ລັດຖະມົນຕີກະຊວງການເງີນລົງຊຸກຍູ້ການປັກໝຸດທີ່ດີນ ແລະ ເກັບອາກອນທີ່ດີນຢູ່ເມືອງບູນເໜືອ
27 Mar 2025 | ຂ່າວ: ສົມຄິດ ແຂວງຜົ້ງສາລີ |
ໃນຕອນບ່າຍ ຂອງວັນທີ 27 ມີນາ 2025 ນີ້ ທ່ານ ສັນຕິພາບ ພົມວິຫານ ກຳມະການສູນກາງພັກ, ລັດຖະມົນຕີກະຊວງການເງີນ ພ້ອມດ້ວຍ ທ່ານ ປອ ວັນໄຊ ສຸກສັນ ກຳມະການພັກແຂວງ, ຫົວໜ້າພະແນກການເງີນແຂວງຜົ້ງສາລີ, ມີຄະນະກົມຈາກກະຊວງ ແລະ ຂະແໜງການຂອງພະແນກການເງີນແຂວງຜົ້ງສາລີ ໄດ້ລົງເຄື່ອນໄຫວຊຸກຍູ້ການຈັດຕັ້ງປະຕິບັດວຽກງານປັກໝຸດທີ່ດີນ ແລະ ເກັບອາກອນທີ່ດີນຢູ່ເມືອງບູນເໜືອ, ແຂວງຜົ້ງສາລີ
ໂອກາດນີ້ ທ່ານ ໄຊຍະພົງ ໄຊຍະເສນສຸກ ຫົວໜ້າສ່ວຍສາອາກອນປະຈໍາແຂວງຜົ້ງສາລີ ພະແນກການເງີນແຂວງ ໄດ້ລາຍງານຫຍໍ້ການຈັດຕັ້ງປະຕິບັດວຽກງານປັກໝຸດທີ່່ດີນ ແລະ ເກັບອາກອນທີ່ດີນ ເຊີງການເກັບອາກອນທີ່ດີນຢູ່ແຂວງຜົ້ງສາລີປີ 2025 ມາຮອດເດືອນ ກຸມພາ ສາມາດຈັດຕັ້ງປະຕິບັດເກັບອາກອນທີ່ດີນໄດ້ແລ້ວ 298,887,636 ກີບ ເທົ່າກັບ 6 % ຂອງແຜນການ. ສຳລັບການຈັດຕັ້ງປະຕິບັດປັກໝຸດຕອນດີນປີ 2025 ໃນທົ່ວແຂວງມີ 97,045 ຕອນ, ມີໃບຕາດີນຖາວອນແລ້ວ 30,094 ຕອນ, ສາມາດຈັດຕັ້ງປະຕິບັດປັກໝຸດຕອນດີນແລ້ວ 1,985 ຕອນ.
ພ້ອມນີ້ທ່ານ ສັນຕິພາບ ພົມວິຫານ ກຳມະການສູນກາງພັກ, ລັດຖະມົນຕີກະຊວງການເງີນ ພ້ອມດ້ວຍຄະນະ ຍັງໄດ້ຢ້ຽມຢາມຫ້ອງການ ການເງີນເມືອງບູນເໜືອຕື່ມອີກ.
Share:
