ສ້າງບ້ານປ້ອມໝັ້ນກຸ່ມບ້ານສູ້ຮົບຕິດລຽນໃຫ້ກຸ່ມບ້ານລອງນາຍເກົ່າ ເມືອງບຸນໃຕ້ ແຂວງຜົ້ງສາລີ.
18 Mar 2025 | ຂ່າວ-ພາບ: ທອງໄຊ ແສງອຸດົມ |
ເພື່ອເຮັດໃຫ້ວຽກງານປ້ອງກັນຊາດ-ປ້ອງກັນຄວາມສະຫງົບ, ເປັນໜ້າທີ່ຂອງທົ່ວປວງຊົນ ແລະ ເຮັດໃຫ້ຮາກຖານທ້ອງຖິ່ນມີຄວາມສະຫງົບ ແລະ ເປັນລະບຽບຮຽບຮ້ອຍ, ມາໃນຕອນເຊົ້າຂອງວັນທີ 18 ມີນາ 2025 ນີ້, ກອງບັນຊາການທະຫານແຂວງຜົ້ງສາລີ, ໄດ້ເປີດຊຸດອົບຮົມ-ຫັດແອບສ້າງບ້ານປ້ອມໝັ້ນ-ກຸ່ມບ້ານສູ້ຮົບຕິດລຽນ ຢູ່ກຸ່ມບ້ານລອງນາຍເກົ່າ ເມືອງບຸນໃຕ້ ແຂວງຜົ້ງສາລີ, ໂດຍການເປັນປະທານຂອງ ສະຫາຍ ພົນຈັດຕະວາ ຊຽງເພັງບົວລະວົງ ເລຂາຄະນະພັກ ຫົວໜ້າການເມືອງ
ກອງບັນຊາ
ການທະຫານແຂວງຜົ້ງສາລີ, ຮອງປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງ, ຜູ້ປະຈໍາການ ສະຫາຍ ທອງສິງ ອິນທະແສງ ເລຂາຄະນະບໍລິຫານພັກເມືອງ ເຈົ້າເມືອງ ບຸນໃຕ້ ປະທານປ້ອງກັນຊາດ-ປ້ອງກັນຄວາມສະຫງົບເມືອງ ມີບັນດາສະຫາຍຄະນະພັກ-ຄະນະບັນຊາກອງບັນຊາການທະຫານແຂວງ, ກອງບັນຊາ
ການປ້ອງກັນຄວາມສະຫງົບແຂວງ, ພະນັກງານວິຊາການ ອົງການຈັດຕັ້ງບ້ານແຂກຖືກເຊີນ, ພໍ່ແມ່ປະຊາຊົນ 9 ບ້ານເປົ້າໝາຍ ແລະ ປກສ ບ້ານ ອ້າຍນ້ອງກອງຫຼອນເຂົ້າຮ່ວມຢ່າງພ້ອມພຽງ.
ສະຫາຍ ພັນເອກ ວິໄລ ແພງ ສົມເຮືອງ ຄະນະພັກ ຫົວໜ້າການທະຫານກອງບັນຊາການທະຫານແຂວງຜົ້ງສາລີ, ໄດ້ຜ່ານຂໍ້ຕົກລົງຂອງປະທານຄະນະກຳມະການ ປກຊ-ປກສ ແຂວງ, ສະບັບເລກທີ 66/ຄ ປກຊ-ປກສ ລົງວັນທີ 17 ມີນາ 2025 ວ່າດ້ວຍການອະນຸມັດສ້າງບ້ານປ້ອມໝັ້ນ. ກຸ່ມບ້ານສູ້ຮົບຕິດລຽນໃຫ້ກຸ່ມບ້ານລອງນາຍເກົ່າ ເມືອງບຸນໃຕ້, ແຂວງຜົ້ງສາລີ, ຈາກນັ້ນ ສະຫາຍ ພັນໂທ ຄໍາແພງ ອຸ່ນສະຫວັນ ຮອງຫົວໜ້າຫ້ອງເສນາທິການ ກອງບັນຊາການທະຫານແຂວງ, ໄດ້ຜ່ານແຜນການອົບ
ຮົບ-ຫັດແອບ ການສ້າງບ້ານປ້ອມໝັ້ນ. ກຸ່ມບ້ານສູ້ຮົບຕິດລຽນຂອງກຸ່ມບ້ານລອງນາຍເກົ່າ ເມືອງບຸນໃຕ້ ແຂວງຜົ້ງສາລີ, ປະຈໍາປີ 2025 ມີດັ່ງນີ້: ກຸ່ມບ້ານລອງນາຍເກົ່າປະກອບມີ 9 ບ້ານ ມີ 662 ຫຼັງຄາເຮືອນ, 982 ຄອບຄົວ, ມີຜົນລະເມືອງ 3,423 ຄົນ, ຍິງ 1,905 ຄົນ, ແລະ ມີອ້າຍນ້ອງກອງຫຼອນ ບ້ານ 155 ສະຫາຍ, ປກສບ້ານ 51 ສະຫາຍ, ເນື້ອໃນອົບຮົມ-ຫັດແອບ ພາກການເມືອງ 36 ຊົ່ວໂມງ, ພາກຫັດແອບສ້າງແຜນການມີ 25 ຊົ່ວໂມງ, ພາກພະລາທິການ 25 ຊົ່ວໂມງ, ພາກສິນລະປະຍຸດ 7 ຊົ່ວ
ໂມງ, ພາກຍຸດທະວິທີ, 29 ຊົ່ວໂມງ, ຈຸດປະສົງໃນການອົບຮົມ-ຫັດແອບຄັ້ງນີ້, ເພື່ອຍົກສູງບົດບາດຂອງກອງຫຼອນ, ປກສ ບ້ານໃນການເຄື່ອນໄຫວປ້ອງກັນເຮືອນຊານບ້ານຊ່ອງຍົກລະດັບຄວາມຮູ້ຄວາມສາມາດໃຫ້ອົງການປົກຄອງບ້ານກຸ່ມບ້ານ ແລະ ອົງການຈັດຕັ້ງມະຫາຊົນຂັ້ນຕ່າງໆ. ໃນການຊີ້ນຳ-ນໍາພາຕໍ່ວຽກງານ ປກຊ-ປກສ ໃຫ້ມີຄວາມໜັກແໜ້ນເຂັ້ມແຂງ ແລະ ໃຫ້ມີຄວາມຮັບປະກັນໃຫ້ດີຂຶ້ນກວ່າເກົ່າ, ເຮັດໃຫ້ວຽກງານປກຊ-ປກສ ກາຍເປັນໜ້າທີ່ຂອງທົ່ວປວງຊົນຢ່າງຮອບດ້ານ.
ຕອນທ້າຍຂອງພິທີ ສະຫາຍ ພົນຈັດຕະວາ ຊຽງເພັງ ບົວລະວົງ ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງຜົ້ງສາລີ, ຮອງປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງ, ຜູ້ປະຈໍາການ ປະທານພິທີຍັງໄດ້ໂອ້ລົມ ເຊິ່ງກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ອົງການຈັດຕັ້ງຂັ້ນບ້ານພ້ອມດ້ວຍພໍ່ແມ່ປະຊາຊົນບັນດາເຜົ່າ ແລະ ອ້າຍນ້ອງກອງຫຼອນ ທີ່ໃຫ້ຄວາມສຳຄັນຕໍ່ວຽກງານປກຊ-ປກສ ແລະ ຍັງໄດ້ຮຽກໃຫ້ຄະນະຮັບຜິດຊອບການອົບຮົມ-ຫັດແອບ ແລະ ອ້າຍນ້ອງກອງຫຼອນ ປກສບ້ານຕ້ອງເປັນເຈົ້າການມີຄວາມຮັບຜິດຊອບສູງຕໍ່ໜ້າທີ່ວຽກງານຂອງຕົນໃນການອົບຮົມ-ຫັດແອບຮໍ່າຮຽນໃຫ້ກຳໄດ້ທາງດ້ານທິດສະດີ ແລະ ພາກປະຕິບັດຕົວຈິງ, ເພື່ອເຮັດໃຫ້ການອົບຮົມ-ຫັດແອບຄັ້ງນີ້ບັນລຸໄດ້ຕາມຄາດໝາຍ ແລະ ຮັບປະກັນຄວາມປອດໄພ100%
Share:
