ກອງປະຊຸມດັ່ງໄດ້ໄຂຂຶ້ນໃນວັນທີ 11 ມີນາ 2025 ນິ້, ທີ່ສະໂມສອນໃຫຍ່ ເມືອງສໍາພັນ, ແຂວງຜົ້ງສາລີ ໂດຍການເຂົ້າຮ່ວມຂອງ ສະຫາຍ ພອນໄຊ ແກ້ວສົມພັນ ກໍາມະການປະຈໍາພັກແຂວງ,ປະທານແນວລາວສ້າງຊາດແຂວງ ຜູ້ຊິ້ນໍາຂົງເຂດ ອົງການຈັດຕັ້ງມະຫາຊົນຂັ້ນແຂວງ, ມີສະຫາຍ ທອງຕື ເກຍສະບົງ ເລຂາຄະນະບໍລິຫານງານພັກເມືອງເຈົ້າເມືອງ, ມີບັນດາສະຫາຍຄະນະບໍຫານງານພັກເມືອງຄະນະຮັບຜິດຊອບບຸກຄະລາກອນຂັ້ນແຂວງພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ໃນກອງປະຊຸມ ສະຫາຍ ທອງຕື ເກຍສະບົງ ເລຂາຄະນະບໍລິຫານງານພັກເມືອງເຈົ້າເມືອງ ໄດ້ກ່າວເປີດກອງປະຊຸມທ້າຍສະໄໝ,ຈາກນັ້ນສະຫາຍ ຢືນ ສານວິໄລ ຮອງເລຂາພັກເມືອງ ປະທານກວດກາພັກ-ລັດເມືອງ,ຜ່ານຮ່າງ ບົດສໍາຫຼວດການນໍາພາລວມຂອງຄະນະບໍລິຫານງານພັກເມືອງ ສະໄໝທີ XIV. ໃນໄລຍະ 5 ປີ ຜ່ານມາ ຄະນະບໍລິຫານງານພັກເມືອງ ໄດ້ເອົາໃຈໃສ່ນໍາພາ-ຊີ້ນໍາ ຈັດຕັ້ງ,ເຜີຍແຜ່,ຄົ້ນຄ້ວາ,ເຊື່ອມຊຶມແນວທາງ,ແຜນນະໄຍບາຍ,ມະຕິ,ຄໍາສັ່ງຂອງພັກ ເປັນຕົ້ນ : ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງ,ມະຕິກອງປະຊຸມໃຫຍ່ ຄັ້ງທີ XIV ຂອງອົງຄະນະພັກເມືອງ, ການໂຄສະນາ-ປາຖະກະຖາເລົ່າປະຫວັດມູນເຊື້ອວັນສໍາຄັນຂອງພັກ,ຂອງຊາດ, ສ້າງຄວາມຮັບຮູ້,ເຂົ້າໃຈໃຫ້ແກ່ສະມາຊິກພັກ,ພະນັກງານ-ລັດຖະກອນ, ປະຊາຊົນບັນດາເຜົ່າເປັນຢ່າງດີ, ເອົາໃຈໃສ່ຫັນມະຕິ, ຄໍາສັ່ງ, ຄໍາແນະນໍາ ຂອງຄະນະປະຈໍາພັກເມືອງ, ມອບໝາຍຄວາມຮັບຜິດຊອບຕາມມະຕິຂອງກອງປະຊຸມຄົບຄະນະບໍລິຫານງານພັກເມືອງ ແລະ ສະມາຊິກອົງການປົກຄອງເມືອງແຕ່ລະໄລຍະ ທີໄດ້ກໍານົດບັນຫາໜ້າວຽກ,ກິດຈະກໍາ,ໂຄງການ ໃນການຈັດຕັ້ງປະຕິບັດຄາດໝາຍຕາມແຜນພັດທະນາເສດຖະກິດ-ສັງຄົມ 5 ປີ, ວຽກງານກໍ່ສ້າງຮາກຖານການເມືອງ, ພັດທະນາຊົນນະບົດ ແລະ ແກ້ໄຂຄວາມທຸກຍາກ,ວຽກງານຕາມທິດ 3 ສ້າງ, ວຽກງານ 5 ທາງອອກ, ວຽກງານ 5 ອະນຸກໍາມະການແກ້ໄຂບັນຫາປະກົດການຫຍໍ້ທໍ້, ການແກ້ໄຂສອງວາລະແຫ່ງຊາດບັນຫາຢາເສບຕິດ ແລະ ຄວາມຫຍູ້ງຍາກທາງດ້ານເສດຖະກິດ-ການເງິນ ຕິດພັນກັບຄວາມຮັບຜິດຊອບຂອງແຕ່ລະຂົງເຂດວຽກງານຂອງບັນດາຂະແໜງການ,ກຸ່ມບ້ານ ແລະ ບ້ານຢ່າງມີຈຸດສຸມ ຜ່ານການຈັດຕັ້ງປະຕິບັດຕົວຈິງສາມາດປະຕິບັດສໍາເລັດຫຼາຍດ້ານ ອັນທີພົ່ນເດັ່ນແມ່ນຜົນສໍາເລັດວຽກບາງຂົງເຂດເກີນຄາດໝາຍ. ໄດ້ເອົາໃຈໃສ່ຈັດຕັ້ງປະຕິບັດແຜນພັດທະນາເສດຖະກິດ - ສັງຄົມຂອງເມືອງ ໄດ້ກໍານົດຈຸດສຸມພັດທະນາຂອງເມືອງ ມອບໝາຍໃຫ້ແຕ່ລະຂະແໜ່ງການລົງເລິກຈັດຕັ້ງປະຕິບັດ ຕາມແລວພັດທະນາເສດຖະກິດສັງຄົມ ແລະ ບັນດາໂຄງການ-ການລົງທືນຂອງລັດ ແລະ ເອກະຊົນ ສາມາດຈັດຕັ້ງປະຕິບັດສໍາເລັດຫຼາຍໂຄງການ. ຈາກນັ້ນ, ຄະນະພັກຂັ້ນເທິງໄດ້ມີຄໍາເຫັນຊີ້ນໍາ-ເຈາະຈີ້ມຕໍ່ເອກະສານ ແລະ ຜູ້ແທນກອງປະຊຸມ ກໍ່ໄດ້ຜັດປ່ຽນກັນປະກອບຄໍາເຫັນໃສ່ຮ່າງເນື້ອໃນດັ່ງກ່າວເພື່ອເຮັດໃຫ້ເນື້ອໃນຄົບຖ້ວນສົມບູນ ແລະ ສອດຄ່ອງກັບສະພາບຄວາມເປັນຈິງ, ເຊິ່ງກອງປະຊຸມຄັ້ງນີ້ ຄະນະບໍລິຫານງານພັກເມືອງ ຍັງໄດ້ດໍາເນີນຊີວິດການເມືອງທ້າຍສະໄໝທີ XIV ໃນນັ້ນ ໄດ້ມີການຜ່ານໃບສໍາຫຼວດບຸກຄົນໃນຄະນະປະຈໍາພັກເມືອງ ແລະ ກຳມະການພັກເມືອງ ຕາມລໍາດັບ ໂດຍລວມແລ້ວບັ້ນດໍາເນີນ ຊີວິດການເມືອງ ບັນດາສະຫາຍຄະນະບໍລີຫານງານພັກເມືອງ ໄດ້ເອົາໃຈໃສໃນການຊີ້ນໍາ-ນໍາພາ ເຊີງສາມາດ ຍົກໃຫ້ເຫັນດ້ານດີທີ່ຕັ້ງໜ້າ ໃນໄລຍະຜ່ານມາ ແລະ ກ້າຍົກຂໍ້ຂາດຕົກບົກຜ່ອງຕົນເອງ ເພື່ອໃຫ້ໝູ່ຄະນະ ຊ່ວຍເຫຼືອສົງຂ່າວຢ່າງກົງໄປກົງມາ, ການຕຳນິສົ່ງຂ່າວຊ່ວຍເຫຼືອເຊິ່ງກັນ ແລະ ກັນ ມີລັກສະນະສ້າງສັນ ແລະ ເປັນ ຂະບວນຟົດຟື້ນ ຈິງໃຈໃນການຊ່ວຍເຫຼືອ ເພື່ອນໍາໄປ ປັບປຸງແກ້ໄຂໃຫ້ດີຂຶ້ນໃນຕໍ່ໜ້າ.