໄສ ທີມີຄວາມສະດວກເອື້ອອຳນວຍເຂົ້າໃນການຮຽນການສອນ ແຕ່ລະພາກສ່ວນຈະໄດ້ເອົາໃຈໃສ່ຮ່ວມມືປະສານງານ ແລະ ປະກອບສ່ວນຢ່າງເຕັມທີ່ຈົນກວ່າໂຄງການຈະສຳເລັດ. ໂຄງການກໍ່ສ້າງຫໍພັກດັ່ງກ່າວເປັນໂຄງການທືນສົມທົບ ເນື່ອງຈາກວ່າງົບປະມານການກໍ່ສ້າງບໍ່ພຽງພໍ ດັງນັັ້ນຊຸມຊົນຕ້ອງໄດ້ມີສ່ວນຮ່ວມປະກອບສ່ວນດ້ານແຮງງານ ແລະ ວັດສະດຸຈຳນວນໜື່ງສົມທົບຈື່ງຈະເຮັດໃຫ້ໂຄງການດັ່ງກ່າວສຳເລັດຕາມຄາດໝາຍ. ໂຄງການກໍສ້າງຫໍພັກເປັນອາຄານເຄີ່ງຖາວອນ ທີ່ໃຊ້ເປັນເສົາເບຕົງສໍາເລັດຮູບ, ແອ້ມຝາດ້ວຍດີນບອກສູງ 70 ຊັງຕີແມັດ, ແອ້ມດ້ວຍໄມ້ເຊີລາ ຕາມການອອກແບບຂອງກະຊວງສຶກສາທິການ ແລະ ກິລາກໍານົດໄວ້.
ໃນໂອກາດນີ້ ທ່ານ ຄຳຫຼ້າ ດວງມາໄລ ຮອງເຈົ້າເມືອງ, ຜູ້ຊີ້ນຳຂົງເຂດວຽກງານວັດທະນະທຳ-ສັງຄົມ ຍັງໄດ້ມີຄໍາເຫັນໂອ້ລົມ ແລະ ໄດ້ຮຽກຮ້ອງມາຍັງ ເລຂາຄະນະພັກຮາກຖານກຸ່ມ, ເລຂາພັກບ້ານ-ນາຍບ້ານ ເຂດບໍລິການຕະຫຼອດຮອດຄະນະອຳນວຍການໂຮງຮຽນ ມສ ສຳພັນໄຊ ແລະ ອະນຸກໍາມະການທຸກພາກສ່ວນ ຈົ່ງຍົກສູງບົດບາດເອົາໃຈໃສ່ປຸກລະດົມຂົນຂວາຍກການມີສ່ວນຮ່ວມຂອງຊຸມຊົນ ປະກອບສ່ວນແຮງງານ, ວັດຖຸ, ງົບປະມານດ້ວຍຄວາມຮັບຜິດຊອບ, ມີຄວາມຮັບປະກັນ ຄວາມພ້ອມໃນການກໍ່ສ້າງ ບົນພື້ນຖານ ຄວາມຮັບຜິດຊອບສູງ ຕໍ່ຂອດການຈັດຕັ້ງປະຕິບັດ ແລະ ການພົວພັນປະສານງານກັບແຕ່ລະພາກສ່ວນໃຫ້ຕໍ່ເນື່ອງ ເພື່ອຮັບປະກັນຄວາມພ້ອມໃນການກໍ່ສ້າງ ບົນພື້ນຖານ ຄວາມຮັບຜິດຊອບສູງ ຕໍ່ຂອດການຈັດຕັ້ງປະຕິບັດ ແລະ ການພົວພັນປະສານງານກັບແຕ່ລະພາກສ່ວນໃຫ້ຕໍ່ເນື່ອງ ເພື່ອຮັບປະກັນເຮັດໃຫ້ໂຄງການກໍ່ສ້າງມີຜົນສໍາເລັດຕາມລະດັບຄາດໝາຍທີ່ວາງໄວ້.
