ສະມາຄົມຜູ້ອາຍຸສູງນະຄອນຫຼວງວຽງຈັນ ພົບປະ ແລະ ເຮັດວຽກ ຢູ່ແຂວງຜົ້ງສາລີ
20 Mar 2025 | ຂ່າວ: ສົມຄິດ |
ໃນຕອນເຊົ້າຂອງວັນທີ20 ມີນາ 2025ນີ້ ທີ່ຫ້ອງປະຊຸມຊັ້ນ3 ສໍານັກງານປົກຄອງແຂວງຜົ້ງສາລີ ທາງສະມາຄົມຜູ້ອາຍຸສູງນະຄອນຫຼວງວຽງຈັນ ໄດ້ພົບປະ ແລະ ເຮັດວຽກກັບແຂວງຜົ້ງສາລີ. ໂດຍການເປັນປະທານຂອງ ທ່ານ ພອນໄຊ ແກ້ວສົມພັນ ກໍາມະການປະຈໍາພັກແຂວງ, ປະທານແນວລາວສ້າງຊາດແຂວງຜົ້ງສາລີ; ເຊີງຝ່າຍສະມາຄົມຜູ້ອາຍຸສູງນະຄອນຫຼວງວຽງຈັນນໍາໂດຍທ່ານ ຈັນດີ ພົມມະບຸດ ຮອງປະທານສະມາຄົມຜູ້ອາຍຸສູງນະຄອນຫຼວງວຽງຈັນ ພ້ອມຄະນະ ແລະ ຝ່າຍແຂວງຜົ້ງສາລີ
ມີບັນດາທ່ານອະດີດການນໍາແຂວງ, ພະແນກການ ແລະ ອົງການກ່ຽວຂ້ອງຂັ້ນແຂວງ
ໃນພິທິທັງສະມາຄົມຜູ້ອາຍຸສູງນະຄອນຫຼວງວຽງຈັນ ໄດ້ສະເໜີ ສະພາບການສ້າງຕັ້ງສະມາຄົມ, ບົດຮຽນໃນການລະດົມສະມາຊິກເຂົ້າສະມາຄົມ, ການກະກຽມການສ້າງຕັ້ງ, ການປະກອບບຸກຄະລາກອນ, ການປະກອບສວ່ນເງີນກອງທືນ, ລະບຽບການ ແລະ ການເຄື່ອນໄຫວຕ່າງໆ.
ຈາກນັ້ນ, ທັງສອງຝ່າຍໄດ້ຜັດປ່ຽນກັນປະກອບຄໍາຄິດຄໍາເຫັນກ່ຽວກັບວຽກງານຜູ້ອາຍຸສູງ ໃຫ້ເຊີງກັນ ແລະ ກັນຮັບຮູ້ ແລະ ເຂົ້າໃຈ ເພື່ອເຮັດໃຫ້ການເຄື່ອນໄຫວວຽກງານຜູ້ອາຍຸສູງຢູ່ແຂວງຜົ້ງສາລີ ແລະ ນະຄອນຫຼວງວຽງຈັນ ພັດທະນາຂື້ນເລື້ອຍໆ
Share:
