ໜ້າຫຼັກ / ການເຄື່ອນໄຫວ / ງານສະຫຼອງ ອາລາມ ວັດສີມຸງຄຸນ ໄຊຍະຣາມ ບ້ານທ່າບັກເມືອງຂວາ ແຂວງຜົ້ງສາລີ

ງານສະຫຼອງ ອາລາມ ວັດສີມຸງຄຸນ ໄຊຍະຣາມ ບ້ານທ່າບັກເມືອງຂວາ ແຂວງຜົ້ງສາລີ

07 Feb 2025 | ສອນໄຊ ແສງມະນີ (ນັກຂ່າວຫ້ອງການ ຖວທ ເມືອງຂວາ) |

ງານສະຫຼອງ ດັ່ງກ່າວໄດ້ຈັດຂຶ້ນໃນລະຫວ່າງ 7-8 ກຸມພາ 2025 ນໍາໂດຍ ພຣະອຈານ ວຽງທອງ ວັດທະໂນ ຮອງປະທານ ອົງການພຸດທະສາໜາສໍາລາວ ແຂວງຜົ້ງສາລີ, ພຣະອຈານ ບຸນທໍາ ປະທານ ອົງການພຸດທະສາໜາສໍາລາວ ແຂວງຫຼວງນໍ້າທາ, ທ່ານ ສອນສະໜຸກ ສີສຸລາດ ເຈົ້າເມືອງໆຂວາ, ມີພຣະເຖລະ, ນຸເຖລະ, ຄະນະນໍາຂອງເມືອງ, ປະຊາຊົນຊາວເມືອງຂວາ, ເມືອງອ້ອມຂ້າງ ພ້ອມຄະນະເຈົ້າສັດທາເຂົ້າຮ່ວມ.

ພິທີແມ່ນໄດ້ແຫ່ຂະບວນຄະນະສັດທາຍາດໂຍມ ຊາວເມືອງຂວາ ແລະ ບັນດາເຈົ້າສັດທາຜູ້ຮ່ວມສ້າງວັດສີມຸງຄຸນ ໄຊຍະຣາມ ບ້ານທ່າບັກເມືອງຂວາ ແຂວງຜົ້ງສາລີ ແມ່ນໄດ້ເລີມແຫ່ແຕ່ວັດສີຄູນເມືອງ ຫາວັດວັດສີມຸງຄຸນ ໄຊຍະຣາມ ໃນໄລຍະທາງ 4-5 ກິໂລແມັດ ຜ່ານເທດສະບານເມືອງ, ຂົວນໍ້າພາກ ແລະ ຂົວນໍ້າອູ ເຊິ່ງນໍາໂດຍຂະບວນນາງສາວ ຖືປ້າຍ, ຂະບວນສີລະປະ, ຂະບວນແຫ່ຕົ້ນປາລະມີ ແລະ ຂະບວນກອງຫົດ ຈາກພໍ່ແມ່ປະຊາຊົນເປັນຈໍານວນຫຼວງຫຼາຍ ທີ່ໄດ້ມີການນຸ່ງຖືຊີ້ໃຫ້ເຫັນການອານຸລັກວັດທະນະທໍາຮີດຄອງປະເພນີ ແລະ ວິຖີການດໍາລົງຊີວິດຂອງປະຊາຊົນບັນດາເຜົ່າທີ່ອາໃສ່ຢູ່ເມືອງຂວາ, ແຂວງຜົ້ງສາລີ ອັນປະກອບໄປດ້ວຍຫຼາຍຊົນຊາດຊົນເຜົ່າຢູ່ຮ່ວມກັນ ແລະ ມີຄວາມສາມັກຄີປອງດອງ ສະແດງອອກການຮ່ວມສ້າງບຸນໃນຄັ້ງນິ້. ທ່ານ ນາງ ບົວວອນ ໄຊທະລາ ນາຍບ້ານໆທ່າບັກ ໄດ້ຜ່ານບົດລາຍງານຫຍໍ້ ການຈັດຕັ້ງປະຕິບັດໃນການກໍ່ສ້າງ ອາລາມ (ສິມ) ຫຼັງໃໝ່ ວັດສີມຸງຄຸນ ໄຊຍະຣາມ. ອາລາມ (ສິມ) ຫຼັງໃໝ່ ວັດສີມຸງຄຸນ ໄຊຍະຣາມບ້ານທ່າບັກ ໄດ້ເລີມລົງມືກໍ່ສ້າງແຕ່ວັນທີ 5 ພຶດສະພາ 2022 ແລະ ສໍາເລັດໃນທ້າຍເດືອນມັງກອນ 2025 ລວມມູນຄ່າໃນການກໍ່ສ້າງທັງໝົດ 1 ຕື້ 300 ລ້ານກີບ. ໂດຍແມ່ນສັດທາຜູ້ໃຈບຸນທັງຫຼາຍທີ່ຢູ່ໃກ້ ແລະ ຢູ່ໄກ ຮ່ວມສ້າງ. ໂອກາດນິ້ ທ່ານ ສອນສະໜຸກ ສີສຸລາດ ເຈົ້າເມືອງໆຂວາ ໄດ້ມີຄໍາເຫັນກ່າວເປີດ ສະຫຼອງອາລາມ (ສິມ) ຫຼັງໃໝ່ ວັດສີມຸງຄຸນ ໄຊຍະຣາມ ແລະ ລັ່ນຄອງ 9 ບາດ ເພື່ອເປັນສິຣິມຸງຄຸນ. ຈາກນັ້ນ ໃນພິທີ ໄດ້ມີການເຖຣາຈົວ 9 ຕົນ, ພິທີຂອດສິມ ຕັດລູກນິມິດ; ເວລາ 17: 30 ນາທີ ເລີ່ມພິທີທາງສາສະໜາ ໄຫວພຣະຮັບສິນ, ຟັງທໍາມະເທດສະໜາ 7 ຜູກ; ເວລາ 21:00 ນາທີ ສົມໂພດພຣະພຸດທະຮູບ 10 ອົງຕະຫຼອດຄືນ. ຕອນເຊົ້າຂອງວັນທີ 8 ມັງກອນ 2025 ເຈົ້່າພາບຂຶ້ນໄຕທຽນບູຊາພຣະຣັດຕະນະໄຕ ໄຫວພຣະຮັບສິນ, ຖວາຍເຄື່ອງທານ, ໃສ່ບາດພຣະສົງ, ສາມະເນນ, ຮັບຟັງທໍາມະເທດສະໜາ 2 ຜູກ ແລະ ຫົດສົ່ງ ເຖຣະພິເສກ 5 ອົງ ພ້ອມທັງຕໍ່ຍອດເພື່ອຮີບໂຮມປັດໃຈສ້າງວັດຕໍ່, ຄາລະວະ ຮັບພອນ ຢາດນໍ້າ ເປັນອັນວ່າຈົບພິທີ.

