ໜ້າຫຼັກ / ການເຄື່ອນໄຫວ / ອົງການພາຄີແຂວງຜົ້ງສາລີ ເຂົ້າອວຍພອນວັນສ້າງຕັ້ງຄະນະຊາວໜຸ່ມ ປະຊາຊົນປະຕິວັດລາວ ຄົບຮອບ 70
ຕອນບ່າຍຂອງວັນທີ 26 ມິນາ 2025 ນີ້ ຄະນະບໍລິຫານງານຊາວໜຸ່ມແຂວງໄດ້ຕ້ອນຮັບການເຂົ້າອວຍພອນຂອງອົງການຮ່ວມພາຄີ ເນື່ອງໃນໂອກາດວັນສ້າງຕັ້ງຄະນະຊາວໜຸ່ມ ປະຊາຊົນປະຕິວັດລາວ ຄົບຮອບ 70ປີ ( 14 ເມສາ 1955-14 ເມສາ 2025) ນຳພາໂດຍທ່ານ ຄຳດາ ໂສລະພົມ ປະທານສະຫະພັນນັກຮົບເກົ່າແຂວງ ມີຮອງປະທານ ສະຫະພັນແມ່ຍິງແຂວງ, ສະຫະພັນກຳມະບານແຂວງ, ແນວລາວສ້າງຊາດແຂວງ, ຢຸ່ທີຫ້ອງປະຊຸມຂອງຄະນະບໍລິຫານງານຊາວໜຸ່ມແຂວງ ໃຫ້ກຽດຕ້ອນຮັບຢ່າງອົບອຸນຂອງທ່ານ ຫຸມພັນ ຈັນທະລາ ເລຂາຄະນະບໍລິຫານງານຊາວໜຸ່ມແຂວງ ພິທີດັ່ງກ່າວຕ່າງໜ້າແຕ່ລະອົງການໄດ້ອວຍພອນພ້ອມທັງມອບກະຕາຂອງຂວັນ ທີລະນຶກໃຫ້ຄະນະບໍລິຫານງານຊາວໜຸ່ມແຂວງ ເພຶ່ອສະແດງຄວາມຮູ້ບຸນຄຸນ ທັງເປັນການຍ້ອງຍໍສັນລະເສີນ ຜົນງານທີຍາດມາໄດ້ ແລະ ສືບຕໍ່ ຄວາມຜຸກແໜ້ນຄວາມສາມັກຄີເປັນປຶກແຜນລະຫວ່າງອົງການຮ່ວມພາຄີຂັ້ນແຂວງດ້ວຍ.