ເພື່ອກະກຽມການດໍາເນີນກອງປະຊຸມໃຫຍ່ ຄັ້ງທີ XV ຂອງອົງຄະນະພັກເມືອງໃໝ່ ທີ່ໃກ້ຈະມາເຖິງ, ໃຫ້ຮັບປະກັນຄວາມສະຫງົບປອດໄພ ແລະ ສັງຄົມມີຄວາມເປັນລະບຽບຮຽບຮ້ອຍ. ໃນຕອນເຊົ້າວັນທີ 3 ມີນາ 2025 ນີ້, ສະຫາຍ ພົນຈັດຕະວາ ຊຽງເພັງ ບົວລະວົງ ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງຜົ້ງສາລີ ຮອງປະທານຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບແຂວງ ຜູ້ປະຈໍາການ ແລະ ສະຫາຍ ພັນເອກ ບົວເງິນ ສີທິວົງ ຄະນະພັກ ຮອງຫົວໜ້າກອງບັນຊາການປ້ອງກັນຄວາມສະຫງົບແຂວງ ພ້ອມຄະນະໄດ້ເຂົ້າພົບສະຫາຍ ປະທານຄະນະກໍາມະການ ປ້ອງກັນຊາດ-ປ້ອງກັນຄວາມສະຫງົບເມືອງໃໝ່, ໂດຍການຕ້ອນຮັບຂອງ ສະຫາຍ ພອນທະວີ ໄຊມົນຕີ ກໍາມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງ-ເມືອງໃໝ່ ປະທານຄະນະກໍາມະການ ປ້ອງກັນຊາດ-ປ້ອງກັນຄວາມສະຫງົບເມືອງ.

ຈຸດປະສົ່ງໃນການເຂົ້າພົບ ປະທານຄະນະກໍາມະການ ປ້ອງກັນຊາດ-ປ້ອງກັນຄວາມສະຫງົບເມືອງໃໝ່, ເພື່ອລາຍງານສະພາບ ແລະ ປະສານສົມທົບ, ຊຸກຍູ້ວຽກງານປ້ອງກັນວັນສໍາຄັນຂອງພັກຂອງຊາດ ເປັນຕົ້ນໄລຍະການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງພັກ, ໂດຍສະເພາະແມ່ນກອງປະຊຸມໃຫຍ່ ຄັ້ງທີ XV ຂອງອົງຄະນະພັກເມືອງໃໝ່ ໃຫ້ມີຄວາມສະຫງົບປອດໄພ, ສັງຄົມມີຄວາມເປັນລະບຽບຮຽບຮ້ອຍ, ຕ້ານ ແລະ ສະກັດກັ້ນປະກົດການຫຍໍ້ທໍ້ທີ່ຈະເກີດຂຶ້ນ, ເພື່ອເຮັດໃຫ້ການດໍາເນີນກອງປະຊຸມມີຜົນສໍາເລັດຕາມລະດັບຄາດໝາຍທີ່ວາງໄວ້