Share:

ຂ່າວຫຼ້າສຸດ

ການເມືອງ

ແຂວງຜົ້ງສາລີ ເຜີຍແຜ່ເອກະສານ ສຶກສາການເມືອງແນວຄິດ ສຳລັບ ສະມາຊິກພັກ ພະນັກງານ ເພືອດຳເນີນຊີວິດການເມືອງທົ່ວພັກ.

  • 01 May 2025
  • ຂ່າວ: ຍີນໄຊ ສີບຸນເຮືອງ

...

ອ່ານເພີ່ມ

ເມືອງຜົ້ງສາເຜີຍແຜ່ເຊື່ອມຊຶມເອກະສານສຶກສາອົບຮົມການເມືອງ-ແນວຄິດໃຫ້ສະມາຊິກພັກ-ພະນັກງານເພື່ອດໍາເນີນຊີວິດການເມືອງທົ່ວພັ

  • 03 Apr 2025
  • ນັກຂ່າວຫ້ອງການ ຖວທ ເມືອງຜົ້ງສາລີ

...

ອ່ານເພີ່ມ

ການເມືອງ

ຮອງເຈົ້າແຂວງຜົ້ງສາລີ ເນັ້ນໜັກ 5 ປະເດັ່ນຕໍ່ຜູ້ເຂົ້າຮ່ວມກອງປະຊຸມຮັບຮອງຜົນການປະເມີນເຂດຫ່າງໄກສອກຫຼີກ ແລະ ທຸລະກັນດານ ໃນທົ່ວແຂວງ ປະຈໍາປີ 2025

  • 02 Apr 2025
  • ຂ່າວ, ພາບ: ສົມຄິດ

ໃນໂອກາດທີທ່ານ ຄໍາເຫຼັກ ໃຈອີສານ...

ອ່ານເພີ່ມ

ນວັນທີ 2 ເມສາ 2025 ນີ້ ກອງບັນຊາການ ປກສ ເມືອງບຸນເໜືອປາຖະກະຖາວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 64 ປີ

  • 02 Apr 2025
  • ພາບ_ຂ່າວ ຮທ ວອນຄຳ ເຫຼັກສາ

ໃນວັນທີ 2 ເມສາ 2025 ນີ້ ກອງບັນຊາການ ປກສ...

ອ່ານເພີ່ມ