ເພື່ອເປັນການກະກຽມໃຫ້ແກ່ວັນບຸນສຳຄັນຕ່າງໆຂອງພັກຂອງຊາດ ໂດຍສະເພາະກໍ່ແມ່ນ 3 ວັນປະຫວັດສາດໃນປີ 2025 ນີ້, ໃຫ້ເຕັມໄປດ້ວຍບັນຍາກາດອັນຄືກຄື້ນ ແລະ ມີຜົນສໍາເລັດນັ້ນ. ຕອນເຊົ້າຂອງວັນທີ 20 ມີນາ 2025 ນີ້, ທາງທາງອະນຸກໍາມະການຂະບວນການ, ແຂ່ງຂັນ ຍ້ອງຍໍ ໄດ້
ກະກຽມຝືກຊ້ອມກ້ອນກຳລັງເພື່ອສະເຫຼີມສະຫຼອງວັນສ້າງຕັ້ງພັກປະຊາຊາຊົນປະຕິວັດລາວ ຄົບຮອບ 70 ປີ ຄືແຕ່ ວັນທີ 22 ມິນາ 1955 - 22 ມິນາ 2025 ໂດຍການເຂົ້າຮ່ວມ ແລະ ຊີ້ນໍາໆພາຂອງ ທ່ານ ພອນໄຊ ແກ້ວສົມພັນ ກໍາມະການປະຈຳພັກແຂວງ, ປະທານແນວລາວສ້າງຊາດແຂວງ ທັງເປັນຫົວໜ້າອະນຸກຳມະການຂະບວນການ, ແຂ່ງຂັນ ຍ້ອງຍໍ ມີບັນດາທ່ານຄະນະຮັບຜິດຊອບພາຍໃນອະນຸກຳມະການດັ່ງກ່າວພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ສະຫາຍ ພັນເອກ ບຸນລຽນ ແສນວົງ ຮອງຫົວໜ້າ ກອງບັນຊາການປ້ອງກັນຄວາມສະຫງົບແຂວງ ທັງເປັນຄະນະຮັບຜິດຊອບກ້ອນກຳລັງໃຫ້ວ່າ:
ກ້ອນກຳລັງທີ່ມາຝືກໃນຄັ້ງນີ້ແມ່ນມາຈາກບັນດາພະແນກການອ້ອມຂ້າງແຂວງ, ສອງກຳລັງ ປກຊ, ປກສ, ອ້ອມຂ້າງເມືອງບຸນເໜືອ, ພໍ່ແມ່ປະຊາຊົນບັນດາເຜົ່າພາຍໃນເທດສະບານເມືອງບຸນເໜືອ, ເຊິ່ງການຝືກຊ້ອມແມ່ນ ໄດ້ແບ່ງອອກເປັນ 18 ກ້ອນກໍາລັງ ໃນນີ້ກ້ອນກໍາລັງໜຶ່ງປະກອບດ້ວຍບຸກຄະລາກອນ 100 - 150 ສະຫາຍ. ຈຸດປະສົງຂອງການ ຝືກຊ້ອມກ້ອນກຳລັງໃນຄັ້ງນີ້ ກໍ່ເພື່ອກະກຽມຄວາມພ້ອມ ຂອງກ້ອນກຳລັງຕ່າງໆໃຫ້ມີຄວາມເປັນລະບຽບຮຽບຮ້ອຍ, ດ້ວຍການຈັດຮູບແຖວໃຫ້ຊື່, ຮັບປະກັນໃຫ້ມີຄວາມຈົບງາມ ແລະ ປອດໄພຮ້ອຍສ່ວນຮ້ອຍ.
ສຳລັບງານສະເຫຼີມສະຫຼອງ ວັນສ້າງຕັ້ງພັກປະຊາຊາຊົນປະຕິວັດລາວ ຄົບຮອບ 70 ປີ ຢູ່ແຂວງຜົ້ງສາລີແມ່ນຈະໄດ້ຈັດຂຶ້ນໃນຕອນເຊົ້າຂອງວັນທີ 22 ມີນາ 2025 ນີ້ ທີ່ເດີນຜາມໄຊຂອງເທດສະບານຂອງແຂວງຜົ້ງສາລີ ( ເມືອງບຸນເໜືອ ).
