ກອງປະຊຸມເສວະນາກ່ຽວກັບການດໍາເນີນທຸລະກິດຂອງລັດວິສາຫະກິດໄຟຟ້າລາວທິຕິດພັນກັບການປັບປຸງໂຄງສ້າງລາຄາໄຟຟ້າລາວແຕ່ປີ 2025 - 2029.
20 Mar 2025 | ນັກຂ່າວຫ້ອງການ ຖວທ ເມືອງຜົ້ງສາລີ |
ກອງປະຊຸມດັ່ງກ່າວໄດ້ຈັດຂຶ້ນໃນຕອນເຊົ້າວັນທີ 20 ມີນາ 2025 ນີ້ ຢູ່ສະໂມສອນໃຫ່ຍຂອງເມືອງຜົ້ງສາລີໂດຍການເປັນປະທານຮ່ວມຂອງ ທ່ານ ບູນທອງຕິງສົມເຮືອງ ຮອງເຈົ້າເມືອງ,ຜູ້ຊີ້ນໍາຂົງເຂດວັດທະນະທໍາ-ສັງຄົມຂັ້ນເມືອງ, ທ່ານ ຄໍາຈັນ ຫຼ້າ ຮອງຫົວໜ້າພະແນກພະລັງງານ ແລະ ບໍ່ແຮ່ແຂວງ, ທ່ານ ຄໍາຮັກ ບູນທະວົງ ຮອງຫົວໜ້າໄຟຟ້າສາຂາແຂວງຜົ້ງສາລີ
ເຂົ້າຮ່ວມມີບັນດາຄະນະປະຈໍາພັກເມືອງ,ກໍາມະການພັກເມືອງ,ຫົວໜ້າ-ຮອງຫົວໜ້າຫ້ອງການ,ສອງກໍາລັງປກສ-ປກຊ,ທະນາຄານນະໂຍບາຍ,ທະນາຄານການຄ້າ,ທະນາຄານສົ່ງເສີມກະສິກໍາ ແລະ ທະນາຄານພັດທະນາລາວໜ່ວຍບໍລິການເມືອງຜົ້ງສາລີ,ໂຮງໝໍຊຸມຊົນ,ອໍານວຍການໂຮງຮຽນເລຂາພັກນາຍບ້ານ 12 ບ້ານເທດສະບານຕະຫຼອດຮອດພະນັກງານ-ລັດຖະກອນອ້ອມຂ້າງເມືອງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ໃນກອງປະຊຸມທ່ານ ຄໍາຮັກ ບູນທະວົງ ຮອງຫົວໜ້າລັດວິສາຫະກິດໄຟຟ້ລາວສາຂາແຂວງຜົ້ງສາລີໄດ້ນໍາສະເໜີກ່ຽວກັບການດໍາເນີນທຸລະກິດຂອງລັດວິສາຫະກິດໄຟ້ຟ້າລາວເພື່ອໃຫ້ຜູ້ຊົມໃຊ້ໄຟຟ້າລາວຮັບຮູ້ ແລະ ເຂົ້າໃຈໃນການປັບປຸງໂຄງສ້າງຄ່າໄຟຟ້າໃນປີ 2025 – 2029 ເຊິງມີ 2 ພາກຄື ພາກທີຢູ່ອາໃສ່ ແລະ ພາກທີບໍແມ່ນທີ່ຢູ່ອາໃສ່, ພາກທີ່ຢູ່ອາໃສ່ພາຍໃນປີ 2025 ແມ່ນຈະຄິດໄລຕາມອັດຕາການຊົມໃຊ້ພາຍໃນເດືອນແມ່ນຈະເລີ່ມແຕ່ລາຄາ 641 ກີບຕໍ່ 1 ກິໂລວັດ ແລະ ແຕ່ລະເດືອນອັດຕາຄິດໄລ່ແມ່ນຈະຄ່ອຍປັບຂຶ້ນຕາມສະພາບຄວາມເປັນຈິງຕາມນະໂຍບາຍຂອງລັດຖະບານມີຕໍ່ຄົວເຮືອນທຸກຢ່າງແມ່ນເຫັນດີບໍ່ໃຫ້ຄ່າໃຊ້ຄົວເຮືອນທີໃຊ້ໄຟຟ້າຂະໜາດກົງເຕີທີໃຊ້ໄຟຟ້າບໍ່ເກີນ 25 ກິໂລວັດຕໍ່ເດືອນ ແລະ ພາກບໍ່ແມ່ນທີ່ຢູ່ອາໃສ່ອັດຕາຄິດໄລ່ແມ່ນຈະແຕກຕ່າງກັນລວມທັງສໍານັກງານອົງການ ແລະ ຜູ້ປະກອບການຫົວໜ່ວຍທຸລະກິດຕ່າງໆເຊິງຈະເລີ່ມຈັດຕັ້ງປະຕິບັດນັບແຕ່ເດືອນມີນາ 2025 ເປັນຕົ້ນໄປ ຈາກນັ້ນຜູ້ເຂົ້າຮ່ວມຍັງໄດ້ພ້ອມກັນແລກປ່ຽນປະກອບຄໍາຄິດຄໍາເຫັນ ແລະ ຊອບຖາມຂໍ້ຂ້ອງໃຈໃນການປັບປຸ່ງໂຄງສ້າງຄ່າໄຟຟ້າ ແລະ ບັນຫາຕ່າງໆທີພົບເຫັນໃນການຊົມໃຊ້ໄຟຟ້າພາຍໃນເຮືອນຂອງຕົນຕື່ມອືກ.
ຕອນທ້າຍຂອງກອງປະຊຸມປະທານຍັງໄດ້ໂອ້ລົມ ແລະ ຮຽກຮ້ອງມາຍັງຜູ້ເຂົ້າຮ່ວມກອງປະຊຸມນໍາເອົາເນື້ອຈິດໃຈດັ່ງກ່າວໄປເຜີ່ຍແຜ່ປັບປຸງໂຄງສ້າງລາຄາໄຟຟ້າກໍ່ຄືຜູ້ຊົມໃຊ້ໄຟຟ້າໃຫ້ກວດເຊັກອຸປະກອນໄຟຟ້າພາຍໃນເຮືອນເພື່ອປ້ອງກັນອັກຄີໄຟຖ້າຫາກເກືດຂຶ້ນແລ້ວຈະສ້າງຄວາມເສຍຫາຍໃຫ້ຜູ້ຊົມໃຊ້ໄຟຟ້າຢ່າງມະຫາສານ ແລະ ທ່ານຍັງໄດ້ເນັ້ນໃຫ້ຜູ້ຊົມໃຊ້ໄຟຟ້າຮ່ວມມືກັບພະນັກງານໄຟຟ້າທີລົງພື້ນທີ່ເພື່ອເຊັກໄຟຟ້າພາຍໃສເຮືອນເພື່ອແກ້ໄຂໃຫ້ທັນເວລາ.
Share:
