ຍ້ອນແນວທາງຂອງພັກ, ນະໂຍບາຍຂອງລັດ ກໍ່ຄືທິດຊີ້ນໍາຂອງສະຫະພັນແມ່ຍິງເມືອງຍອດອູ ເພື່ອເຮັດໃຫ້ສະຫະພັນແມ່ຍິງຂັ້ນຮາກຖານມີຄວາມເຂັ້ມແຂງ ແລະ ສາມາດເຂົ້າເຖິງແຫຼ່ງທືນໄດ້ງ່າຍ. ດັ່ງນັ້ນ, ທາງຄະນະສະຫະພັນແມ່ຍິງບ້ານລຸ່ມ ຈຶ່ງໄດ້ສົມທົບກັບອໍານາດການປົກຄອງບ້ານ ແລະ ສະຫະພັນແມ່ຍິງເມືອງ ແລ້ວສ້າງຕັ້ງກຸ່ມທ້ອນ
ເງີນຂື້ນ. ມາຮອດປະຈຸບັນ ກຸ່ມທ້ອນເງິນບ້ານ ລຸ່ມ, ເມືອງຍອດອູ, ແຂວງຜົ້ງສາລີ
ໄດ້ຕັ້ງໜ້າພັດນາກອງທືນຂອງຕົນ ທີສາມາດທ້ອນເງີນໄດ້ 2.8 ຕື້ກີບເຊີງ ທ່ານ ນາງ ຈັນສະໝອນ ຈີນນະວົງ ຕ່າງໜ້າກຸ່ມທ້ອນເງິນບ້ານລຸ່ມ ໄດ້ຂື້ນລາຍງານໃນກອງປະຊຸມໃຫຍ່ຜູ້ແທນອົງຄະນະພັກເມືອງ ຍອດອູ ຄັ້ງທີ X ໄດ້ຈັດຂື້້ນໃນທ້າຍເດືອນ ກຸມພາ 2025 ຜ່ານມານີ້ວ່າ: ບ້ານ ລຸ່ມ ເປັນບ້ານໜື່ງທີ່ຕັ້ງຢູ່ໃນເທດສະບານ ເມືອງ ຍອດອູ, ມີ 145 ຄົວເຮືອນ, ມີ 207 ຄອບຄົວ, ມີພົນລະເມືອງທັງໝົດ 663 ຄົນ, ຍິງ 332 ຄົນ, ມີ 391 ແຮງງານ, ຍິງ 182 ແຮງງານ, ມີສະມາຊິກກຸ່ມທ້ອນເງິນທັງໝົດ 264 ຄົນ, ຍິງ 228 ຄົນ, ມີສະມາຊິກກູ້ຢືມ 63 ຄົນ, ຍິງ 58 ຄົນ, ເປັນບ້ານທີ່ນອນໃນເທດສະບານເມືອງ, ມີເນື້ອທີ່ທໍາການຜະລິດທີ່ເໝາະສົມ, ປະຊາຊົນສ່ວນຫຼາຍມີຄວາມຮູ້ - ຄວາມສາມາດໃນການນໍາມາທໍາການຜະລິດຕາມລະດູການໄດ້ດີ; ອາຊິບ ຕົ້ນຕໍແມ່ນເຮັດນາປຸກເຂົ້າ, ປຸກພຶດຕາມລະດູການ, ປູກໝາກແໜງ, ຢ່າງພາລາ ແລະ ເຮັດການບໍລິການອື່ນໆ. ກຸ່ມທ້ອນເງິນບ້ານລຸ່ມ ເປັນກອງທຶນໝູນວຽນຂັ້ນບ້ານ ເພື່ອໃຫ້ການບໍລິການຮັບເງິນທ້ອນ, ປ່ອຍເງິນກູ້ໃຫ້ສະມາຊິກເພື່ອຊ່ວຍເຫຼືອເຊີ່ງກັນ ແລະ ກັນ ເປັນກອງທຶນຂະໜາດນ້ອຍໄດ້ຮັບການສ້າງຕັ້ງຂື້ນໂດຍການເຫັນດີຈາກຄະນະ
