ຕອນເຊົ້າວັນທີ 27 ມີນາ 2025 ທີ່ຜ່ານມານີ້ ໄດ້ເປີດກອງປະຊຸມເສວະນາກ່ຽວກັບການດຳເນີນທຸລະກິດ ຂອງ ລັດວິສາຫະກິດໄຟຟ້າລາວ ທີ່ຕິດພັນກັບການປັບປຸງໂຄງສ້າງລາຄາໄຟຟ້າ ປີ 2025-2029. ນະທີ່ ສະໂມສອນໃຫຍ່ເມືອງບຸນໃຕ້ ແຂວງຜົ້ງສາລີ ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ອຸ່ນແປງ ທໍາມະວົງໄຊ ກໍາມະການພັກເມືອງ ຫົວໜ້າຄະນະໂຄສະນາອົບຮົມເມືອງ, ມີ ທ່ານ ຄໍາຮັກ ລຸນທະວົງ ຮອງຫົວໜ້າລັດວິສະຫະກິດໄຟຟ້າລາວ ສາຂາ ແຂວງຜົ້ງສາລີ, ມີທ່ານ ຄໍາຈັນ ຫລ້າ ຮອງຫົວຫນ້າພະແນກພະລັງງານ ແລະ ບໍ່ແຮ່ແຂວງ ເຂົ້າຮ່ວມມີບັນດາທ່ານຄະນະປະຈຳພັກເມືອງ, ກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ຫົວໜ້າ, ຮອງກອງບັນຊາ
ການ ປກຊ-ປກສ, ປະທານ-ຮອງປະທານອົງການຈັດຕັ້ງມະຫາຊົນ, ສະຫະພັນນັກຮົບເກົ່າ, ເລຂາຄະນະພັກຮາກຖານກຸ່ມບ້ານ, ອຳນວຍການໂຮງຮຽນ-ໂຮງໝໍ, ບັນດາລັດວິສາຫະກິດ, ບັນດາທະນາຄານໜ່ວຍບໍລິການປະຈໍາເມືອງບຸນໃຕ້ ແລະ ເລຂາພັກບ້ານ ນາຍບ້ານ 11 ບ້ານ ເທດສະບານເຂົ້າຮ່ວມທັງໝົດ 108 ທ່ານ ຍິງ 38 ທ່ານ.
ທ່ານ ສຸວັນ ອິນທິລາດ ໄດ້ກ່າວວ່າ ຈຸດປະສົງຂອງກອງປະຊຸມຄັ້ງນີ້ແມ່ນເພື່ອເປັນການທຳຄວາມເຂົ້າໃຈໃຫ້ເລິກເຊິ່ງ ກ່ຽວກັບການດຳເນີນທຸລະກິດຂອງໄຟຟ້າລາວ ແລະ ເພື່ອເປັນການເຜີຍແຜ່ ແຈ້ງການ ປັບປຸງໂຄງສ້າງລາຄາໄຟຟ້າ ປີ 2025-2029. ຈາກນັ້ນ ທ່ານ ຄໍາຮັກ ລຸນທະວົງ ຮອງຫົວໜ້າລັດວິສະຫະກິດໄຟຟ້າລາວ ສາຂາແຂວງຜົ້ງສາລີໄດ້ນໍາສະເໜີກ່ຽວກັບການດໍາເນີນທຸລະກິດຂອງລັດວິສະຫະກິດໄຟຟ້າລາວ, ການຂະຫຍາຍຕົວ ຂອງ ໄຟຟ້າລາວ ຄ່ຽງຄູ່ກັບສັງຄົມ, ສະພາບລວມ ການດໍາເນີນທຸລະ
ກິດຂອງໄຟຟ້າລາວ ແລະ ການປະຕິຮູບໄຟຟ້າລາວ ໄລຍະຜ່ານມາ ແລະ ແຜນໃນ ຕໍໍ່ໜ້າ. ພ້ອມທັງແນະນໍາໃນການຊົມໃຊ້ໄຟຟ້າໃຫ້ຖືກວິທີ ປອດໄພ ປະຢັດ ແລະ ຂໍ້ຫ້າມຕ່າງໆກ່ຽວກັບໄຟຟ້າ ໂດຍສະເພາະໃນຊ່ວງລະດູຮ້ອນ ແລະ ຍັງໄດ້ມີການ ຮັບຟັງການປະກອບຄຳຄິດຄຳເຫັນຈາກບັນດາແຂກຜູ້ເຂົ້າຮ່ວມກອງໍປະຊຸມ ເພື່ອເປັນແນວທາງໃນການປັບປຸງ ວຽກງານບໍລິການ ຂອງ ລັດວິສາຫະກິດໄຟຟ້າລາວ ແຂວງຜົ້ງສາລີໃຫ້ດີຂຶ້ນກວ່າເກົ່າ.
ໃນຕອນທ້າຍຂອງກອງປະຊຸມຍັງໄດ້ຮັບຟັງຄຳເຫັນ ແລະ ການໃຫ້ທິດຊີ້ນຳຕໍ່ກອງປະຊຸມຈາກ ທ່ານ ອຸ່ນແປງ ທໍາມະວົງໄຊ ແລະ ທ່ານ ຄໍາຮັກ ລຸນທະວົງຮອງຫົວໜ້າ ລັດວິສະຫະກິດໄຟຟ້າລາວ ສາຂາແຂວງຜົ້ງສາລີ ພ້ອມທັງຮຽກຮ້ອງໃຫ້ຜູ້ເຂົ້າຮວມກອງປະຊຸມທຸກທ່ານໃຫ້ນໍາເອົາເນື້ອໃນຈິດໃຈຂອງກອງປະຊຸມໃນຄັ້ງນີ້ລົງເຜີຍແຜ່ນິຕິກຳເພື່ອຜັນຂະຫຍາຍໃຫ້ສຳນັກງານອົງການ, ພະນັກງານ-ລັດຖະກອນ, ຫົວໜ່ວຍທຸລະກິດ ແລະ ພໍ່ແມ່ປະຊາຊົນຜູ້ຊົມໃຊ້ໄຟຟ້າໃນຂອບເຂດຄວາມຮັບຜິດຊອບຂອງຕົນໃຫ້ຮັບຮູ້ ແລະ ເຂົ້າໃຈຢ່າງທົ່ວເຖິງ.
