ໜ້າຫຼັກ / ການເຄື່ອນໄຫວ / ເມືອງສໍາພັນແຂວງຜົ້ງສາລີ,ສໍາເລັດກອງ​ປະ​ຊູມໃຫຍ່ ຜູ້ແທນອົງ​​ຄະ​ນະ​ພັກ​ເມືອງ​ຄັ້ງທີ 15.

ເມືອງສໍາພັນແຂວງຜົ້ງສາລີ,ສໍາເລັດກອງ​ປະ​ຊູມໃຫຍ່ ຜູ້ແທນອົງ​​ຄະ​ນະ​ພັກ​ເມືອງ​ຄັ້ງທີ 15.

25 Mar 2025 | ຄຳຮຸ່ງ (ນັກຂ່າວຫ້ອງການ ຖວທ ເມືອງສຳພັນ) |

ກອງປະຊູມໃຫຍ່ຜູ້ແທນອົງຄະນະພັກເມືອງສຳພັນຄັ້ງທີ 15 ໄດ້ສໍາເລັດລົງຢ່າງເປັນທາງການໃນຕອນບ່າຍຂອງວັນທີ 25 ມີນາ 2025 ນີ້ ພາຍຫຼັງດໍາເນີນມາເປັນເວລາ 2 ວັນ,ເຊີງເລີມແຕ່ວັນທີ 24-25 ມີນາ 2025, ຢູ່​ທີ​ສະ​ໂມ​ສອນ​ເມືອງ​ສຳ​ພັນ​ແຂວງ​ຜົ້ງ​ສາ​ລີ,ໂດຍ​ພາຍ​ໄຕ​ການ​ເປັນ​ປະ​ທານ​ຂອງ​ສະຫາຍ ທອງຕື ເກຍສະບົງ ກຳມະການພັກແຂວງ ເລຂາຄະນະບໍລິຫານງານພັກເມືອງ-ເຈົ້າເມືອງໆ ສຳພັນ, ເປັນ​ກຽດ​ເຂົ້າ​ຮ່ວມ​ຂອງ​ ສະຫາຍ ຄຳຜອຍ ວັນນະສານ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຜົ້ງສາລີ,ມີ​ບັນ​ດາ​ສະ​ຫາຍກໍາມະການປະຈຳພັກແຂວງ,ກໍາມະການພັກແຂວງ,ຮອງເລຂາພັກເມືອງ,ກຳມະການປະຈໍາພັກເມືອງ,ຄະນະພັກເມືອງ,ອາດີດການນຳເມືອງ,ພະນັກງານປະຕິວັດອາວຸໂສ,ຜູ້ຊົງຄຸນວຸດທິ,ພ້ອມດ້ວຍແຂກຖືກເຊີນຈາກຂັ້ນແຂວງ,ເມືອງໃກ້ຄຽງ ແລະ ບັນດາສະຫາຍຜູ້ແທນສົມບຸນ 125 ສະຫາຍ,ຍີງ 14 ສະຫາຍ,ທີເປັນຕົວແທນໃຫ້ແກ່ສະມາຊິກພັກທີມາຈາກຄະນະພັກຮາກຖານ ແລະ ໜ່ວຍພັກໃນທົ່ວເມືອງຈຳນວນ 1,287 ສະຫາຍ,ຍີງ 337 ສະຫາຍ,ເຂົ້າຮ່ວມຢ່າງພ້ອມພຽງ.
ໃນກອງ​ປະ​ຊູມຍັງໄດ້ສະຫຼຸບຕີລາຄ່າຄືນການຈັດຕັ້ງປະຕິບັດມະຕິກອງປະຊູມໃຫຍ່ຄັ້ງທີ 14 ຂອງອົງຄະນະພັກເມືອງສໍາພັນ ຕະຫຼອດໄລຍະ 5 ປີຜ່ານມາມີຜົນສໍາເລັດຫຼາຍດ້ານເປັນຕົ້ນແມ່ນຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XIV ຂອງອົງຄະນະພັກເມືອງ ໃຫ້ປະກົດຜົນເປັນຈິງ,ຄະນະບໍລິຫານງານພັກເມືອງໄດ້ແບ່ງຄວາມຮັບຜິດ ຊອບພາຍໃນ,ກໍານົດແຜນດໍາເນີນງານ ແລະ ລະບອບແບບແຜນວິທີເຮັດວຽກ ຢ່າງລະອຽດຈະແຈ້ງ ທັງໄດ້ຫັນເປັນແຜນ ການ,ເຊີ່ງມີ 17 ວຽກໃຫຍ່,ມີ 6 ເປົ້າໝາຍ,12 ວຽກຈຸດສຸມ,5 ທາງອອກ,9 ແຜນງານ ແລະ 193 ໂຄງການ. ຈາກນັ້ນໄດ້ນໍາພາ-ຊີ້ນໍາຈັດຕັ້ງປະຕິບັດຢູ່ໃນແຕ່ລະຂົງເຂດວຽກງານ ນັບທັງບັນດາຫ້ອງການ,ອົງການທຽບເທົ່າອ້ອມຂ້າງ ລົງຮອດຮາກຖານກຸ່ມບ້ານ,ບ້ານ ໂດຍມອບໝາຍໃຫ້ບັນດາສະຫາຍຄະນະປະຈໍາພັກເມືອງ ຊີ້ນໍາວຽກງານຮອບດ້ານຢູ່ບັນ ດາກຸ່ມບ້ານ, ບ້ານ ໃນທົ່ວເມືອງ ເພື່ຶອສຸມໃສ່ແກ້ໄຂຄວາມທຸກຍາກຂອງປະຊາຊົນ, ຕິດພັນກັບການຈັດຕັ້ງປະຕິບັດວຽກງານ 3 ສ້າງ ໂດຍສຸມໃສ່ 12 ບ້ານຈຸດສຸມ ເພື່ອສ້າງເປັນບ້ານພົ້ນທຸກ; ສຸມໃສ່ 2 ບ້ານ ເພື່ອສ້າງເປັນບ້ານພັດທະນາ ແລະ 1 ບ້ານ ສ້າງເປັນຕົວເມືອງໃນຊົນນະບົດ.ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ; ດ້ວຍການສຸມໃສ່ກໍ່ສ້າງພື້ນຖານໂຄງລ່າງຮັບໃຊ້ແກ່ການພັດທະນາ,ການດໍາລົງຊີວິດ ແລະ ການແກ້ໄຂຄວາມທຸກຍາກຂອງປະຊາຊົນ;ໃນ 5 ປີຜ່ານມາເສດຖະກິດຂອງເມືອງໄດ້ມີການຂະຫຍາຍ ຕົວສະເລ່ຍ 7,45 %ຕໍ່ປີ ໃນນັ້ນ;ກະສິກໍາປ່າໄມ້ ເພີ່ມຂຶ້ນ 7,83%,ອຸດສາຫະກໍາ-ຫັດຖະກໍາ ເພີ່ມຂຶ້ນ 6,60%, ການບໍລິ ການ ເພີ່ມຂຶ້ນ 4,84%, ລວມຍອດຜະລິດຕະພັນພາຍໃນບັນລຸ 1,157.40 ຕື້ກີບ; ສະເລ່ຍ 231.48 ຕຶ້ກີບຕໍ່ປີ, ສະເລ່ຍໃສ່ຫົວຄົນ 10.72 ລ້ານກີບ ຫຼື ເທົ່າກັບ 510.47 ໂດລາ ທຽບໃສ່ປີ 2019 ເພີ່ມຂຶ້ນ 197.14 ໂດລາສະຫະລັດ. ໂຄງປະກອບເສດຖະກິດໄດ້ປ່ຽນໄປຕາມທ່າແຮງ ແລະ ຈຸດພິເສດຂອງເມືອງຂະແໜງການເສດຖະກິດໄດ້ຮັບການພັດທະນາ ແລະ ມີຜົນສໍາເລັດ.
ພ້ອມນັ້ນ;ກອງປະຊູມກໍ່ໄດ້ເປັນເອກະສັນກັນຮັບຮອງເອົາ ແຜນພັດທະນາເສດຖະກິດ-ສັງຄົມ ໃນ 5 ປີຕໍ່ຫນ້າສູ້ຊົນ ເຮັດໃຫ້ເສດຖະກິດຂະຫຍາຍຕົວສະເລ່ຍໃນລະດັບ 5.17 % ຂຶ້ນໄປຕໍ່ປີ, ຮອດປີ 2029 ລວມຍອດຜະລິດຕະພັນພາຍໃນເມືອງ ສະເ​ລ່ຍ​ໃສ່​ຫົວ​ຄົນໄດ້​ 14.12 ລ້ານກີບ ຫຼື ເທົ່າກັບ 672.48 ໂດ​ລາ​ສະຫະລັດ;
ກອງປະຊູມໃຫຍ່ຄັ້ງນີ້ຍັງໄດ້ປ່ອນບັດຄັດເລືອກເອົາຄະນະບໍລິຫານງານພັກເມືອງຊຸດທີ 15 ເຊີງມີຜູ້ສະໝັກເລືອກຕັ້ງ 32 ສະຫາຍ,ຍີງ 5 ສະຫາຍ,ເລືອກເອົາ 27 ສະຫາຍ,ໂດຍເລືອກເອົາຄະນະປະຈໍາພັກເມືອງຈໍານວນ 9 ສະຫາຍ,ຍີງ 2 ສະຫາຍ,ໃນນັ້ນໄດ້ເລືອກເອົາສະຫາຍ ທອງຕື ເກຍສະບົງ ເປັນເລຂາຄະນະບໍລິຫານງານພັກເມືອງສໍາພັນຊຸດທີ 15.ເລືອກເອົາສະຫາຍ ນຸດ ໄຊຍະວົງ ແລະ ສະຫາຍ ບຸນຮຽງ ແສນສຸລິນ ເປັນຮອງເລຂາຄະນະບໍລິຫານງານພັກເມືອງ ແລະ ເລືອກສະຫາຍ ສະຫາຍ ບຸນຮຽງ ແສນສຸລິນ ເປັນປະທານກວດກາ,ສະຫາຍ ບຸນເລີດ ໄຊຍະເທດ ແລະ ສະຫາຍ ນາງ ຄໍາເຫຼັກ ຄົງໄພວັນ ເປັນປະທານຮອງກວດກາ,ກອງປະຊູມຍັງໄດ້ປ່ອນບັດເລືອກເອົາຜູ້ແທນສົມບຸນ ແລະ ສຳຮອງເຂົ້າຮ່ວມກອງປະຊູມໃຫຍ່ຄັ້ງທີ 12 ຂອງອົງຄະນະພັກແຂວງຈໍານວນ 27 ສະຫາຍ,ຍິງ 4 ສະຫາຍ,ຜູ້ແທນສຳຮອງ 4 ສະຫາຍ,ຍີງ 1 ສະຫາຍຕືມອີກ.

