ຂ່າວ: ພິທີມອບ-ຮັບໂຄງການກໍ່ສ້າງໂຮງຮຽນມັດທະຍົມ ມໍຕົ້ນບ້ານລາວເລວ ຫຼັງໃໝ່ ເມືອງສຳພັນແຂວງຜົ້ງສາລີ.
12 Mar 2025 | ຄຳຮຸ່ງ (ນັກຂ່າວຫ້ອງການ ຖວທ ເມືອງສຳພັນ) |
ໃນຕອນເຊົ້າຂອງວັນທີ 12 ມີນາ 2025 ນິ້.ໄດ້ຈັດພິທີ ມອບ-ຮັບໂຄງການ; ກໍ່ ສ້າງໂຮງຮຽນ ມັດທະຍົມ ມໍຕົ້ນ ບ້ານລາວເລວ ຫຼັງໃໝ່.ຂື້ນຢ່າງເປັນທາງການ,ໂດຍການເປັນປະທານຂອງທ່ານ ຄຳເຜັ່ນ ບຸບຜາວົງ ຜູ້ອຳນວຍການ ບໍລິສັດ ລັດວິສາຫະ ກິດຫວຍພັດທະນາ ພ້ອມທີມງານ,ເປັນກຽດເຂົ້າຮ່ວມຂອງທ່ານ ພອນໄຊ ແກ້ວສົມ ພັນ ກຳມະການປະຈຳພັກ ແຂວງ ,ປະທານແນວລາວສ້າງຊາດແຂວງ ຜູ້ຊີ້ນຳອົງ ການຈັດຕັ້ງມະຫາຊົນ,ມີທ່ານ ພອນໄຊ ອ່ອນສາ ກຳມະ ການພັກແຂວງ
ຫົວໜ້າພະແນກສືກສາທິການ ແລະ ກີລາແຂວງ,ມີທ່ານ ສູນ ແສງເມືອງ ກຳມະການພັກເມືອງ,ຮອງເຈົ້າ ເມືອງ,ຜູ້ຊີ້ນຳ ຂົງເຂດວັດທະນະທຳ-ສັງຄົມ,ມີດາຫົວໜ້າຫ້ອງການສືກສາທິ ການ ແລະ ກີລາເມືອງ,ບໍລີສັດຜູ້ຮັບ ເໝົາ ກໍ່ສ້າງ,ມີແຂກຖຶກເຊີນຈາກອົງການທີ່ກ່ຽວຂ້ອງຕະຫຼອດຮອດ,ປະທານກູ່ມບ້ານ,ອົງການຈັດຕັ້ງບ້ານ,ອຳນ່ວຍການໂຮງຮຽນ,ຄູ-ອາຈານສອນ ແລະ ນ້ອງນັກຮຽນເຂົ້າຮ່ວມ.
ໃນພິທີໄດ້ຮັບຟັງການສະຫຼຸບລາຍງານການຈັດຕັ້ງປະຕິບັດການກໍ່ສ້າງໂຮງຮຽນມັດທະຍົມມໍຕົ້ນບ້ານລາວເລວ.ໃນໄລ ຍະທີ່ຜ່ານມາໂດຍຍໍ້ໂຄງການດັ່ງກ່າວ ແມ່ນ ບໍລິສັດບຸນທະວີໄຊ ກໍ່ສ້າງ,ສ້ອມແປງ,ເຄຫາສະຖານ,ຂົວທາງ,ຊົນລະປະ ທານ ຈຳກັດຜູ້ດຽວ. ເລີ່ມຈັດຕັ້ງ ປະຕິບັດກໍ່ສ້າງ ແຕ່ວັນທີ 5 ເມສາ 2024 ເຖິງວັນທີ 3 ມັງກອນ 2025 ສຳເລັດ 100% ລວມມີສອງໜ້າວຽກຄື: ກໍ່ສ້າງອາຄານນັກຮຽນ 1 ຫຼັງ 5 ຫ້ອງ,ຫ້ອງການຄູ 1 ຫ້ອງ. ຂະໜາດຍາວ 638,5 m, ສູງ 3,20 m. ລະບົບໂຄງ ສ້າງເສົາເບຕົງເສີມເຫຼັກ,ຝາກໍ່ດິນຈີ່,ປູຟື້ນ ດ້ວຍ ຊີມັງ,ຫຼັງຄາໂຄງໄມ້ເນື້ອແຂງມຸງແຜນ ອາລຸຍຊີງສີຂາວ,ປະກອບໄຟຟ້າ, ພັດລົມ. ແຕ່ລະຫ້ອງລະບົບເຟີນິເຈີຄົບຊຸດ ຕາມໃບປະເມີນລາຄາກໍ່ສ້າງຖືກຕ້ອງຕາມເຕັກນິກຂອງການອອກແບບ, ຫ້ອງນໍ້າ 1 ຫຼັງ 4 ຫ້ອງຂະໜາດ 6 × 4 m ລະບົບໂຄງສ້າງເສົາເບຕົງເສີມ ເຫຼັກ, ຝາກໍ່ດິນຈີ່,ມຸງ ແຜນອາລຸຍຊິງປະກອບເຟີນິເຈີຄົບຊຸດ.ຄື:ໂຕະ,ຕັ່ງນັກຮຽນ 100 ຊຸດ;ໂຕະ,ຕັ່ງຄູ 5 ຊຸດ, ກະດານດໍາ 5 ແຜ່ນ.ທຶນ ຊ່ວຍເຫຼືອລ້າຈາກລັດວິສາຫະກິດຫວຍພັດທະນາລາວ ນະຄອນຫຼວງວຽງຈັນ ລວມມູນຄ່າ ທັງ ໝົດ 1.650.752.000 ກີບ,ເຖິງວ່າການຈັດ ຕັ້ງປະຕິບັດມີຜົນສຳເລັດກໍຕາມ ຍັງມີຂໍ້ຂາດຕົກບົກຜ່ອງ ບາງເຫຼັກໜ້ອຍ ໂດຍສະເພາະການກໍ່ສ້າງບໍ່ສຳເລັດຕາມສັນຍາ ຍ້ອນການກໍ່ສ້າງຖືກຊ່ວງລະດູຝົນບໍ່ສາມາດເອົາວັດສະດຸເຂົ້າໄດ້,ເສັ້ນທາງ ເປ່ເພຫຼາຍຈຸດຈຶ່ງໄດ້ໂຈະການກໍ່ສ້າງຊົ່ວຄາວ, ຈຶ່ງໄດ້ດໍາເນີນຕໍ່ມາຮອດວັນທີ 3/1/2025 ຈຶ່ງສໍາເລັດໃຊ້ເວລາ 10 ເດືອນ .ຈາກນັ້ນກໍ່ໄດ້ມີ ການລົງນາມເຊັ່ນມອບ-ຮັບໂຮງຮຽນດັ່ງກ່າວຢ່າງເປັນທາງການ, ມອບໂດຍທ່ານ ຄຳເຜັ່ນ ບຸບຜາ ວົງ ຜູ້ອຳນວຍການ ບໍລີສັດ ລັດວິສາ ຫະກິດຫວຍພັດທະນາລາວ ແລະ ກ່າວຮັບໂດຍ ທ່ານສູນ ແສງເມືອງ ກຳມະ ການ ພັກເມືອງ,ຮອງເຈົ້າເມືອງ. ໂອກາດ ດັ່ງກ່າວທ່ານ ພອນໄຊ ແກ້ວສົມພັນ ກຳ ມະການ ປະຈຳພັກແຂວງ,ປະທານ ແນວ ລາວສ້າງຊາດ ມີຄຳເຫັນ ແລະ ເນັ້ນໃຫ້ອົງການປົກ ຄອງບ້ານ ແລະ ປະຊາຊົນ ໂດຍສະເພາະຄູ-ອາຈານ ຕ້ອງເອົາໃຈ ໃສ່ ໃນການປົກປັກສາຮັກສິ່ງກໍ່ສ້າງດັ່ງກ່າວບໍ່ໃຫ້ເປ່ເພ ແລະ ນຳໃຊ້ເຂົ້າໃນການຮຽນ-ການສອນໃຫ້ເກີດຜົນປະໂຫຍດສູງສຸດ. ( ຂ່າວ:ຄຳຮຸ່ງ )
Share: