ສະຫະພັນແມ່-ຍິງເມືອງຜົ້ງສາລີ ສໍາເລັດກອງປະຊຸມຄົບຄະນະບໍລິຫານງານສະຫະພັນແມ່ຍິງຄັ້ງທີ 2 ສະໃໝ X
25 Feb 2025 | ນັກຂ່າວ ສະຫະພັນແມ່ຍິງແຂວງ |
ກອງປະຊຸມດັ່ງກ່າວໄດ້ຈັດຂື້ນໃນຕອນເຊົ້າຂອງວັນທີ 25 ກຸມພາ 2025 ນີ້ ຢູ່ຫ້ອງຄະນະປະຈໍາຂອງເມືອງຜົ້ງສາລີ ໂດຍໃຫ້ກຽດເຂົ້າຮ່ວມຂອງ ທ່ານ ປີງໄຊ ວົງແສນແກ້ວ ປະທານແນວລາວສ້າງຊາດ ຜູ້ຊື້ນໍາອົງການຈັດຕັ້ງມະຫະຊົນຂັ້ນເມືອງ, ມີທ່ານ ນາງ ຄໍາມະລາ ສຸວົງ ປະທານ ສະຫະພັນແມ່ຍິງແຂວງ, ເຂົ້າຮ່ວມມີຜູ້ແທນ-ແຂກ ແລະ ບັນດາຄະນະບໍລິຫານງານສະຫະພັນແມ່ຍິງເມືອງຕະຫຼອດຮອດພະນັກງານລັດຖະກອນພາຍໃນຫ້ອງການແມ່ຍິງເຂົ້າຮ່ວມ.ກອງປະຊຸມ ທ່ານ ນາງ ດວງຕາ
ຄະນະສະຫະພັນແມ່ຍິງເມືອງ, ໄດ້ຂື້ນກ່າວຈຸດປະສົງ ແລະ ສະເໜີແຂກຜູ້ແທນພ້ອມທາງຜ່ານມະຕິຕົກລົງຂອງຄະນະປະຈໍາພັກເມືອງວ່າດ້ວຍການອະນຸມັດດໍາເນີນເປີດກອປະຊຸມຄົບຄະນະບໍລິຫານງານ ຄັ້ງທີ 2 ສະໄໝທີ X ໃນກອງປະຊຸມ ທ່ານ ນາງ ສີມົນ ຈັນເສັດ ປະທານສະຫະພັນແມ່ຍິງເມືອງຜົ້ງສາລີ, ຂື້ນກ່າວເປີດກອງປະຊຸມຢ່າງເປັນທາງການ ພ້ອມທັງຜ່ານມະຕິຕົກລົງຂອງທ່ານເຈົ້າເມືອງວ່າດ້ວຍການຮັບຮອງເອົາຄະນະບໍລິຫານງານສະຫະພັນແມ່ຍິງຊຸດທີ X ຕິລາຄາຈຸດແຂງ ແລະ ຈຸດອ່ອນຂອງຄະນະບໍລິຫານງານສະຫະພັນແມ່ຍິງເມືອງຊຸດທີ X ຜ່ານມະຕິຕົກລົງວ່າດ້ວຍການແບ່ງໜ້າທີ່ຄວາມຮັບຜິດຊອບໃຫ້ແກ່ຄະນະບໍລິຫານງານສະຫະພັນແມ່ຍິງຊຸດທີ່ X ແລະ ຜ່ານແຜ່ນດໍາເນີນງານ ແຕ່ປີ 2025-2029.
ກອງປະຊຸມ ທ່ານ ນາງ ສີນທະລາ ວຸທີລາດ ຂື້ນຜ່ານຂໍ້ຕົກລົງວ່າດ້ວຍແບບແຜນວິທີເຮັດວຽກຂອງຄະນະບໍລິຫານງານຊຸດທີ X ແລະ ຜ່ານບົດຜັນຂະຫຍາຍມະຕິກອງປະຊຸມໃຫຍ່ ຜູ້ແທນສະຫະພັນແມ່ຍິງເມືອງຊຸດທີ X. ໂອກາດທີມີຄວາມໝາຍສໍາຄັນນີ ທ່ານ ນາງ ຄໍາມະລາ ສຸວົງ ປະທານ ສະຫະພັນແມ່ຍິງແຂວງ, ໄດ້ໂອ້ລົມຕໍ່ກອງປະຊຸມ ເຊິງກ່ອນອື້ນ ທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຄະນະສະຫະພັນແມ່ຍິງເມືອງຜົ້ງສາລີທີຍາດໄດ້ຜົນງານໃນຕະຫຼອດໄລຍະຜ່ານມາ ແລະ ທ່ານຍັງເນັ້ນໃຫ້ຄະນະສະຫະພັນແມ່ຍິງເມືອງເອົາໃຈໃສ່ປະຕິບັດແບບແຜນວິທີນໍາພາ, ວິທີເຮັດວຽກຕາມຫຼັກການລວມສູນປະຊາທິປະໄຕ ແບ່ງຄວາມຮັບຜິດຊອບໃຫ້ບຸກຄົນເອົາໃຈໃສ່ຫັນລົງຮາກຖານເກັບກໍາສະພາບແນວຄິດຈິດໃຈຂອງສະມາຊິກສະຫະພັນແມ່ຍິງຢູ່ຂັ້ນບ້ານ, ເອົາໃຈໃສ່ສຶກສາອົບຮົມການເມືອງແນວຄິດໃຫ້ຖັນແຖວເອື້ອຍນ້ອງແມ່ຍິງເຊື່ອມຊືມຕໍ່ແນວທາງນະໂຍບາຍຂອງພັກ, ກົດໝາຍຂອງລັດໃນແຕ່ລະໄລຍະ ປຸກລະດົມສະມາຊິກສະຫະພັນແມ່ຍິງຂັ້ນບ້ານໃຫ້ປະຕິບັດຂໍ້ແຂ່ງຂັນ 3 ດີ 6 ຮັກ ໂດຍຕິດພັນກັບຂະບວນການຂໍ່ແຂ່ງຂັນຮັກຊາດ ແລະ ການພັດທະນາໃຫ້ໄດ້ຕາມຄາດໝາຍທີ່ວ່າງອອກ, ເສີມຂະຫຍາຍທາດແທ້ມູນເຊື້ອປະຕິວັດເຕົ້າໂຮມຄວາມສະມັກຄີປອງດອງກັບທຸກຊັ້ນຄົນໃນສັງຄົມເພືອປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດເວົ້າລວມເວົ້າສະເພາະເມືອງຜົ້ງສາລີມີການຂະຫຍາຍຕົວຍິງໆຂື້ນ.
Share:
