ຄະນະຜູ້ແທນ ສະມາຄົມ ອາດີດຊາວໜຸ່ມ ອາສາສະໝັກປະຕິບັດພາລະກິດສາກົນຊ່ວຍລາວ ມາຢ້ຽມຢາມສະໜາມຮົບເກົ່າ ຢູ່ແຂວງ ຜົ້ງສາລີ ແຫ່ງ ສປປ ລາວ
17 Mar 2025 | ຂ່າວ: ສອນໄຊ ແສງມະນີ |
ໃນວັນທີ 17 ມີນາ 2025 ທີ່ຜ່ານມາ ຄະນະຜູ້ແທນ ສະມາຄົມ ອາດີດຊາວໜຸ່ມ ອາສາສະໝັກປະຕິບັດພາລະກິດສາກົນຊ່ວຍລາວ B142 ທີ່ເຄີຍມາປະຕິບັດພາລະກິດຊ່ວຍລາວໃນການກໍ່ສ້າງເສັ້ນທາງ ແຕ່ດ່ານໄຕຈາງ, ແຂວງດຽນບ່ຽນ ແຫ່ງ ສສ ຫວຽດນາມ ຫາເມືອງຂວາ, ແຂວງຜົ້ງສາລີ ແຫ່ງ ສປປ ລາວ, ຊຶ່ງນຳໂດຍ ສະຫາຍ ຈູວັ່ນຮ້າຍ ຫົວໜ້າຄະນະ ຜູ້ແທນ ສະມາຄົມ ອາດີດຊາວໜຸ່ມ ອາສາສະໝັກປະຕິບັດພາລະກິດສາກົນຊ່ວຍລາວ B142
ພ້ອມດ້ວຍຄະນະ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ເມືອງຂວາ ແຂວງຜົ້ງສາລີ, ໂດຍໄດ້ຮັບການຕ້ອນຮັບຈາກ ສະຫາຍ ຫຸມພັນຈັນທະລາ ເລຂາໜ່ວຍພັກ ເລຂາຄະນະບໍລິຫານງານຊາວໜຸ່ມແຂວງພ້ອມດ້ວຍຄະນະໃນໂອ
ກາດທີ່ ສະຫາຍ ຈູວັ່ນຮ້າຍ ພ້ອມດ້ວຍຄະນະ ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ເມືອງຂວາ ແຂວງຜົ້ງສາລີໃນຄັ້ງນິ້, ສະຫາຍ ຫຸມພັນ ຈັນທະລາ ເລຂາໜ່ວຍພັກ ເລຂາຄະນະບໍລິຫານງານຊາວໜຸ່ມແຂວງ ກໍ່ໄດ້ນໍາພາຄະນະຜູ້ແທນສະມາຄົມ ອາດີດຊາວໜຸ່ມ ອາສາສະໝັກປະຕິບັດພາລະກິດສາກົນຊ່ວຍລາວຢ້ຽມຢາມປະຊາຊົນບ້ານລາດຊ່າງ ( ສຳນັກເກົາເມືອງຂວາໃນເມື່ອກ່ອນ ),ເຂົ້າກາບໄຫວຂໍພອນພະເຈົ້າສໍາລິດ ອົງສັກສິດ ວັດສີຄຸນເມືອງໆຂວາ, ທ່ຽວຊົມຕົວເມືອງ ເມືອງຂວາ, ທ່ຽວຊົມຕະຫຼາດກະສີກໍາເທດສະບານເມືອງຂວາ ແລະ ເຂື່ອນນໍ້າອູ4. ຈາກນັ້ນ, ໄດ້ປະຊຸມພົບປະມິດຕະພາບ ທັງສອງຝ່າຍ.ສະຫາຍ ຈູວັ່ນຮ້າຍ ຫົວໜ້າຄະນະ ຜູ້ແທນສະມາຄົມ ອາດີດຊາວ
ໜຸ່ມອາສາສະໝັກປະຕິບັດພາລະກິດສາກົນຊ່ວຍລາວ B142 ໄດ້ລາຍງານສະພາບການຈັດຕັ້ງປະຕິບັດວຽກງານການກໍ່ສ້າງເສັ້ນທາງ ແຕ່ດ່ານໄຕຈາງ, ແຂວງດຽນບ່ຽນ ແຫ່ງ ສສ ຫວຽດນາມ ຫາເມືອງຂວາ, ແຂວງຜົ້ງສາລີ ແຫ່ງ ສປປ ລາວ. ໜ່ວຍ B142 ແມ່ນໜື່ງໃນໜ່ວຍງານທີ່ອົດທົນກັບຄວາມລໍາບາກ,ການເສຍສະຫຼະ, ເສັ້ນທາງເປີດ ແລະ ຮັກສາເສັ້ນທາງສັນຈອນ. ຫຼາຍຕົວຢ່າງຂອງນັກຮົບເສຍສະຫຼະຊີວິດເພື່ອຊາດໄດ້ເສຍສະຫຼະໃນແຖວໜ້າເພື່ອຊ່ວຍເພື່ອນລາວ. ຄວາມມານະພະຍາຍາມ ແລະ ການເສຍສະຫຼະອັນໃຫຍ່ຫຼວງຂອງສະຫາຍ ໄດ້ຮັດແໜ້ນສາຍພົວພັນມິດຕະພາບທີ່ເປັນມູນເຊື້ອລະຫວ່າງຫວຽດນາມ-ລາວໃຫ້ເລິກເຊິ່ງ.
ໂອກາດນິ້, ສະຫາຍ ຫຸມພັນ ຈັນທະລາ ເລຂາໜ່ວຍພັກ ເລຂາຄະນະບໍລິຫານງານຊາວໜຸ່ມແຂວງ ໄດ້ຕີລາຄາສູງຕໍ່ການມາຢ້ຽມຢາມເຮັດວຽກຂອງຄະນະຜູ້ແທນສະມາຄົມອາດິດຊາວໜຸ່ມອາສາສະໝັກປະຕິບັດພາລະກິດສາກົນຊ່ວຍລາວ B142 ທີ່ເຄີຍມາປະຕິບັດພາລະກິດຊ່ວຍລາວໃນການກໍ່ສ້າງເສັ້ນທາງ ແຕ່ດ່ານໄຕຈາງ, ແຂວງດຽນ
ບ່ຽນແຫ່ງຫວຽດນາມຫາເມືອງຂວາ, ແຂວງຜົ້ງສາລີແຫ່ງສປປ ລາວໃນຄັ້ງນີ້ເປັນການປຸກລະດົມກຳລັງແຮງອັນໃຫຍ່ຫຼວງໃຫ້ແກ່ຄະນະພັກ, ອົງການປົກຄອງປະຊາຊົນບັນ
ດາເຜົ່າຊາວແຂວງຜົ້ງສາລີແຫ່ງສປປລາວໃນການຈັດຕັ້ງປະຕິບັດບັນດາມະຕິຂອງກອງປະຊຸມໃຫຍ່, ແຜນພັດທະນາເສດຖະກິດ ສັງຄົມຂອງແຂວງ ແລະ ເປັນຊວງໄລຍະແຂວງຜົ້ງສາລີ ກໍາລັງດຳເນີນກອງປະຊຸມ 3 ຂັ້ນຂອງແຂວງ ນອກຈາກນັ້ນ, ຍັງເປັນການປະກອບສວນສໍາຄັນໃນການເສີມຂະຫຍາຍສາຍພົວພັນມິດຕະພາບ, ມີນໍ້າໃຈຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ລາວ- ຫວຽດນາມ, ຫວຽດນາມ-ລາວໃຫ້ນັບມື້ນັບເຂົ້າສູ່ລວງເລິກຂຶ້ນເລື້ອຍໆ.ໂດຍສະເພາະແມ່ນເປັນການປະກອບສ່ວນສໍາຄັນໃນການຈັດຕັ້ງຜັນຂະຫຍາຍຜົນສໍາເລັດຂອງກອງປະຊຸມທະວິພາຄີຂອງຄະນະກໍາມະການລັດຖະບານລາວ - ຫວຽດນາມ ຄັ້ງທີ 47ໃຫ້ປະກົດຜົນເປັນຈິງ ແລະ ຂໍສະແດງຄວາມຂອບອົກຂອບໃຈ ແລະ ຮູ້ບຸນຄຸນເປັນຢ່າງຍິງ ທີ່ອາດີດຊາວໜຸ່ມ ອາສາສະໝັກປະຕິບັດພາລະກິດສາກົນຊ່ວຍລາວ B142 ທີ່ເຄີຍມາປະຕິ
ບັດພາລະກິດຊ່ວຍລາວໃນການກໍ່ສ້າງເສັ້ນທາງ ແຕ່ດ່ານໄຕຈາງ, ແຂວງດຽນບ່ຽນ ແຫ່ງ ສສຫວຽດນາມ ຫາເມືອງຂວາ, ແຂວງຜົ້ງສາລີ ແຫ່ງ ສປປ ລາວ ຍັງໄດ້ສະຫຼະເວ
ລາອັນມີຄຸນຄ່າມາຢ້ຽມຢາມສະຖານທີ່ການປະຕິວັດເກົ່າຂອງບັນດາສະຫາຍ ແລະ ທີ່ໄດ້ອາສາສະໝັກມາເຄື່ອນໄຫວຊ່ວຍເຫຼືອດ້ວຍນໍ້າໃຈສາກົນ ນໍ້າໃຈຄວາມສາມັກຄີມິດ
ຕະພາບແບບພິເສດຖານອ້າຍນ້ອງການຢ້ຽມຢາມຄັ້ງນີ້ຂອງທີ່ມງານແມ່ນມີຄວາມສໍາຄັນທາງການທູດດ້ານການເມືອງເປັນການເສີມຂະຫຍາຍມູນເຊື້ອ ແລະ ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງຊາດ ລາວ-ຫວຽດນາມ ເວົ້າລວມ, ເວົ້າສະເພາະ
ແຂວງ ຜົ້ງສາລີ ກັບ ອາດີດຊາວໜຸ່ມ ອາສາສະໝັກປະຕິບັດພາລະກິດສາກົນຊ່ວຍລາວ B142 ທີ່ເຄີຍມາປະຕິບັດພາລະກິດຊ່ວຍລາວໃນການກໍ່ສ້າງເສັ້ນທາງ ແຕ່ດ່ານໄຕຈາງ, ແຂວງດຽນບ່ຽນ ແຫ່ງ ສສ ຫວຽດນາມ ຫາເມືອງຂວາ, ແຂວງຜົ້ງສາລີ ແຫ່ງ ສປປ ລາວ ໃຫ້ນັບມື້ເຂົ້າສູ່ລວງເລິກ.
Share:
