ວາງກະຕ່າດອກໄມ້ ເນື່ອງໃນໂອກາດດຳເນີນກອງປະຊຸມໃຫຍ່ ຂອງອົງຄະນະພັກເມືອງ ຍອດອູ ຄັ້ງທີ X .
26 Feb 2025 | ໄລພອນ ສີສົມພອນ ຖວທ ເມືອງຍອດອູ |
ໃນຕອນແລງຂອງວັນທີ 26 ກຸມພາ 2025 ນີ້, ຄະນະບໍລິຫານງານພັກເມືອງ ຍອດອູ ແຂວງຜົ້ງສາລີ ນໍາໂດຍ ສະຫາຍ ສົມຫວັງ ສຸມວິໄລ ກຳມະການພັກແຂວງ ເລຂາພັກເມືອງ-ເຈົ້າເມືອງຍອດອູ ໄດ້ເຂົ້າວາງກະຕ່າດອກໄມ້ຢູ່ຕໍ່ໜ້າອະນຸສາວະລີ ປະທານ ໄກສອນ ພົມວິຫານ ເນື່ອງໃນໂອກາດ ດຳເນີນກອງປະຊຸມໃຫຍ່ຂອງອົງຄະນະພັກເມືອງ ຍອດອູ ຄັ້ງທີ X. ການວາງກະຕ່າດອກໄມ້ໃນຄັ້ງນີ້ ເພື່ອເປັນການສະແດງເຖິງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນຕໍ່ຄຸນງາມຄວາມດີ,
ນ້ຳໃຈຕໍ່ສູ້ຢ່າງພິລະອາດ
ຫານ ແລະ ບໍ່ຍອມຈຳນົນຂອງປະທານ ໄກສອນ ພົມວິຫານ ກໍ່ຄື ບັນພະບູລຸດ ແລະ ບັນດານັກຮົບປະຕິວັດຂອງລາວ ທີ່ເສຍສະຫຼະຊີວິດ, ເລືອດເນື້ອ ເພື່ອພາລະກິດປະຕິ
ວັດ ຢ່າງອົງອາດກ້າຫານ ພາຍໃຕ້ການນຳ ພາ-ຊີ້ນຳທີ່ສະຫລາດສ່ອງໃສ ແລະ ປີຊາສາມາດຂອງພັກປະຊາຊົນ ປະຕິວັດລາວ ຈົນສາ ມາດຍາດໄດ້ໄຊຊະນະ ແລະ ປະກາດເອ
ກະລາດ, ສະຖາປະນາ ເປັນ ສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ ປີ 1975. ພວກເຮົາເປັນລູກຫຼານຂອງຊາດລາວເຮົາ ຈະພ້ອມກັນເພີ່ມພູນຄູນສ້າງ ແລະ ເສີມຂະຫຍາຍມໍລະດົກອັນລໍ້າຄ່າທີ່ປະທານ ໄກສອນ ພົມວິຫານ ໄດ້ສ້າງໄວ້ໃຫ້ພວກເຮົາມີຄວາມສົມບູນພູນສຸກ, ຄວາມຈະເລີນກ້າວ
ໜ້າ ໃຫ້ກັບປະຊາຊົນລາວບັນດາເຜົ່າຕະລອດໄປ.
Share:
