ການປະດັບຫຼຽນກາລະນຶກ 70 ປີ ວັນສ້າງຕັ້ງພັກປະຊາຊົນປະຕິວັດລາວ (22/3/1955 - 22/3/2025) ໃຫ້ສະມາຊິກພັກແຂວງຜົ້ງສາລີ ທີມີຜົນງານ ແລະ ຄຸນງາມຄວາມດີ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຕະຫຼອດໄລຍະຜ່ານມາ. ໄດ້ຈັດຂື້ນໃນງານສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ ໃນວັນທີ 22 ມີນາ 2025ນີ້ ທີ່ສວນສາທາລະນະຂອງແຂວງ, ເທດສະບານແຂວງໃໝ່ ທີ່ເມືອງບູນເໜືອ ແຂວງຜົ້ງສາລີ. ເຂົ້າຮ່ວມໃນພິທີມີ ສະຫາຍ ຄຳຜອຍ ວັນນະສານ ກຳມະການສູນກາງພັກ, ເລຂາພັກແຂວງ, ເຈົ້າແຂວງຜົ້ງສາລີ; ມີບັນດາທ່ານການນຳແຂວງ, ອາດີດການນຳ, ພະນັກງານບຳນານ, ພະນັກງານ - ລັດຖະກອນ ຕະຫຼອດຮອດປະຊາຊົນບັນດາເຜົ່າແຂວງຜົ້ງສາລີ.
ໃນພິທີ ສະຫາຍ ຄຳຜອຍ ວັນນະສານ ກຳມະການສູນກາງພັກ, ເລຂາພັກແຂວງ, ເຈົ້າແຂວງຜົ້ງສາລີ ໄດ້ຂື້ນກ່າວສະດຸດີ ສັນລະເສີນສະມາຊິກພັກແຂວງຜົ້ງສາລີ ທີມີຜົນງານ ແລະ ຄຸນງາມຄວາມດີ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຕະຫຼອດໄລຍະຜ່ານມາ. ຈາກນັ້ນ, ໄດ້ຮັບຟັງການຜ່ານມະຕິຕົກລົງຂອງຄະນະເລຂາທິການສູນກາງພັກ ເລກທີ 407/ຄລສພ ລົງວັນທີ 14 ມີນາ 2025 ໂດຍຕົກລົງປະດັບຫຼຽນກາລະນຶກ 70 ປີ ວັນສ້າງຕັ້ງພັກປະຊາຊົນປະຕິວັດລາວ (22/3/1955 - 22/3/2025) ໃຫ້ສະມາຊິກພັກແຂວງຜົ້ງສາລີ ທີມີຜົນງານ ແລະ ຄຸນງາມຄວາມດີ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ຕະຫຼອດໄລຍະຜ່ານມາ ຈຳນວນ 608 ສະຫາຍ ໃນນີ້ສະມາຊິກພັກບຳນານ 570 ສະຫາຍ, ຍິງ 76 ສະຫາຍ; ສະມາຊິກພັກປະຈຳການ 38 ສະຫາຍ, ຍິງ 5 ສະຫາຍ. ໂດຍຕາງໜ້າຄະນະເລຂາທິການສູນກາງພັກຂື້ນມອບໂດຍແມ່ນສະຫາຍ ເລຂາພັກແຂວງ ແລະ ສະຫາຍຮອງເລຂາພັກແຂວງຜົ້ງສາລີມອບຕາມລຳດັບ.
