ພິທີເປີດຂະບວນການແຂ່ງຂັນກິລາເພື່ອຂໍ່ານັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບຄົບຮອບ 64 ປີ ແລະ ກອງປະຊຸມໃຫຍ່ຂອງອົງຄະນະພັກກອງບັນຊາການ ປກສ ແຂວງ ຊຸດທີ VIII.
24 Mar 2025 | ນັກຂ່າວ ປກສ ແຂວງ |
ໃນວັນທີ 24 ມີນາ 2025 ນີ້, ກອງບັນຊາການປກສແຂວງຜົ້ງສາລີ ໄດ້ຈັດພິທີເປີດຂະບວນການແຂ່ງຂັນກິລາຂຶ້ນຢ່າງເປັນທາງການ. ເປັນກຽດເຂົ້າຮ່ວມຂອງທ່ານ ພົຈວ ຄຳຈັນ ແສງລາວົງ ກຳມະການປະຈຳພັກແຂວງຫົວໜ້າກອງບັນຊາການ ປກສ ແຂວງ, ມີຄະນະປະຈຳພັກ, ຄະນະພັກ-ຄະນະບັນຊາ, ຫົວໜ້າຫ້ອງ-ຮອງຫ້ອງ, ຕະຫຼອດຮອດນາຍ ແລະ ພົນຕຳຫຼວດອ້ອມຂ້າງກອງບັນຊາການປກສແຂວງຜົ້ງສາລີເຂົ້າຮ່ວມ.
ການຈັດການແຂ່ງຂັນກິລາໃນຄັ້ງນີ້ ລວມມີກິລາ 3 ປະເພດຄື: ກິລາເປຕັງ, ກິລາບານສົ່ງ ແລະ ກິລາບານເຕະ, ໃນນີ້ມີທີມເປຕັງອາວຸໂສ, ເປຕັງຊາຍ, ເປຕັງຍິງ, ບານສົ່ງຊາຍ, ບານສົ່ງຍິງ, ບານເຕະຊາຍ ແລະ ບານເຕະຍິງ. ຈຸດປະສົງກໍ່ເພື່ອເປັນການສະເຫຼີມສະຫຼອງວັນສຳຄັນຕ່າງໆຂອງພັກ-ຂອງຊາດ, ເວົ້າລວມ-ເວົ້າສະເພາະກໍ່ຄືເພື່ອເປັນການຂ່ຳນັບຮັບຕ້ອນວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 64 ປີ (5 ເມສາ 1961- 5 ເມສາ 2025) ແລະ ກອງປະຊຸມໃຫຍ່ຂອງອົງຄະນະພັກກອງບັນຊາ
ການ ປກສ ແຂວງຜົ້ງສາລີ ຊຸດທີ VIII ທີ່ໃກ້ຈະມາເຖິງໃນມໍ່ໆນີ້ໃຫ້ເຕັມໄປດ້ວຍບັນຍາກາດຟົດຟື້ນມ່ວນຊື່ນ ແລະ ເຕັມໄປດ້ວຍຄວາມໝາຍ-ຄວາມສຳຄັນ.
Share:
