ກອງປະຊຸມໃຫຍ່ຜູ້ແທນອົງຄະນະພັກເມືອງສຳພັນ ຄັ້ງທີ XV ໄດ້ເປີດຂຶ້ນຢ່າງເປັນທາງການ.
24 Mar 2025 | ພາບ,ຂ່າວໂດຍ ຄໍາຮຸງ ຄູນປະສົງ |
ໂດຍພາຍໃຕ້ການ
ເປັນປະທານຂອງສະຫາຍ ທອງຕື ເກຍສະບົງ ກໍາມະການພັກແຂວງ ເລຂາຄະນະບໍລິຫານງານພັກເມືອງ-ເຈົ້າເມືອງໆ ສຳພັນ, ເປັນກຽດເຂົ້າຮ່ວມຂອງ ສະຫາຍ ຄໍາຜອຍ ວັນນະສານ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຜົ້ງສາລີ, ມີບັນດາສະຫາຍຄະນະປະຈຳພັກແຂວງ, ຄະນະນໍາກ່ຽວ
ຂ້ອງ ຂັ້ນແຂວງ, ບັນດາສະຫາຍໃນອົງຄະນະພັກເມືອງ ພ້ອມດ້ວຍແຂກຖືກເຊີນຈາກ 6 ເມືອງພາຍໃນແຂວງ ແລະ ບັນດາສະຫາຍຜູ້ແທນສົມບູນຈໍານວນ 125 ສະຫາຍ, ຍິງ 14 ສະຫາຍ ທີ່ເປັນຕົວແທນໃຫ້ແກ່ສະມາຊິກພັກໃນທົ່ວເມືອງ 1,287 ສະຫາຍ, ຍິງ 337 ສະຫາຍເຂົ້າຮ່ວມ.
ໃນກອງປະຊູມສະຫາຍ ທອງຕື ເກຍສະບົງ ກໍາມະການພັກແຂວງ ເລຂາຄະນະບໍລິຫານງານພັກເມືອງ-ເຈົ້າເມືອງໆ ສຳພັນ,ໄດ້ກ່າວເປີດກອງປະຊຸມ ຢ່າງເປັນທາງການ ພ້ອມທັງຜ່ານຮ່າງບົດລາຍງານເມືອງສອງພາກ ເຊິ່ງມີບາງຕອນສະຫາຍ ໄດ້ກ່າວວ່າ: ພາຍໃຕ້ການ ຊີ້ນໍາຈາກຄະນະບໍລິຫານງານພັກແຂວງ ແລະ ການນໍາພາ ຂອງຄະນະບໍລິຫານງານພັກເມືອງສຳພັນໃນການຈັດຕັ້ງປະຕິບັດ ມະຕິກອງປະຊຸມໃຫຍ່ຂອງພັກຂັ້ນຕ່າງໆ ໂດຍຍຶດຫມັ້ນແນວທາງເສດຖະກິດຂອງພັກ,ຖືການພັດທະນາເສດຖະກິດເປັນໃຈກາງ ໃນ 5 ປີຜ່ານມາ ພວກເຮົາໄດ້ຫັນມະຕິກອງປະຊຸມໃຫຍ່ຄັ້ງທີ XIV ຂອງອົງຄະນະພັກເມືອງວາງອອກ ກໍ່ຄືບັນດາ 9 ແຜນງານ ແລະ 5 ທາງອອກ ໃນແຜນພັດທະນາເສດຖະກິດ - ສັງຄົມ 5 ປີຄັ້ງທີ III (2020-2024) ຂອງເມືອງ ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດ
ຖະກິດ - ການເງິນ; ດ້ວຍການສຸມໃສ່ກໍ່ສ້າງພື້ນຖານໂຄງລ່າງຮັບໃຊ້ແກ່ການພັດທະນາ, ການດໍາລັງຊີວິດ ແລະ ການແກ້ໄຂຄວາມທຸກຍາກຂອງປະຊາຊົນ; ໃນ 5 ປີຜ່ານມາ ເສດຖະກິດຂອງເມືອງ ໄດ້ມີການຂະຫຍາຍຕົວສະ ເລ່ຍ 7,45 %ຕໍ່ປີ ໃນນັ້ນ;ກະສິກໍາປ່າໄມ້ ເພີ່ມຂຶ້ນ 7,83%,ອຸດຫາຫະກໍາ-ຫັດຖະກໍາ ເພີ່ມຂຶ້ນ 6,60%, ການບໍລິ ການເພີ່ມຂຶ້ນ 4,84%, ລວມຍອດຜະລິດຕະພັນພາຍໃນບັນລຸ 1,157.40 ຕື້ກີບ; ສະເລ່ຍ 231.48 ຕຶ້ກີບຕໍ່ປີ, ສະເລ່ຍໃສ່ຫົວຄົນ 10.72 ລ້ານກີບ ຫຼື ເທົ່າກັບ 510.47 ໂດລາ ທຽບໃສ່ປີ 2019 ເພີ່ມຂຶ້ນ 197.14 ໂດລາສະຫະລັດ. ໂຄງປະກອບເສດຖະກິດໄດ້ປ່ຽນໄປຕາມທ່າແຮງ ແລະ ຈຸດພິເສດຂອງເມືອງຂະແໜງການເສດຖະກິດໄດ້ຮັບການພັດທະນາ ແລະ ມີຜົນສໍາເລັດ.
