ສະຫາຍ ພັນໂທ ບ່າວດີ ຈູມມະລີ ມອບຄອມພິວເຕີໃຫ້ຫ້ອງເຕັກນິກທະຫານແຂວງຜົ້ງສາລີ.
27 Mar 2025 | ທອງສຸກ ຈັນຖະໜອມ |
ເພື່ອເປັນການປະກອບສ່ວນເຮັດໃຫ້ການປະຕິບັດໜ້າທີ່ວິຊາສະເພາະມີຄວາມດວກ, ວ່ອງໄວທັນສະໄໝ ແລະ
ທັນກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນສະເພາະໜ້າ ແລະ ຍາວນານ. ໃນຕອນເຊົ້າຂອງວັນທີ 27 ມີນາ 2025 ນີ້, ສະຫາຍ ພັນໂທ ບ່າວດີ ຈູມມະລີ ຫົວໜ້າພະແນກແຜນການ ຫ້ອງພະລາທິການ ກອງບັນ
ຊາການທະຫານແຂວງຜົ້ງສາລີ ໃນນາມສ່ວນຕົວ ໄດ້ນໍາເອົາຄອມພິວເຕີຕັ້ງໂຕະຈໍານວນ 1 ຊຸດ, ປິ່ນເຕີ 1 ໜ່ວຍ, ມູນຄ່າ 10 ລ້ານກວ່າກີບ ມອບໃຫ້ຫ້ອງເຕັກນິກທະ
ຫານແຂວງຜົ້ງສາລີ, ໂດຍການກ່າວຮັບຂອງ ສະຫາຍ ພັນໂທ ວັນດີ ພົມປັນຍາ ຮອງຫົວໜ້າກອງບັນຊາການທະຫານແຂວງ ຫົວໜ້າຫ້ອງເຕັກນິກ ພ້ອມຄະນະ.ໃນໂອ
ກາດດັ່ງກ່າວ ສະຫາຍ ຫົວໜ້າຫ້ອງເຕັກນິກ ໄດ້ກ່າວສະແດງຄວາມຂອບໃຈຢ່າງຫຼົ້ນເຫຼືອມາຍັງ ສະຫາຍ ພັນໂທ ບ່າວດີ ຈູມມະລີ ຫົວໜ້າພະແນກແຜນການ ຫ້ອງພະລາທິການ ກອງບັນຊາການທະຫານແຂວງ ທີ່ເຫັນໄດ້ຄວາມໝາຍຄວາມສໍາຄັນຕໍ່ວຽກງານວິຊາສະເພາະໃຫ້ມີຄວາມວ່ອງໄວ, ເປັນຕົ້ນແມ່ນວຽກງານເຕັກນິກໃຫ້ມີຄວາມທັນສະໄໝຂຶ້ນໄປເລື້ອຍໆ, ພ້ອມນີ້ໄດ້ອວຍພອນໄຊໃຫ້ສະຫາຍ ພ້ອມດ້ວຍຄອບຄົວຈົ່ງມີສຸຂະພາບເຂັ້ມແຂງ, ມີຜົນສໍາເລັດໃນໜ້າທີ່ການງານ, ມີຄວາມຜາສຸກໃນຄອບຄົວ, ສືບຕໍ່ຮັດແໜ້ນຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນ; ພ້ອມທັງໄດ້ໃຫຫ້ຄໍາໝັ້ນສັນຍາວ່າຈະນໍາເອົາເຄື່ອງດັ່ງກ່າວໄປນໍາໃຊ້ໃຫ້ໄດ້ຍາວນານ ແລະ ເກີດປະໂຫຍດສູງສຸດໃນໜ້າທີ່ວຽກງານ.
Share:
