ໜ້າຫຼັກ / ການເຄື່ອນໄຫວ / ສະຖາບັນການເງິນຈຸລະພາກສິນຊັບເມືອງເໜືອທີ່ຮັບເງິນຝາກ ເຂົ້າອວຍພອນຄະນະກອງບັນຊາການທະຫານແຂວງຜົ້ງສາລີ.
ເນື່ອງໃນໂອກາດຂໍ່ານັບຮັບຕ້ອນວັນສໍາຄັນຂອງພັກ-ຂອງຊາດ ແລະ ຊົມເຊີຍວັນສ້າງຕັ້ງກອງທັບປະຊາຊົນລາວຄົບຮອບ 76 ປີ, ໂດຍສະເພາະແມ່ນຕ້ອນຮັບກອງປະຊຸມໃຫຍ່ ຄັ້ງທີ VI ຂອງອົງຄະນະພັກກອງບັນຊາການທະຫານແຂວງຜົ້ງສາລີທີ່ໃກ້ຈະມາເຖິງ, ໃນຕອນເຊົ້າວັນທີ 27 ກຸມພາ 2025 ນີ້, ສະຖາບັນການເງິນຈຸລະພາກສິນຊັບເມືອງເໜືອທີ່ຮັບເງິນຝາກ ນໍາໂດຍ ສະຫາຍ ນາງ ສີອໍາໄພ ພົມມະນີ ຫົວໜ້າໜ່ວຍງານບໍລິການ ພ້ອມຄະນະເຂົ້າອວຍພອນຄະນະກອງບັນຊາການທະຫານແຂວງຜົ້ງສາລີ ໄດ້ໂດຍການຕ້ອນຮັບຂອງ ສະຫາຍ ພົນຈັດຕະວາ ຊຽງເພັງ ບົວລະວົງ ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງ ພ້ອມຄະນະ.
ໂອກາດດັ່ງກ່າວຄະນະທີມງານໄດ້ອວຍພອນໄຊອັນປະເສີດມາຍັງຄະນະພັກ-ຄະນະບັນຊາ, ນາຍ ແລະພົນທະຫານໃນທົ່ວທະຫານແຂວງຈົ່ງມີສຸຂະພາບແຂງແຮງ, ເປັນກໍາລັງຫຼັກແຫຼ່ງທີ່ເຂັ້ມແຂງ ແລະ ພ້ອມກັນເຮັດສໍາເລັດໜ້າທີ່ການເມືອງທີໄດ້ຮັບການມອບໝາຍ, ພ້ອມນັ້ນໄດ້ນໍາເອົາກະຕ່າຂອງຂວັນ ແລະ ເຄື່ອງທີ່ລະນຶກມອບໃຫ້ຄະນະພັກກອງບັນຊາການທະຫານແຂວງ, ໃນໂອກາດດັ່ງກ່າວ ສະຫາຍຫົວໜ້າການເມືອງ ກອງບັນຊາການທະຫານແຂວງ ໄດ້ກ່າວສະແດງຄວາມຂອບໃຈຕໍ່ຄະນະສະຖາບັນການເງິນຈຸລະພາກສິນຊັບເມືອງເໜືອທີ່ຮັບເງິນຝາກ ທີ່ເຫັນໄດ້ຄວາມໝາຍຄວາມສໍາຄັນ ໄດ້ມາຢ້ຽມຢາມຖາມຂ່າວ, ພ້ອມທັງອວຍພອນຈົ່ງມີຄວາມເຂັ້ມແຂງ, ມີຄວາມຜາສຸກໃນຊີວິດສ່ວນຕົວຄອບຄົວ, ມີຄວາມຈະເລີນກ້າວໜ້າທາງທຸລະກິດ ແລະ ສືບຕໍ່ຮັດແໜ້ນຄວາມສາມັກຄີລະຫວ່າງກົມກອງດ້ວຍກັນໃຫ້ແໜ້ນແຟ້ນຂຶ້ນໄປເລື້ອຍໆ.