ກອງປະຊຸມໃຫຍ່ຄັ້ງທີ XV ຂອງຜູ້ແທນອົງຄະນະພັກ ເມືອງສຳພັນຄັ້ງນີ້ ຜູ້ແທນຈະໄດ້ພ້ອມກັນຄົ້ນຄ້ວາ,ປະກອບ ຄໍາເຫັນໃສ່ຮ່າງບົດລາຍງານການເມືອງ,ແຜນພັດທະນາ ເສດຖະກິດ-ສັງຄົມ 5 ປີ ພ້ອມທັງທົບທວນຕີລາຄາຄືນ ກ່ຽວກັບການຈັດຕັ້ງປະຕິບັດແນວທາງການປ່ຽນແປງໃໝ່ ທີ່ມີຫຼັກການຂອງພັກກໍ່ຄືການຈັດຕັ້ງປະຕິບັດເນື້ອໃນ ຈິດໃຈມະຕິກອງປະຊຸມໃຫຍ່ຄັ້ງທີ XV ຂອງອົງຄະນະພັກ ເມືອງກ່ຽວກັບດ້ານຕັ້ງໜ້າ,ຂໍ້ຂາດຕົກບົກຜ່ອງ ແລະ ຖອດຖອນບົດ ຮຽນຢ່າງພາວະວິໄສ ພ້ອມດຽວກັນນັ້ນຈະ ໄດ້ພ້ອມກັນກຳນົດທິດທາງໜ້າທີ່ແຕ່ນີ້ຮອດປີ 2029. ຈາກນັ້ນ ຜູ້ແທນຈະໄດ້ພ້ອມກັນໃຊ້ສິດປະຊາທິປະໄຕຂອງການເລືອກຕັ້ງເອົາຄະນະບໍລິຫານງານພັກເມືອງຊຸດໃໝ່ຜູ້ທີ່ມີ ຄວາມຮູ້,ຄວາມສາ ມາດ,ຄຸນສົມບັດສິນທຳປະຕິວັດ, ມີ ລັກສະນະສືບທອດຕໍ່ເນື່ອງ, ມີຄວາມຮັບຜິດຊອບສູງຕໍ່ ໜ້າທີ່ການເມືອງເພື່ອແບກຫາບ ແລະ ເຮັດຫຼ້ອນໜ້າທີ່ ຕໍ່ໜ້າທີ່ການເມືອງເພື່ອແບກຫາບ ແລະ ເຮັດຫຼ້ອນໜ້າທີ່ ທີ່ ກອງປະຊຸມໃຫ່ຍມອບໝາຍໃຫ້. ພ້ອມກັນນັ້ນໃນກອງ ປະຊຸມຍັງຈະໄດ້ຮັບຟັງການໂອ້ລົມຈາກຄະ
ນະພັກຂັ້ນເທິງ ເພື່ອເປັນບ່ອນອີງ ແລະ ຈັດຕັ້ງປະຕິບັດວຽກງານໃນຕໍ່ໜ້າ ໃຫ້ມີຜົນສໍາເລັດຕາມແຜນການທີ່ວາງໄວ້. ກອງປະຊຸມໃຫຍ່ຜູ້ແທນອົງຄະນະພັກເມືອງສຳ ພັນ ຄັ້ງທີ XV ຈະສືບຕໍ່ດໍາເນີນເປັນເວລາ 2 ວັນ ຮອດວັນທີ 25 ມີນາ 2025 ຈຶ່ງຈະສຳເລັດ.
Share:
