ຄະນະນໍາກອງບັນຊາການ ປກສ ແຂວງຜົ້ງສາລີ ຢ້ຽມຢາມອະດີດການນໍາ ແລະ ຄອບຄົວອະດີດການນໍາ.
24 Mar 2025 | ນັກຂ່າວ ປກສ ແຂວງ |
ໃນວັນທີ 24 ມີນາ 2025 ພົຈວ ຄໍາຈັນ ແສງລາວົງ ກໍາມະການພັກແຂວງ, ຫົວໜ້າກອງບັນຊາການ ປກສ ແຂວງ ພ້ອມດ້ວຍຄະນະ ໄດ້ນໍາເອົາກະຕ່າຂອງຂວັນ ເຂົ້າອວຍພອນ ອະດີດການນໍາ ແລະ ຄອບຄົວຂອງອະດີດການນໍາກອງບັນຊາການ ປກສ ແຂວງຜົ້ງສາລີ ເນື່ອງໃນໂອກາດວັນສ້າງຕັ້ງກໍາລັງປ້ອງກັນຄວາມສະຫງົບ ຄົບຮອບ 64 ປີ ( 5 ເມສາ 1961 – 5 ເມສາ 2025 ) ແລະ ວັນສ້າງຕັ້ງກໍາລັງປ້ອງກັນຄວາມສະຫງົບ ແຂວງຜົ້ງສາລີ ຄົບຮອບ 62 ປີ ( 11 ພຶດສະພາ 1963 - 11 ພຶດສະພາ 2025 ) ເພື່ອສະແດງເຖິງຄວາມຮູ້ບຸນຄຸນ ຕໍ່ອະດີດການນໍາ ປກສ ແຂວງ ທີ່ໄດ້ທຸ່ມເທເຫື່ອແຮງສະຕິປັນຍາ, ຄວາມຮູ້-ຄວາມສາມາດ ໃນການນໍາພາ-ຊີ້ນໍາ ກໍາລັງປ້ອງກັນຄວາມສະຫງົບ ແຂວງຜົ້ງສາລີ ໃຫ້ເຕີບໃຫຍ່ເຂັ້ມແຂງ, ເດັດດ່ຽວ ກ້າຫານ ແລະ ເຮັດສໍາເລັດໜ້າທີ່ຢ່າງໂດດເດັ່ນ ສະຫງ່າຜ່າເຜີຍ ກາຍເປັນກໍາລັງປ້ອງກັນຄວາມສະຫງົບ ຂອງປະຊາຊົນຢ່າງແທ້ຈິງ.
ໃນໂອກາດເຂົ້າຢ້ຽມຢາມ ແລະ ອວຍພອນໃນຄັ້ງນີ້ ພົຈວ ຄໍາຈັນ ແສງລາວົງ ຫົວໜ້າກອງບັນຊາການ ປກສ ແຂວງ ໄດ້ກ່າວຄໍາຢື້ຢາມຖາມຂ່າວ ແລະ ອວຍພອນໄຊອັນປະເສີດຕໍ່ ອະດີດການນໍາ ແລະ ຄອບຄົວຂອງອະດີດການນໍາ ປກສ ແຂວງ ຈົ່ງມີສຸຂະພາບແຂງແຮງ, ມີຄວາມສຸກທາງກາຍ ແລະ ໃຈ, ມີຄວາມສຸກສ່ວນຕົວ ແລະ ຄອບ
ຄົວ. ພ້ອມນັ້ນ, ຍັງເປັນການສະແດງເຖິງຄວາມຮູ້ບຸນຄຸນອັນປະເສີດຕໍ່ອະດີດການນໍາ ແລະ ຄອບຄົວຂອງອະດີດການນໍາ ປກສ ທີ່ໄດ້ທຸ່ມເທເຫື່ອແຮງ ສະຕິປັນຍາ ຄວາມຮູ້-ຄວາມສາມາດ ໃນການນໍາພາ-ຊີ້ນຳກໍາລັງປ້ອງກັນຄວາມສະຫງົບ ປກສ ແຂວງ ໃຫ້ເຕີບໃຫຍ່ ເຂັ້ມແຂງ ເດັດດ່ຽວ ກ້າຫານ ແລະ ເຮັດສໍາເລັດໜ້າທີ່ຢ່າງໂດດເດັ່ນ ສະ
ຫງ່າຜ່າເຜີຍ ກາຍເປັນກໍາລັງປ້ອງກັນຄວາມສະຫງົບ ຂອງປະຊາຊົນຢ່າງແທ້ຈິງ.
ໃນໂອກາດນີ້, ອະດີດການນໍາ ແລະ ຄອບຄົວຂອງອະດີດການນໍາ ກໍໄດ້ຂໍຖືໂອກາດດັ່ງກ່າວອວຍພອນໃຫ້ ພົຈວ ຄໍາຈັນ ແສງລາວົງ ຫົວໜ້າກອງບັນຊາການ ປກສ ແຂວງ ພ້ອມຄະນະ ທີ່ໄດ້ມາຢ້ຽມຢາມ ແລະ ອວຍພອນໄຊອັນປະເສີດຄັ້ງນີ້ ແລະ ຂໍອວຍພອນໄຊໃຫ້ ທ່ານຫົວໜ້າກອງບັນຊາການ ປກສ ແຂວງ ພ້ອມດ້ວຍຄະນະ ຕະຫຼອດຮອດກໍາລັງປ້ອງກັນຄວາມສະຫງົບ ປກສ ແຂວງ ທຸກສະຫາຍ ຈົ່ງມີສຸຂະພາບແຮງແຮງ ມີພາລະໄມສົມບູນ ເຮັດສໍາເລັດໜ້າທີ່ການເມືອງຕາມລະດັບຄາດໝາຍທີ່ວາງໄວ້, ສືບຕໍ່ພ້ອມກັນກໍ່ສ້າງກໍາລັງໃຫ້ມີຄວາມເຕີບໃຫຍ່ ເຂັ້ມແຂງ, ຕອບຕ້ານກົນອຸບາຍຂອງກຸ່ມຄົນບໍ່ດີໃຫ້ທັນການ.
Share:
