ພິທີຊັບຊ້ອນພົນຕໍາຫຼວດທີ່ຮຽນຈົບຈາກໂຮງຮຽນຕ່າງໆ ປະຈຳປີ 2025
17 Mar 2025 | ປ ກ ສ ແຂວງ |
ພິທີດັ່ງກ່າວໄດ້ຈັດຂຶ້ນໃນວັນທີ 17 ມີນາ 2025, ທີ່ສະໂມສອນກອງບັນຊາການ ປກສ ແຂວງຜົ້ງສາລີ, ເປັນກຽດເຂົ້າຮ່ວມຂອງທ່ານ ພົຈວ ຄໍາຈັນ ແສງລາວົງ ກໍາມະການປະຈໍາພັກແຂວງ ຫົວໜ້າກອງບັນຊາການ ປກສ ແຂວງ ມີຄະນະພັກ-ຄະນະຫ້ອງ, ກອງ, ຕະຫຼອດຮອດພົນຕໍາຫຼວດເຂົ້າຮ່ວມ.
ທ່ານ ພັທ ສານແສງ ເສົາສຸລິພົມ ຮອງຫົວໜ້າຫ້ອງການເມືອງ ປກສ ແຂວງ ໄດ້ຂຶ້ນຜ່ານຂໍ້ຕົກລົງຂອງກອງບັນຊາການ ປກສ ແຂວງ ເລກທີ 862/ປກສ. ຜລ, ລົງວັນທີ 11 ມີນາ 2025 ວ່າດ້ວຍການຊັບຊ້ອນພົນຕໍາຫຼວດ
ຈົບຈາກໂຮງຮຽນ ປກສ ຊັ້ນຕົ້ນ ແຫ່ງຕ່າງໆປະຈໍາປີ 2025 ໃນນີ້ກອງບັນຊາການ ປກສ ແຂວງ ຕົກລົງຊັບຊ້ອນໃຫ້ ຫ້ອງການກອງບັນຊາການ ປກສ ແຂວງ 5 ສະຫາຍ, ຍິງ 5 ສະຫາຍ, ຫ້ອງການເມືອງ 2 ສະຫາຍ, ຍິງ 2 ສະຫາຍ, ຫ້ອງຕໍາຫຼວດ 10 ສະຫາຍ, ຍິງ 2 ສະຫາຍ, ຫ້ອງພະລາທິການ 3 ສະຫາຍ, ກອງພັນປ້ອງກັນເຄື່ອນທີ່ 11 ສະຫາຍ, ຍິງ 2 ສະຫາຍ, ປກສ ເມືອງຜົ້ງສາລີ 5 ສະຫາຍ, ປກສ ເມືອງບຸນເໜືອ 9 ສະຫາຍ, ຍິງ 3 ສະຫາຍ, ປກສ ເມືອງຍອດອູ 3 ສະຫາຍ, ຍິງ 1 ສະຫາຍ , ປກສ ເມືອງສໍາພັນ 5 ສະຫາຍ, ຍິງ 1 ສະຫາຍ, ປກສ ເມືອງບຸນໃຕ້ 4 ສະຫາຍ, ຍິງ 1 ສະຫາຍ, ປກສ ເມືອງຂວາ 3 ສະຫາຍ, ປກສ ເມືອງໃໝ່ 2 ສະຫາຍ.
ໃນໂອກາດທີ່ມີຄວາມໝາຍ-ຄວາມສໍາຄັນດັ່ງກ່າວ ທ່ານ ພົຈວ ຄໍາຈັນ ແສງລາວົງ ຫົວໜ້າກອງບັນຊາການ ປກສ ແຂວງ ໄດ້ຮຽກຮ້ອງມາຍັງພົນຕໍາຫຼວດທຸກສະຫາຍ ເອົາໃຈໃສ່ເຝີກຝົນຫໍ່ຼຫຼອມຕົນເອງຢ່າງຮອບດ້ານ ເພື່ອປະກອບສ່ວນເຂົ້າໃນການປະຕິບັດ ທຸກໜ້າທີ່ວຽກງານ ທີ່ການຈັດຕັ້ງຂັ້ນເທີງມອບໝາຍໃຫ້, ເປັນບຸກຄົນທີ່ຊື່ສັດບໍລິສຸດ, ສາມັກຄີເປັນປຶກແຜ່ນ, ຮູ້ຈໍາແນກ ມິດ-ສັດຕູ ຢ່າງຈະແຈ້ງ, ເພື່ອຕ້ານ ແລະ ສະກັດກັ້ນທຸກກົນອຸບາຍຂອງພວກກຸ່ມຄົນບໍ່ດີ ແລະ ພ້ອມກັນປົກປັກຮັກສາຄວາມສະຫງົບປອດໄພຂອງສັງຄົມໃຫ້ໄດ້ດີໂດຍພື້ນຖານ.
Share:
