ພິທີດັ່ງກ່າວໄດ້ຈັດຂຶ້ນໃນວັນທີ 26 ມີນາ 2025 ຢູ່ທີ່ຫ້ອງການ ບ້ານສະປາ ເມືອງບຸນໃຕ້ ແຂວງຜົ້ງສາລີ ໂດຍໃຫ້ກຽດເຂົ້າຮ່ວມເປັນປະທານ ຂອງທ່ານ ທອງສິງ ອິນທະແສງ ເລຂາຄະນະບໍລິຫານງານພັກເມືອງ, ເຈົ້າເມືອງບຸນໃຕ້, ປະທານປ້ອງກັນຊາດ-ປ້ອງກັນຄວາມສະຫງົບຂັ້ນເມືອງ, ມີທ່ານ ພັຕ ທອງດີ ພົມປັນຍາ ກຳມະການພັກເມືອງ, ຫົວໜ້າການເມືອງ ກອງບັນຊາການທະຫານເມືອງ, ມີທ່ານ ທອງເພັດ ໄຊຍະວົງ ເລຂາຄະນະພັກຮາກຖານກຸ່ມບ້ານນາແຕນ, ມີທ່ານ ຄຳເຈັນ ລາວຢາງ ເລຂາພັກບ້ານ-ນາຍບ້ານສະປາ ແລະ ທ່ານ ຄຳໄຊ ອາພູຢາງ ຄະນະພັກ, ຮອງນາຍບ້ານຈາຄຳຊາວ, ມີບັນດາທ່ານຄະນະຊີ້ນຳ - ທິມງານເມືອງ, ຕະຫຼອດຮອດອົງການຈັດຕັ້ງຂັ້ນບ້ານ, ແຂກເຊີນ ແລະ ພໍ່ແມ່ປະຊາຊົນທັງສອງບ້ານເຂົ້າຮ່ວມຢ່າງຫຼວງຫຼາຍ.

ໃນພິທີຄະນະຈັດຕັ້ງພິທີໄດ້ຜ່ານຂໍ້ຕົກລົງ ຂອງທ່ານເຈົ້າເມືອງ ສະບັບເລກທີ 59/ມບຕ, ລົງວັນທີ 17 ມີນາ 2025 ວ່າດ້ວຍການແຕ່ງຕັ້ງຄະນະຊີ້ນຳ ແລະ ທິມງານ ລົງມອບໃບຢັ້ງຢືນ ຄອບຄົວ ແລະ ບ້ານແບບຢ່າງປ້ອງກັນຊາດເຂັ້ມແຂງ ປະຈຳປີ 2024 ໃຫ້ແກ່ບ້ານ ສະປາ ແລະ ບ້ານ ຈາຄຳຊາວ. ຈາກນັ້ນ, ທ່ານ ຄຳເຈັນ ລາວຢາງ ເລຂາພັກບ້ານ, ນາຍບ້ານສະປາ ຕາງໜ້າໃຫ້ທັງສອງບ້ານຂຶ້ນຜ່ານບົດສະຫຼຸບການຈັດຕັ້ງປະຕິບັດການສ້າງຄອບຄົວ ແລະ ບ້ານແບບຢ່າງປ້ອງກັນຊາດເຂັ້ມແຂງ ຕາມຂໍ້ຕົກລົງຂອງກະຊວງປ້ອງກັນປະເທດ ສະບັບເລກທີ 705/ກປທ, ລົງວັນທີ 16 ກຸມພາ 2017. ເຊິ່ງປະກອບມີ 6 ມາດຖານຂອງການສ້າງຄອບຄົວປ້ອງກັນຊາດເຂັ້ມແຂງ ແລະ 6 ມາດຖານບ້ານປ້ອງກັນຊາດເຂັ້ມແຂງ. ເຊິ່ງໃນບົດສະຫຼຸບແມ່ນໄດ້ຍົກໃຫ້ເຫັນສະພາບລວມຂອງບ້ານ, ວຽກງານພົ້ນເດັ່ນທີ່ບ້ານໄດ້ສຳເລັດ ແລະ ຍົກໃຫ້ເຫັນຈຸດອ່ອນຂໍ້ຫຍຸ້ງຍາກໃນສະພາບສັງຄົມທີ່ມີການຜັນແປຢ່າງຊັບຊ້ອນ. ຜ່ານຈາກການປະເມີນຂອງຄະນະຊີ້ນຳ ແລະ ທິມງານ ສ້າງຄອບຄົວ ແລະ ບ້ານປ້ອງກັນຊາດ ເຫັນວ່າ ບ້ານສະປາ ແລະ ບ້ານຈາຄຳຊາວ ແມ່ນເປັນບ້ານທີ່ຖືກຕ້ອງ, ສອດຄ່ອງ ກັບບັນດາມາດຖານເງື່ອນໄຂຢ່າງຄົບຖ້ວນ ແລະ ສາມາດຮັບຮອງເອົາເປັນບ້ານແບບຢ່າງປ້ອງກັນຊາດເຂັ້ມແຂງໄດ້. ຈາກນັ້ນ ທ່ານ ໄຊນະພອນ ແກ້ວອ່ອນແສງ ຄະນະພັກຮາກຖານ, ຮອງຫົວຫນ້າການເມືອງ ກອງບັນຊາການທະຫານເມືອງ ໄດ້ຂຶ້ນຜ່ານຂໍ້ຕົກຂອງທ່ານເຈົ້າເມືອງ ສະບັບເລກທີ 244/ມບຕ, ລົງວັນທີ 16 ພຶດສະພາ 2024 ວ່າດ້ວຍການອະນຸມັດ ມອບໃບຢັ້ງຢືນຄອບຄົວແບບຢ່າງ ປ້ອງກັນຊາດເຂັ້ມແຂງ ປະຈຳປີ 2024 ແລະ ຂໍ້ຕົກລົງຂອງກອງບັນຊາການທະຫານແຂວງ ສະບັບເລກທີ 285/ກບຊກ, ລົງວັນທີ 27 ພຶດສະພາ 2024 ວ່າດ້ວຍການອະນຸມັດ ອອກໃບຢັ້ງຢືນຮັບຮອງເອົາບ້ານ ສະປາ ແລະ ບ້ານຈາຄຳຊາວ ເປັນບ້ານແບບຢ່າງປ້ອງກັນຊາດເຂັ້ມແຂງ ປະຈຳປີ 2024. ຈາກນັ້ນ, ໄດ້ຈັດພິທີມອບຮັບໃບຢັ້ງຢືນ ຄອບຄົວ ແລະ ບ້ານແບບຢ່າງປ້ອງກັນຊາດເຂັ້ມແຂງ ປະຈຳປີ 2024. ເປັນກຽດຂຶ້ນມອບໃບຢັ້ງຢືນຄອບຄົວແບບຢ່າງປ້ອງກັນຊາດເຂັ້ມແຂງໂດຍທ່ານ ພັນຕີ ທອງດີ ພົມປັນຍາ ກຳມະການພັກເມືອງ, ເລຂາຄະນະພັກຮາກຖານ, ຫົວໜ້າການເມືອງ ກອງບັນຊາການທະຫານເມືອງບຸນໃຕ້, ຕາງໜ້າແຕ່ລະຄອບຄົວກ່າວຮັບໂດຍແມ່ນຮອງນາຍບ້ານທັງ 2 ບ້ານແລະ ກ່າວມອບໃບຢັ້ງຢືນຮັບຮອງເອົາບ້ານ ສະປາ ແລະ ບ້ານຈາຄຳຊາວ ເປັນບ້ານແບບຢ່າງປ້ອງກັນຊາດ ເຂັ້ມແຂງ ໂດຍທ່ານ ທອງສິງ ອິນທະແສງ ເລຂາຄະນະບໍລິຫານງານພັກເມືອງ, ເຈົ້າເມືອງບຸນໃຕ້, ປະທານປ້ອງກັນຊາດ-ປ້ອງກັນຄວາມສະຫງົບຂັ້ນເມືອງ, ກ່າວຮັບໂດຍ ທ່ານ ຄຳເຈັນ ລາວຢາງ ເລຂາພັກບ້ານ, ນາຍບ້ານສະປາ ແລະ ທ່ານ ຄຳໄຊ ອາພູຢາງ ຄະນະພັກບ້ານ-ຮອງນາຍ ບ້ານຈາຄຳຊາວ. ພ້ອມດຽວກັນນັ້ນອົງການຈັດຕັ້ງຂັ້ນບ້ານສອງບ້ານຍັງໄດ້ຜ່ານຂໍ້ແຂງຂັນ, ພ້ອມທັງຈັບມືແຂງຂັນກັນສ້າງຜົນງານ ຕາມ 6 ມາດຖານຂອງຄອບຄົວ ແລະ 6 ມາດຖານ ຂອງບ້ານ ປ້ອງກັນຊາດເຂັ້ມແຂງຕື່ມອີກດ້ວຍ.

