ໃນຕອນເຊົ້າຂອງວັນທີ່ 13 ມີນາ 2025 ນີ້ ຄະນະບໍລີຫານງານພັກເມືອງສໍາພັນສະໄໝທີ່XIV ໄດ້ຈັດກອງປະຊຸມເຊື່ອມຊຶມເອກະສານ ສຶກສາອົບຮົມການເມືອງ-ແນວຄິດ ຕິດພັນກັບ ການທາບທາມ ບຸກຄະລາກອນ ຮອບ III ຂຶ້ນ ຢູ່ທີສະໂມສອນຂອງເມືອງສໍາພັນ , ໂດຍການເປັນປະທານຂອງ ສະຫາຍ ພອນໄຊ ແກ້ວສົມພັນ ຄະນະປະຈໍາພັກແຂວງ, ປະທານແນວລາວສ້າງຊາດແຂວງ ຜູ້ຊີ້ນໍາອົງການຈັດຕັ້ງມະຫາຊົນຂັ້ນແຂວງ ທັງເປັນຜູ້ຊີ້ນໍາວຽກງານຮອບດ້ານຂອງເມືອງສໍາພັນ ,ມີບັນດາສະຫາຍຄະນະປະຈໍາພັກແຂວງ,ຄະນະຮັບຜິດຊອບບຸກຄະລາກອນຂັ້ນແຂວງ, ຄະນະບໍລິຫານງານພັກເມືອງສະໄໝທີ່XIV ຕະຫລອດຮອດເລຂາຄະນະພັກຮາກຖານ,ຜູ້ແທນສົມບູນ ທີ່ຈະເຂົ້າຮ່ວມກອງປະຊຸມໃຫຍ່ຜູ້ແທນອົງຄະນະພັກເມືອງສໍາຄັນຄັ້ງທີ່ XV ເຂົ້າຮ່ວມຢ່າງພ້ອມພຽງ; ເປັນກຽດເຜີຍແຜ່ເຊື່ອມຊຶມເອກະສານໂດຍ ສະຫາຍ ບູນສຸລີ ໂລມາ ຮອງຫົວຫົວໜ້າຄະນະໂຄສະນາອົບຮົມແຂວງຜົ້ງສາລີ

ເອກະສານຂອງພັກທີ່ນໍາມາເຜີຍແຜ່ເຊື່ອມຊຶມຄັ້ງນີ້ ມີ4ບົດຄື: ເອກະສານ ຄວາມຮັບຮູ້ເຂົ້າໃຈ ກ່ຽວກັບການດໍາເນີນກອງປະຊຸມໃຫຍ່ 3 ຂັ້ນຂອງພັກ; ເອກະສານຍົກສູງຄວາມສາມາດນໍາພາ ແລະ ຄວາມເປັນແບບຢ່າງນໍາໜ້າຂອງພັກ; ເອກະສານ ຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ ແລະ ຄຸນສົມບັດສິນທຳປະຕິວັດ ແລະ ເອກະສານ ເດັດດ່ຽວແກ້ໄຂປະກົດການຫຍໍ້ທໍ້ໃນຖັນແຖວພະນັກງານ, ສະມາຊິກພັກ.

ຈຸດປະສົງໃນການຈັດຕັ້ງເຜີຍແຜ່ເຊື່ອມຊືມເອະກະສານຄັ້ງນີ້ເພື່ອແນໃສ່ການຍົກສູງໃຫ້ແກ່ການຫ້າງຫາກະກຽມບຸກຄະລາກອນທີ່ຈະປະກອບເຂົ້າໃນກອງປະຊູມໃຫຍ່ຂອງອົງຄະນະພັກເມືອງຄັ້ງທີ XV ເພື່ອໃຫ້ເປົ້າໝາຍດັ່ງກ່າວ ມີຄວາມຮັບຮູ້ ແລະ ເຂົ້າໃຈຢ່າງເລິກເຊີ່ງຕໍ່ກັບການຍົກສູງຄວາມສາມາດນໍາພາ ແລະ ຄວາມເປັນແບບຢ່າງນໍາໜ້າຂອງພັກ; ການ ຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ ແລະ ຄຸນສົມບັດສິນທຳປະຕິວັດ ແລະ ມີຄວາມ ເດັດດ່ຽວແກ້ໄຂປະກົດການຫຍໍ້ທໍ້ໃນຖັນແຖວພະນັກງານ, ສະມາຊິກພັກ.