ເພື່ອລະນືກເຖີງຄຸນງາມຄວາມດີຂອງບັນດານັກຮົບວິລະນາມ ແລະ ສະແດງຄວາມກະຕັນຍູຮູ້ບຸນຄຸນເຖີງຜູ້ນໍາທີແສນເຄົາລົບຮັກຂອງທົ່ວປວງຊົນລາວທັງຊາດນັ້ນ ແລະ ເນື່ອງໃນໂອກາດວັນສ້າງຕັ້ງພັກປະຊາຊົນປະຕິວັດລາວຄົບຮອບ 70 ປີ ວັນທີ 22 ມີນາ 1955 – 22 ມີນາ 2025 ທີໄດ້ໝູນວຽນມາບັນຈົບອີກວາລະໜຶ່ງນັ້ນ ມາໃນຕອນ
ເຊົ້າຂອງວັນທີ 21 ມີນາ 2025 ນີ້
ທາງການນໍາພັກ-ລັດເມືອງຜົ້ງສາລີ ແລະ ສອງກໍາລັງ ປກຊ-ປກສ ເຊິງນໍາໂດຍ ສະຫາຍ ບູນສະວາດ ສີວົງໄຊ ເລຂາພັກເມືອງ, ເຈົ້່າເມືອງຜົ້ງສາລີ ພ້ອມດ້ວຍຄະນະນໍາເມືອງ ແລະ ສອງກໍາລັງປ້ອງກັນຊາດ-ປ້ອງກັນຄວາມສະຫງົບໄດ້ເຂົ້າວາງພວງມາລາ ຢູ່ອານຸສາວະລີນັກຮົບວີລະນາມຢູ່ກິໂລເມັດທີ 2 ບ້ານ ໂພນແກ້ວ ແລະ ວາງກະຕ່າດອກໄມ້ຢູ່ອະນຸສອນສະຖານ ໄກສອນ ພົມວີຫານ ທີຫຼັກ 0 ຢູ່ເທດສະບານເມືອງຜົ້ງສາລີ ການວາງພວງມາລາຢູ່ອານຸສາວະລີນັກຮົບວີລະນາມແລະ ວາງກະຕ່າດອກໄມ້ຢູ່ອະນຸສອນສະຖານ ໄກສອນ ພົມວີຫານ ໃນຄັ້ງນີ້ກໍ່ເພື່ອເປັນການເຄົາລົບຮັກ ແລະ ລະນຶກເຖິງຄວາມກະຕັນຍູຮູ້ບຸນຄຸນຕໍ່ຜົນງານ ແລະ ຄູນງາມຄວາມດີ ຂອງພະນັກງານນັກຮົບທີ່ເສຍສະຫຼະເລື່ອດເນື້ອແກ່ປະເທດຊາດໃນການຕໍ່ສູ້ກູ້ຊາດຢ່າງພິລະອາດຫານ ແລະ ບໍ່ຍອມຈໍານົນຂອງບັນພະບູລຸດລາວ,ກໍ່ຄືບັນດານັກ
ຮົບປະຕິວັດຂອງປະຊາຊົນລາວບັນດາເຜົ່າໃນການຕໍ່ສູ້ກູ້ຊາດຕ້ານພວກຈັກກະພັດລ່າເມືອງຂຶ້ນແບບເກົ່າ ແລະ ໃໝ່ ໂດຍສະເພາະແມ່ນ ປະທານ ໄກສອນ ພົມວິຫານ ພ້ອມດ້ວຍການນໍາແຕ່ລະລຸ້ນທີ່ໄດ້ເອົາໃຈໃສ່ໃນການປຸກລະດົມພໍ່ແມ່ປະຊາຊົນລາວບັນດາເຜົ່າພາຍໃຕ້ຂັນທຸງພັກປະຊາຊົນປະຕິວັດລາວຈົນໄດ້ຮັບໄຊຊະນະອັນໃຫ່ຍຫຼວງເຊິງຄຸນງາມຄວາມດີ ແລະ ຜົນງານອັນໃຫ່ຍຫຼວງດັ່ງກ່າວນັ້ນແມ່ນໄດ້ຈາລຶກໄວ້ໃນຈິດໃຈຂອງທົ່ວປວງຊົນລາວທັງຊາດຕະຫຼອດໄປ.
