ໜ້າຫຼັກ / ການເຄື່ອນໄຫວ / ແຂວງຜົ້ງສາລີ ສະແດງສີລະປະວັນນະຄະດີ ແລະ ຈູດບັ້ງໄຟດອກ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ

ແຂວງຜົ້ງສາລີ ສະແດງສີລະປະວັນນະຄະດີ ແລະ ຈູດບັ້ງໄຟດອກ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ

21 Mar 2025 | ສົມຄິດ ແກ້ວນວນລາ |

ເນື່ອງໃນໂອກາດສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ (22/3/1955 - 22/3/2025) ນັ້ນ. ໃນຄ່ຳຄືນຂອງວັນທີ 21 ມີນາ 2025 ນີ້ ທີ່ເດີນຜາມໄຊ ທີ່ເມືອງບູນເໜືອ ເທດສະບານແຂວງໃໝ່ ຂອງແຂວງຜົ້ງສາລີ ໄດ້ຈັດໃຫ້ມີການສະແດງສີລະປະວັນນະຄະດີຂື້ນ ໂດຍການເປັນກຽດເຂົ້າຮ່ວມຮັບຊົມ ມີບັນດາທ່ານການນຳແຂວງ, ອາດີດການນຳ, ພະນັກງານບຳນານ, ພະນັກງານ-ລັດຖະກອນ ຕະຫຼອດຮອດມວນຊົນຊາວແຂວງຜົ້ງສາລີ.
​ເຊີງສີລະປະວັນນະຄະດີ ໃນຄັ້ງນີ້ແມ່ນນັກສະແດງມາຈາກ ກອງວິຊາການວັດທະນະທຳ ພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ, ໜ່ວຍວັນນະຄະດີ ກອງບັນຊາການທະຫານເມືອງບູນເໜືອ, ໜ່ວຍວັນນະຄະດີ ປກສ ແຂວງ, ໜ່ວຍວັນນະຄະດີ ໂຮງຮຽນ ມສ ບ້ານໃໝ່, ໜ່ວຍວັນນະຄະດີ ບ້ານນ້ຳຍອງໃໝ່, ໜ່ວຍວັນ
ນະຄະດີ ໂຮງຮຽນ ມໍຕົ້ນບູນເໜືອ, ໜ່ວຍວັນນະຄະດີບ້ານໂພນໂຮມ. ສີລະປະວັນນະຄະດີ ທີນຳມາສະແດງໃນຄັ້ງນີ້ປະກອບມີ: ບົດຟ້ອນເມືອງລາວໃໝ່ໝັ້ນຍືນ, ຮ້ອງດຽວຍິງເມືອງລາວມີພັກນຳພາ, ບົດຟ້ອນພັກຄືແກ້ວຕາດວງໃຈຂອງປວງຊົນລາວ, ບົດຟ້ອນອອນຊອນຊົນເຜົ່າລາວ ສາມັກຄີ, ຮ້ອງດຽວຊາຍ ເພງບູນຄຸນພັກ, ບົດຟ້ອນເທີດທູນບູນຄຸນພັກ, ສະຫຼອງບຸນກຸດຈີນ, ບົດຟ້ອນຊື່ລາວດັງກ້ອງ, ເຜົ່າອາຄາມ່ວນຊື່ນ, ປູກຝາຍເຂັນຝາຍ. ເຊີງການສະແດງແຕ່ລະລາຍການແມ່ນມີເນື້ອໃນເວົ້າເຖິງຄວາມອຸດົມຮັ່ງມີ, ສວຍສົດງົດງາມຂອງທຳມະຊາດ, ຄວາມອຸດົມສົມບູນທາງດ້ານວັດທະນະທຳ, ຮີດຄອງປະເພນີ, ການດຳລົງຊີວິດອັນຜາສຸກຮົ່ມເຢັນຢູ່ບົນພື້ນແຜ່ນດິນອັນແສນຮັກ; ວິລະກຳອັນອາດຫານພາຍໃຕ້ການນຳພາຂອງພັກປະຊາຊົນປະຕິວັດລາວ, ທີ່ໄດ້ປຸກລະດົມເອົາປະຊາຊົນບັນດາເຜົ່າເດັດດຽວລຸກຂື້ນຕໍ່ສູ້ ຈົນໄດ້ຮັບໄຊຊະນະ ແລະ ສາມາດປົດປ່ອຍປະເທດຊາດຢ່າງສົມບູນ ພ້ອມທັງນຳພາປົກປັກຮັກສາ ແລະ ສ້າງສາພັດທະນາປະເທດຊາດ; ປະຊາຊົນບັນດາເຜົ່າໄດ້ມີຄວາມເຊື່ອໝັ້ນ ແລະ ກ້າວເດີນຕາມການນຳພາຂອງພັກ ພັດທະນາຂື້ນຢ່າງຕໍ່ເນື່ອງ.
ນອກຈາກນີ້ໃນຄ່ຳຄືນດັ່ງກ່າວຍັງໄດ້ຊົມການຈູບບັ້ງໄຟດອກດ້ວຍບັນຍາກາດຄຶກຄື້ນ.

Share:

ຂ່າວຫຼ້າສຸດ

ການເມືອງ

ແຂວງຜົ້ງສາລີ ເຜີຍແຜ່ເອກະສານ ສຶກສາການເມືອງແນວຄິດ ສຳລັບ ສະມາຊິກພັກ ພະນັກງານ ເພືອດຳເນີນຊີວິດການເມືອງທົ່ວພັກ.

  • 01 May 2025
  • ຂ່າວ: ຍີນໄຊ ສີບຸນເຮືອງ

...

ອ່ານເພີ່ມ

ເມືອງຜົ້ງສາເຜີຍແຜ່ເຊື່ອມຊຶມເອກະສານສຶກສາອົບຮົມການເມືອງ-ແນວຄິດໃຫ້ສະມາຊິກພັກ-ພະນັກງານເພື່ອດໍາເນີນຊີວິດການເມືອງທົ່ວພັ

  • 03 Apr 2025
  • ນັກຂ່າວຫ້ອງການ ຖວທ ເມືອງຜົ້ງສາລີ

...

ອ່ານເພີ່ມ

ການເມືອງ

ຮອງເຈົ້າແຂວງຜົ້ງສາລີ ເນັ້ນໜັກ 5 ປະເດັ່ນຕໍ່ຜູ້ເຂົ້າຮ່ວມກອງປະຊຸມຮັບຮອງຜົນການປະເມີນເຂດຫ່າງໄກສອກຫຼີກ ແລະ ທຸລະກັນດານ ໃນທົ່ວແຂວງ ປະຈໍາປີ 2025

  • 02 Apr 2025
  • ຂ່າວ, ພາບ: ສົມຄິດ

ໃນໂອກາດທີທ່ານ ຄໍາເຫຼັກ ໃຈອີສານ...

ອ່ານເພີ່ມ

ນວັນທີ 2 ເມສາ 2025 ນີ້ ກອງບັນຊາການ ປກສ ເມືອງບຸນເໜືອປາຖະກະຖາວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 64 ປີ

  • 02 Apr 2025
  • ພາບ_ຂ່າວ ຮທ ວອນຄຳ ເຫຼັກສາ

ໃນວັນທີ 2 ເມສາ 2025 ນີ້ ກອງບັນຊາການ ປກສ...

ອ່ານເພີ່ມ