ພັກຂັ້ນເທິງ, ສະຫະພັນແມ່ຍິງເມືອງ, ອົງການປົກຄອງບ້ານ ແລະ ອົງການຈັດຕັ້ງສະຫະພັນແມ່ຍິງຂັ້ນບ້ານ. ມີຄະນະກໍາມະການ 5 ທ່ານ, ຍິງ 5 ທ່ານ, ມີຄະນະທີ່ປືກສາ 3 ທ່ານ, ຊາຍ 3 ທ່ານ. ມີລະບຽບການຄຸ້ມຄອງ ແລະ ການເຄື່ອນໄຫວ່ຕາມກົດລະບຽບ ຂອງສູນກາງສະຫະພັນແມ່ຍິງລາວ ສະບັບເລກທີ 054/ສຍລ, ລົງວັນທີ 05 ເມສາ 2012.ບ້ານ ລຸ່ມ ໄດ້ສ້າງຕັ້ງກຸ່ມທ້ອນເງິນຂື້ນໃນ ວັນທີ 1 ເມສາ 2006 ເປັນຕົ້ນມາ ເບື້ອງຕົ້ນມີສະມາຊິກທ້ອນເງິນທັງໝົດ 86 ຄົນ, ຍິງ 65 ຄົນ, ມີເງີນທ້ອນທັງໝົດ 5.2 ລ້ານກີບ, ເກັບດອກເບ້ຍໄດ້ 435 ພັນກີບ, ລວມຕົ້ນທືນ ແລະ ດອກເບ້ຍມີ 5.6 ລ້ານກີບ, ໄລຍະສ້າງຕັ້ງທຳອິດມີຄະນະກໍາມະການ 3 ຄົນ, ຍີງ 3 ຄົນ, ມີຄະ ນະທີ່ປືກສາ 2 ຄົນ, ຊາຍ 2 ຄົນ. ມາຮອດປີ 2013 ໄດ້ພົບຄວາມຫຍຸ້ງຍາກຫຼາຍດ້ານເປັນຕົ້ນ: ການທ້ອນ ແລະ ການສົ່ງດອກເບ້ຍຂອງສະມາຊິກບໍ່ປົກກະຕິ, ສະມາຊິກບາງສະຫາຍກູ້ຍືມເງີນແລ້ວບໍ່ສົ່ງຕົ້ນທືນ ແລະ ດອກເບ້ຍ, ເຮັດໃຫ້ມີໜີ້ສິນຄຸມເຄືອ ຈື່ງເຮັດໃຫ້ບໍ່ສາມາດຈັດຕັ້ງປະຕິບັດວຽກງານກຸ່ມທ້ອນເງິນຕໍ່ໄປໄດ້. ດັ່ງນັ້ນ, ທາງຫ້ອງການ
ສະຫະພັນແມ່ຍິງເມືອງຈື່ງໄດ້ສົມທົບກັບຜູ້ຊີ້ນຳກອງທຶນຂັ້ນເມືອງ ແລ້ວລົງແກ້ໄຂໄກ່ເກ່ຍຫຼາຍຄັ້ງຈົນສຳເລັດ ແລະ ໄດ້ຢຸດເຊົາໄລຍະໜື່ງ. ມາຮອດປີ 2015 ທາງສະຫະພັນ
ແມ່ຍິງເມືອງໄດ້ຄົ້ນຄ້ວາປືກສາຫາລື ແລະ ສົມທົບກັບອໍານາດການປົກຄອງບ້ານ, ເຖົ້າແກ່ແນວໂຮມ ແລະ ຄະນະຊີ້ນໍາຂັ້ນເມືອງແລ້ວ ພ້ອມກັນປັບປຸງ, ແຕ່ງຕັ້ງຄະນະກໍາ
ມະການ ແລະ ທີ່ປືກສາຄືນໃໝ່ ເບື້ອງຕົ້ນມີສະມາຊິກທ້ອນ 73 ຄົນ, ຍິງ 52 ຄົນ, ມີເງິນທ້ອນ 4.6ລ້ານ ກີບ, ດອກເບ້ຍ 310 ພັນກີບ, ລວມທຶນ ແລະ ດອກເບ້ຍທັງໝົດ 4.9 ລ້ານກີບ. ມາຮອດປັດຈຸບັນມີສະມາຊິກທ້ອນທັງໝົດ 264 ຄົນ, ຍິງ 228 ຄົນ, ມີສະມາຊິກກູ້ທັງໝົດ 63 ຄົນ, ຍິງ 58 ຄົນ, ມີເງິນລວມທັງໝົດ 2.8 ຕື້ກີບ, ໃນນີ້: ເງິນທ້ອນທັງໝົດ 2.5 ຕື້ກີບ, ດອກເບ້ຍ 260.4 ລ້ານ ກີບ, ທຶນສະສົມຕ່າງໆມີ: ທຶນສໍາຮອງ 23.13 ລ້ານກີບ, ທຶນພັດທະນາບ້ານ 2.9 ລ້ານກີບ, ທຶນສະຫວັດດີການ 33.9 ລ້ານ ກີບ, ທຶນເມືອງສົມທົບ 1 ລ້ານ ກີບ; ໄລຍະຜ່ານມາໄດ້ຈ່າຍອຸດໜຸນສະມາຊີກເສຍຊີວິດ ລວມ 13 ຄັ້ງ, ເປັນເງີນ 1.8 ລ້ານ ກີບ, ຈ່າຍເຂົ້າໃນກອງປະຊຸມຝືກອົບຮົມ, ແລກປ່ຽນບົດຮຽນຕ່າງໆ ລວມ 3 ຄັ້ງ, ເປັນເງິນ 1.9 ລ້ານກີບ, ປະກອບສ່ວນເຂົ້າໃນວຽກງານພັດທະນາບ້ານ ເປັນຕົ້ນ: ສ້າງຫ້ອງນໍ້າ, ຊື້ພັດລົມ, ຕໍ່ໄຟຟ້າເຂົ້າຫ້ອງການບ້ານ ເປັນເງີນ 9.8 ລ້ານກີບ, ຈ່າຍເຂົ້າໃນກອງປະຊຸມປັນຜົນທ້າຍປີ ແລະ ຊື້ຂອງຂັວນຕ່າງໆ ເປັນເງິນ 3.2 ລ້ານກີບ. ມາຮອດປະຈຸບັນ ມີເງິນເຫຼືອຕົວຈິງຢູ່ໃນກູ່ມທ້ອນທັງໝົດ 2.8 ຕື້ກິບ. ໃນນີ້ໄດ້ປ່ອຍໃຫ້ສະມາຊິກກູ້ຢືມ 2 ຕື້ກີບ, ເງິນຄ້າງໃນກອງທືນ 800 ລ້ານກີບ.
ການຈັດຕັ້ງປະຕິບັດວຽກງານກຸ່ມທ້ອນເງິນຂອງບ້ານລຸ່ມ ແມ່ນເປັນການປະກອບສ່ວນແນວທາງນະໂຍບາຍຂອງພັກ-ລັດ ໃນການແກ້ໄຂຄວາມທຸກຍາກພາຍໃນບ້ານເຮັດໃຫ້ຄອບຄົວ ແລະ ບ້ານຫຼຸດພົ້ນອອກຈາກຄວາມທຸກຍາກເທື່ອລະກ້າວ, ເຊີ່ງສະແດງອອກໃນການສ້າງໃຫ້ສະມາຊິກພາຍໃນບ້ານມີວຽກເຮັດງານທຳເປັນຕົ້ນແມ່ນ: ໄດ້ກູ້ຢືມເງິນກອງທືນໄປທໍາການຜະລິດທາງດ້ານກະສີກຳ, ຫັດຖະກຳ, ບໍລິການຄ້າຂາຍ ແລະ ອື່ນໆ ເພື່ອສ້າງລາຍຮັບໃຫ້ແກ່ຄອບຄົວ ເຊີ່ງໄດ້ເປັນກຳລັງແຮງອັນໃຫ່ຍຫຼວງໃນການປະກອບສ່ວນເຂົ້າໃນການພັດທະນາແມ່ຍິງ. ກອງທຶນບ້ານລຸາມແມ່ນມີຄວາມສໍາຄັນ ແລະ ເປັນມາດຖານເງື່ອນໄຂໜື່ງໃນການປະກອບສ່ວນການສ້າງບ້ານວັດທະນະທໍາ, ບ້ານພັດທະນາ ແລະ ບ້ານ 3 ສ້າງ ຕາມແນວທາງນະໂຍບາຍຂອງພັກ-ລັດ ຖ້າບ້ານດັ່ງກ່າວບໍ່ມີກອງທຶນໃດໜື່ງກໍ່ຈະບໍ່ສາມາດບັນລຸຕາມມາດຖານເງື່ອນໄຂໄດ້. ໂດຍສະ
ເພາະແມ່ນສໍາຄັນຕໍ່ວຽກງານການສ້າງຄອບຄົວ, ບ້ານແມ່ຍິງ 3 ດີຕິດພັບກັບການສ້າງບ້ານພັດທະນາຕາມທິດ 3 ສ້າງ ເພາະເປັນມາດຖານເງື່ອນໄຂຫຼັກໃນການພັດທະນາຄອບຄົວ ແລະ ບ້ານໃຫ້ມີຄວາມເຂັ້ມແຂງທາງດ້ານເສດຖະກິດ - ສັງຄົມ.