Share:

ຂ່າວຫຼ້າສຸດ

ການເມືອງ

ແຂວງຜົ້ງສາລີ ເຜີຍແຜ່ເອກະສານ ສຶກສາການເມືອງແນວຄິດ ສຳລັບ ສະມາຊິກພັກ ພະນັກງານ ເພືອດຳເນີນຊີວິດການເມືອງທົ່ວພັກ.

  • 01 May 2025
  • ຂ່າວ: ຍີນໄຊ ສີບຸນເຮືອງ

...

ອ່ານເພີ່ມ

ເມືອງຜົ້ງສາເຜີຍແຜ່ເຊື່ອມຊຶມເອກະສານສຶກສາອົບຮົມການເມືອງ-ແນວຄິດໃຫ້ສະມາຊິກພັກ-ພະນັກງານເພື່ອດໍາເນີນຊີວິດການເມືອງທົ່ວພັ

  • 03 Apr 2025
  • ນັກຂ່າວຫ້ອງການ ຖວທ ເມືອງຜົ້ງສາລີ

...

ອ່ານເພີ່ມ

ການເມືອງ

ຮອງເຈົ້າແຂວງຜົ້ງສາລີ ເນັ້ນໜັກ 5 ປະເດັ່ນຕໍ່ຜູ້ເຂົ້າຮ່ວມກອງປະຊຸມຮັບຮອງຜົນການປະເມີນເຂດຫ່າງໄກສອກຫຼີກ ແລະ ທຸລະກັນດານ ໃນທົ່ວແຂວງ ປະຈໍາປີ 2025

  • 02 Apr 2025
  • ຂ່າວ, ພາບ: ສົມຄິດ

ໃນໂອກາດທີທ່ານ ຄໍາເຫຼັກ ໃຈອີສານ...

ອ່ານເພີ່ມ

ນວັນທີ 2 ເມສາ 2025 ນີ້ ກອງບັນຊາການ ປກສ ເມືອງບຸນເໜືອປາຖະກະຖາວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 64 ປີ

  • 02 Apr 2025
  • ພາບ_ຂ່າວ ຮທ ວອນຄຳ ເຫຼັກສາ

ໃນວັນທີ 2 ເມສາ 2025 ນີ້ ກອງບັນຊາການ ປກສ...

ອ່ານເພີ່ມ