ການຈັດຕັ້ງປະຕິບັດແນວທາງຂອງພັກ ໃນການສົ່ງເສີ່ມໃຫ້ທຸກພາກສ່ວນຫັນການຜະລິດກະສີກໍາ ມາເຮັດການບໍລິການຕາມ 6 ທາງອອກຂອງແຂວງ; ມະຕິກອງປະຊຸມໃຫຍ່ຄັ້ງທີ່ VIII, ແຜນພັດທະນາເສດຖະກິດ ແລະ 5 ທາງອອກຂອງເມືອງບູນເໜືອນັ້ນ. ຄອບຄົວຂອງທ່ານ ສຸລິທອງ ຊີ່ງເຈົ້າ, ອາຍຸ 42 ປີ, ຊົນເຜົ່າສີດາ, ຢູ່ບ້ານ ໂພນໂຮມ, ເມືອງບຸນເໜືອ, ແຂວງຜົ້ງສາລີ ກໍແມ່ນຄອບຄົວໜຶ່ງທີ່ສູ້ຊົນພັດທະນາຄອບຄົວຕົນເອງດ້ວຍການບໍລິການວັດສະດຸກໍ່ສ້າງ ແລະ ເຄື່ອງໃຊ້ໄຟ້າ ເຊີງສາມາດສ້າງລາຍຮັບເຂົ້າຄອບຄົວຫຼາຍຮ້ອຍລ້ານກີບຕໍ່ປີ ຈົນກາຍເປັນຄອບຄົວຕົວແບບ ໃນການພັດທະນາເສດຖະກິດຄອບຄົວ ທີເມືອງບູນເໜືອ ໄດ້ຄັດເລືອກໃຫ້ເປັນຕົວແບບ ຂື້ນປະກອບຄຳເຫັນໃນກອງປະຊຸມໃຫຍ່ຜູ້ແທນອົງຄະນະພັກເມືອງບຸນເໜືອຄັ້ງທີ IX ເຊິ່ງຈັດຂຶ້ນລະຫວ່າງວັນທີ 10 - 11 ກຸມພາ 2025 ນີ້.

ເຊີງທ່ານ ສຸລິທອງ ຊີ່ງເຈົ້າ ໄດ້ກ່າວວ່າ: ພາຍໃນຄອບຄົວມີສະມາຊີກທັງໝົດ 5 ຄົນ, ຍິງ 2 ຄົນ, ແຮງງານພະນັກງານປະຈໍາ 8 ຄົນ, ຍິງ 2 ຄົນ. ໂດຍເລີ່ມຄອບຄົວຕົນເອງແມ່ນໄດ້ເລີ່ມເຮັດທຸລະກິດແຕ່ປີ 2003 ໃນເມື່ອກອ່ນໄດ້ຂື້ນທະບຽນເປັນວິສາຫະກິດສ່ວນບຸກຄົນ ບໍລິການຂາຍເສື້ອຜ້າ ແລະ ເຄື່ອງນຸ່ງຫົ່ມ, ເຄື່ອງສຳອາງ ແລະ ເຄື່ອງບໍລີໂພກອຸປະໂພກທົ່ວໄປ. ແຕ່ເນື່ອງຈາກເຫັນໄດ້ວ່າສະພາບເສດຖະກິດຂອງບ້ານເມືອງເຮົາໄດ້ຂະຫຍາຍຕົວ ແລະ ມີການພັດທະນາທາງດ້ານການປຸກສ້າງເຮືອນທີ່ຢູ່ອາໄສຫຼາຍຂື້ນ ໂດຍອີ່ງໃສ່ທ່າແຮງດ້ານການປັບປຸງໂຄງລ່າງພື້ນຖານການຍົກຍ້າຍເທດສະບານແຂວງໃໝ່ຈາກເມືອງຜົ້ງສາລີ ມາຢູ່ເທດສະບານເມືອງບຸນເໜືອ ຈື່ງເຫັນໄດ້ວ່າ ມີທ່າແຮງຜູ້ຊົມໃຊ້ທີ່ຍົກຍ້າຍມາໃໝ່ມີ ຄວາມຕ້ອງການດ້ານການນໍາໃຊ້ວັດສະດຸກໍ່ສ້າງ ເພື່ອຕັ້ງທີ່ພັກອາໄສເພີ້ມຂື້ນຢ່າງຫຼວງຫຼາຍ ໂດຍອີງໃສ່ທ່າແຮງດັ່ງກ່າວ ແລະ ອີງຕາມຄວາມຕ້ອງການໃນການພັດທະນາເສດຖະກິດຄອບຄົວຈາກຂະໜາດນ້ອຍ ມາເປັນຂະໜາດກາງ ເພື່ອສ້າງລາຍຮັບເພີ້ມໃຫ້ຄອບຄົວ ຈື່ງໄດ້ຕັດສິນໃຈພັດທະນາຈາກວິສາຫະກິດສ່ວນບຸກຄົນ ເພີ້ມມູນຄ່າການລົງທຶນ ເພື່ອສ້າງລາຍຮັບໃຫ້ແກ່ຄອບຄົວໄດ້ຫຼາຍກວ່າເກົ່າຈົນມາຮອດປັດຈຸບັນນີ້ ໄດ້ມີການຂະຫຍາຍຮ້ານ ແລະ ເພີ່ມພື້ນທີສາງເຄື່ອງອອກ ເພື່ອສະດວກໃຫ້ແກ່ການບໍລິການ ເຊີງມີຮ້ານຂາຍ 1 ຮ້ານ, ມີສາງຫົ່ມ 1 ຫຼັງ ເຊິ່ງມີສິນຄ້າປະເພດວັດສະດຸກໍ່ສ້າງຫຼາຍຊະນິດ ທີ່ໃຫ້ການບໍລິການ ເຊິ່ງສະເລ່ຍແລ້ວສາມາດສ້າງລາຍຮັບພາຍໃນ 1 ປີ ທີ່ໄດ້ຈາກການບໍລິການຂາຍເຄື່ອງວັດສະດຸກໍ່ສ້າງ - ການຂາຍເຄື່ອງໃຊ້ໄຟຟ້າ ແລະ ອື່ນໆແມ່ນປະມານ 450,000,000 ກີບ/ປີ ລາຍຮັບສະເລ່ຍ 90,000,000 ກີບ/ຄົນ/ປີ. ນອກຈາກນີ້ຄອບຄົວຂ້າພະເຈົ້າກໍ່ໄດ້ປະຕິບັດໜ້າທີ່ພັນທະຕໍ່ປະເທດຊາດເຊັ່ນ: ເສຍພາສີອາກອນຕາມນະໂຍບາຍຂອງລັດຈຳນວນເງີນ 36,607,000 ກີບ/ປີ ແລະ ພັນທະບ້ວງອື່ນໆອິກຈໍານວນໜື່ງຕາມລະບຽບການ ແລະ ຍັງໄດ້ສ້າງວຽກເຮັດງານທຳໃຫ້ຊາວໝູ່ມ - ໄວໝູ່ມແມ່ຍິງລວມ 8 ຄົນ ເປັນພະນັກງານປະຈຳ ທີ່ໄດ້ຮັບເງີນເດືອນຕາມນະໂຍບາຍຂອງບໍລິສັດ.