ໃນຕອນທ້າຍຂອງພິທີຍັງໄດ້ຮັບຟັງການໂອ້ລົມຂອງທ່ານ ທອງສິງ ອິນທະແສງ ເລຂາຄະນະບໍລິຫານງານພັກເມືອງ ເຈົ້າເມືອງບຸນໃຕ້, ປະທານປ້ອງກັນຊາດ-ປ້ອງກັນຄວາມສະຫງົບຂັ້ນເມືອງ. ເຊິ່ງກ່ອນອື່ນ ທ່ານໄດ້ກ່າວສະແດງຄວາມຍ້ອງຍໍຊົມເຊີຍຕໍ່ອົງການປົກຄອງບ້ານກໍ່ຄືຄະນະກຳມະການກໍ່ສ້າງຄອບຄົວ-ບ້ານປ້ອງກັນຊາດເຂັ້ມແຂງຂັ້ນເມືອງທີ່ໄດ້ຊີ້ນຳ-ນຳພາ ແລະ ຈັດຕັ້ງປະຕິບັດຕາມມາດຖານເງື່ອນໄຂຂອງການສ້າງຄອບຄົວ ແລະ ບ້ານດັ່ງກ່າວຈົນສາມາດຍາດໄດ້ຄອບຄົວ ແລະ ບ້ານປ້ອງກັນຊາດເຂັ້ມແຂງປະຈຳປີ. ພ້ອມນັ້ນທ່ານ ຍັງໄດ້ເນັ້ນໜັກບາງບັນຫາທີ່ຈະຕ້ອງໄດ້ສຶບຕໍ່ຈັດຕັ້ງປະຕິບັດໃນຕໍ່ໜ້າ:1. ຮຽກຮ້ອງມາຍັງໜ່ວຍພັກ, ອໍານາດການປົກຄອງບ້ານ ມີແຜນການນໍາພາວຽກງານປ້ອງກັນຊາດ - ປ້ອງ ກັນຄວາມ ສະຫງົບ, ສາມາດຊີ້ນ ໍາ - ບັນຊາ ກ ໍາລັງ ປກຊ - ປກສ ເຄື່ອນໄຫວເຮັດໜ້າທີ່ ຂອງຕົນ ຢ່າງມີປະສິດທິຜົນ, ປະຊາຊົນຕື່ນຕົວເຂົ້າຮ່ວມວຽກງານລວມຂອງບ້ານ, ປະຕິບັດ ພັນທະປ້ອງກັນຊາດ ໃຫ້ໄດ້ 100%, 2.ກອງຫຼອນໄດ້ຮັບການສຶກສາອົບຮົມ, ມີຄວາມໜັກແໜ້ນທາງດ້ານການເມືອງ ແນວຄິດ, ມີຄວາມເຂັ້ມແຂງທາງດ້ານການຈັດຕັ້ງ, ໃນນີ້ ຕ້ອງມີສະມາຊິກພັກ ກວມ 1/3 ຂອງ ຈ ໍານວນກອງຫຼອນທັງໝົດ ໃຫ້ໄດ້ 100%, 3. ບ້ານ ຕ້ອງມີແຜນການສູ້ຮົບປ້ອງກັນບ້ານ, ຕ້ານໄພພິບັດ, ນໍາພາປະຊາຊົນຫຼົບຫຼີກໄປສູ່ເຂດປອດໄພ ຮັບປະກັນໃຫ້ໄດ້ 100%, 4. ບ້ານ ຕ້ອງມີຄັງແຮປ້ອງກັນຊາດ ເພື່ອຮອງຮັບເມື່ອມີສະພາບເກີດຂຶ້ນ, ສາມາດ ກຸ້ມກິນແຕ່ 03 -05 ວັນ ຂື້ນໄປ, 5. ບ້ານ ຕ້ອງມີຄອບຄົວປ້ອງກັນຊາດເຂັ້ມແຂງ ກວມເອົາ 80% ຂຶ້ນໄປ, 6. ບ້ານ ຕ້ອງມີພະນັກງານຫຼັກແຫຼ່ງແກ່ນສານ, ອໍານາດການປົກຄອງບ້ານ ຕ້ອງເປັນເຈົ້າການກໍາແໜ້ນສະພາບການເຄື່ອນໄຫວຂອງສັດຕູ ແລະ ກຸ່ມຄົນບໍ່ດີຢູ່ຂອບເຂດຄວາມ ຮັບຜິດຊອບ ຂອງບ້ານ, ພ້ອມທັງແກ້ໄຂໃຫ້ທັນເວລາ ເພື່ອແນໃສ່ຜັນຂະຫຍາຍແນວທາງປ້ອງກັນຊາດ - ປ້ອງກັນຄວາມສະຫງົບ ທົ່ວປວງຊົນຮອບດ້ານຂອງພັກ, ປູກລະດົມກຳລັງແຮງສັງລວມທົ່ວປວງຊົນ ເຂົ້າໃນວຽກງານປ້ອງກັນຊາດ, ສະກັດກັ້ນກົນອຸບາຍຫັນປ່ຽນໂດຍສັນຕິ, ຕອບຕ້ານທຸກກໍລະນີທີ່ສັດຕູ, ກຸ່ມຄົນບໍ່ດີ ອາດຈະກໍ່ຂຶ້ນ, ປົກປັກຮັກສາເຂດນຳແດນດິນ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງບ້ານ, ປະກອບສ່ວນເຂົ້າໃນ ການປົກປັກຮັກສາ ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຊາດໄວ້ໃຫ້ໝັ້ນຄົງ. ຈາກນັ້ນ, ຄະນະປະທານພິທີ, ພ້ອມດ້ວຍແຂກເຂົ້າຮ່ວມ ແລະ ພໍ່ແມ່ປະຊາຊົນທັງສອງບ້ານໄດ້ພ້ອມກັນຕັດແທບຜ້າ, ເປີດປ້າຍ ແລະ ລັ່ນຄ້ອງ 9 ບາດຮັບຮອງເອົາບ້ານສະປາ ແລະ ບ້ານຈາຄຳຊາວ ເປັນບ້ານແບບຢ່າງປ້ອງກັນຊາດເຂັ້ມແຂງ ຢ່າງເປັນທາງການ.