ທ່ານ ສຸລິທອງ ຊີ່ງເຈົ້າ ໄດ້ໃຫ້ຮູ້ວ່າ: ປັດຈຸບັນຄອບຄົວຕົນເອງ ໄດ້ສ້າງເຮືອນຢູ່ຖາວອນ 1 ຫຼັງ, ມີລົດໃຫຍ່ 3ຄັນ, ລົດຈັກ 2 ຄັນ ແລະ ມີລົດບໍລິການຂົນສົ່ງສິນຄ້າໃຫ້ກັບລູກຄ້າ 4 ຄັນ, ມີເງືອນໄຂສົ່ງລູກຮຽນ, ມີດິນ 1 ຕອນ ຂະຫຍາຍເປັນສາງເກັບເຄື່ອງ 1 ແຫ່ງ ແລະ ຍັງມີເງິນທືນຈຳນວນໜຶ່ງທີ່ໜູນໃຊ້ໃນທຸລະກິດຂອງຕົນ ເພື່ອເປັນການພັດທະນາທຸລະກິດໃຫ້ນັບມື້ນັບກ້າວໜ້າຂຶ້ນ.

ທ່ານເວົ້າວ່າ: ການສ້າງເສດຖະກິດຂອງຄອບຄົວໃຫ້ເຂັ້ມແຂງດ້ວຍຮູບແບບການບໍລິການ ຫຼື ຮູບແບບໃດກໍ່ຕາມ ກ່ອນຈະປະສົບຜົນສຳເລັດໄດ້ຈົນກ້າວໄປສູ່ຄວາມພົ້ນທຸກໄດ້ນັ້ນ ຕ້ອງມີຄວາມດຸໝັ່ນ, ມີຄວາມອົດທົນພະຍາຍາມຢ່າງສູງ, ມີຄວາມຮັບຜິດຊອບ ແລະ ເປັນຄົນທີ່ມີວິໄນຕໍ່ຕົນເອງ, ຕ້ອງມີຄວາມພອ້ມພຽງຮຽງໜ້າ, ມີຄວາມຊື່ສັດບໍລິສຸດຊື່ງກັນ ແລະ ກັນ ຕໍ່ສະມາຊິກທຸກຄົນໃນຄອບຄົວ, ພ້ອມກັນຄິດ ພອ້ມກັນຕັດສິນໃຈ ພອ້ມກັນສ້າງ, ບວກກັບຄວາມດຸໝັ່ນຂະຫຍັນພຽນ ກ້າລົງມືເຮັດ ແລະ ຕ້ອງເຮັດແທ້ທຳຈິງ, ພອ້ມກັນສູ້ຊົນຜ່ານຜ່າຄວາມຫຍຸ້ງຍາກລຳບາກ ແລະ ອື່ນໆອິກ ຈື່ງຈະສາມາດປະສົບຜົນສຳເລັດໄດ້ ແລະ ສີ່ງສໍາຄັນອິກອັນໜື່ງໃນການປະກອບອາຊິບໃດໜື່ງໃຫ້ໝັ້ນຄົງ ແລະ ຢືນຍົງໄດ້ນັ້ນ ຈະຕ້ອງໄດ້ເອົາໃຈໃສ່ຕໍ່ຫຼາຍປັດໃຈ ໂດຍສະເພາະການບໍລິການຂາຍວັດສະດຸກໍ່ສ້າງ ແລະ ເຄື່ອງໃຊ້ໄຟຟ້ານັ້ນຕ້ອງຄວນມີ:

1. ຕ້ອງຮູ້ກ່ຽວກັບຂໍ້ມູມຂອງສີນຄ້າເຊັ່ນ: ຄຸນນະພາບຂອງສີນຄ້າ, ຄຸນປະໂຫຍດ ແລະ ວິທີ່ນໍາໃຊ້ອື່ນໆ ຕ້ອງເອົາສິນຄ້າດີມີຄຸນນະພາບ ມາບໍລິການໃຫ້ລູກຄ້າ ສິນຄ້າຕ້ອງມີຫຼາຍຮູບແບບ ແລະ ຫຼາຍລາຄາ ເພື່ອຕອບສະໜອງຕາມຄວາມຕ້ອງການຂອງລູກຄ້າ ແລະ ອື່ນໆ;

2. ຕ້ອງມີວີທີ່ການເກັບຮັກສາ ທີມີຄຸນນະພາບ ຂອງສິນຄ້າໃຫ້ຄົງເດິມ ແລະ ຍາວນານ: ຕ້ອງມີສາງຫົ່ມ ເພື່ອຮັກສາສີນຄ້າ ແລະ ວິທີ່ອື່ນໆທີ່ເໝາະສົມ;

3. ຕ້ອງມີການຕະຫຼາດ, ການບໍລິການທີ່ດີ ແລະ ເໝາະສົມແກ່ລຸກຄ້າ: ຕ້ອງມີສິນຄ້າທີ່ມີຫຼາຍລະດັບຄຸນນະພາບ, ຫຼາຍປະເພດສີນຄ້າໃຫ້ເລຶອກ ແລະ ຕ້ອງມີການຈັດວາງສິນຄ້າລະອຽດ ພ້ອມທັງຕິດສະເຕມລາຄາ ເພື່ອສະດວກໃນການຊື້ - ຂາຍ ແລະ ອື່ນໆ;

ທ່ານ ສຸລິທອງ ຊີ່ງເຈົ້າ ບອກຕືມວ່າ: ສຳລັບທິດທາງໃນຕໍ່ໜ້າ ແມ່ນຈະນໍາເອົາມະຕິກອງປະຊຸມໃຫ່ຍຄັ້ງທີ IX ແລະ ແຜນພັດທະນາເສດຖະກິດ - ສັງຄົມຄັ້ງທີ່ IV ຂອງອົງຄະນະພັກເມືອງບູນເໜືອ ແລະ ຈະນໍາເອົາບົດຮຽນປະສົບການດ້ານການບໍລິການຕ່າງໆ ທີໄດ້ຖອດຖອນຜ່ານມາ ຈາກກອງປະຊຸມຄັ້ງນີ້ ໄປຈັດຕັ້ງຜັນຂະຫຍາຍໃຫ້ເກີດຜົນທີ່ດີຂຶ້ນກ່ວາເກົ່າ ເປັນຕົ້ນແມ່ນຈະໄດ້ປັບປຸງ ແລະ ຮຽນຮູ້ທາງດ້ານເຕັກນີກປະສົບການຕ່າງໆ ເຂົ້າໃນການບໍລິການ ໃຫ້ເພີ່ມທາງດ້ານປະລິມານ ແລະ ຄຸນນະພາບ ແນ່ໃສ່ແຜ່ນປະຈຳປີ 2025 ສະເລ່ຍລາຍຮັບຂອງຄອບຄົວ ໃຫ້ໄດ້ປະມານ 500 ລ້ານກິບ/ປີ.