ກອງປະຊູມໃຫຍ່ຜູ້ແທນອົງຄະນະພັກເມືອງໃໝ່ ຄັ້ງທີ 15 ໄດ້ສໍາເລັດລົງຢ່າງເປັນທາງການໃນຕອນບ່າຍຂອງວັນທີ 28 ມີນາ 2025 ນີ້ ພາຍຫຼັງດໍາເນີນມາເປັນເວລາ 2 ວັນ,ເຊີງເລີມແຕ່ວັນທີ 27-28 ມີນາ 2025, ຢູ່​ທີ​ສະ​ໂມ​ສອນ​ເມືອງ​ໃໝ່, ​ແຂວງ​ຜົ້ງ​ສາ​ລີ,ສະຫາຍ ພອນທະວີ ໄຊມົນຕີ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆໃໝ່,ໃຫ້ກຽດເຂົ້າຮ່ວມຂອງ ສະຫາຍ ຄໍາຜອຍ ວັນນະສານ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຜົ້ງສາລີ, ມີບັນດາສະຫາຍກໍາມະການພັກແຂວງ, ຮອງເລຂາພັກເມືອງ, ກຳມະການປະຈໍາພັກເມືອງ, ຄະນະພັກເມືອງ, ອາດີດການນຳເມືອງ, ພະນັກງານປະຕິ ວັດອາວຸໂສຜູ້ຊົງຄຸນວຸດທິ, ພ້ອມດ້ວຍແຂກຖືກເຊີນຈາກຂັ້ນແຂວງ, ເມືອງໃກ້ຄຽງ ແລະ ບັນດາສະຫາຍຜູ້ແທນສົມບຸນຈໍານວນ 139 ສະຫາຍ, ຍິງ 14 ສະຫາຍ ທີ່ເປັນຕົວແທນໃຫ້ສະມາຊິກໃນທົ່ວເມືອງ 1,626 ສະຫາຍ, ຍິງ 47 ສະຫາຍ ເຂົ້າຮ່ວມຢ່າງພ້ອມພຽງ.

ໃນກອງ​ປະ​ຊູມຍັງໄດ້ສະຫຼຸບຕີລາຄ່າຄືນການຈັດຕັ້ງປະຕິບັດມະຕິກອງປະຊູມໃຫຍ່ ຄັ້ງທີ XIV ຂອງອົງຄະນະພັກເມືອງໃໝ່ ຕະຫຼອດໄລຍະ 5 ປີຜ່ານມາມີຜົນສໍາເລັດຫຼາຍດ້ານເປັນຕົ້ນແມ່ນຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XIV ຂອງອົງຄະນະພັກເມືອງ ໃຫ້ປະກົດຜົນເປັນຈິງ, ຄະນະບໍລິຫານງານພັກເມືອງໄດ້ແບ່ງຄວາມຮັບຜິດ ຊອບພາຍໃນ, ກໍານົດແຜນດໍາເນີນງານ ແລະ ລະບອບແບບແຜນວິທີເຮັດວຽກ ຢ່າງລະອຽດຈະແຈ້ງ ທັງໄດ້ຫັນເປັນແຜນການ ສຸມໃສ່ພັດທະນາຕາມແລວ 1, 4, 6 ຂອງເມືອງວາງອອກ ແລະ 9 ແຜນງານ, 81 ໂຄງການ ຈາກນັ້ນໄດ້ນໍາພາ-ຊີ້ນໍາຈັດຕັ້ງປະຕິບັດຢູ່ໃນແຕ່ລະຂົງເຂດວຽກງານ ນັບທັງບັນດາຫ້ອງການ, ອົງການທຽບເທົ່າອ້ອມຂ້າງ ລົງຮອດຮາກຖານກຸ່ມບ້ານ, ບ້ານ ໂດຍມອບໝາຍໃຫ້ບັນດາສະຫາຍຄະນະປະຈໍາພັກເມືອງ ຊີ້ນໍາວຽກງານຮອບດ້ານຢູ່ບັນ ດາກຸ່ມບ້ານ, ບ້ານ ໃນທົ່ວເມືອງ ເພື່ຶອສຸມໃສ່ແກ້ໄຂຄວາມທຸກຍາກຂອງປະຊາຊົນ, ຕິດພັນກັບການຈັດຕັ້ງປະຕິບັດວຽກງານ 3 ສ້າງ ໂດຍສຸມໃສ່ການສ້າງບ້ານໃຫຍ່ໃຫ້ກາຍເປັນຕົວເມືອງນ້ອຍໃນຊົນນະບົດ 2 ຈຸດສຸມ ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ; ດ້ວຍການສຸມໃສ່ກໍ່ສ້າງພື້ນຖານໂຄງລ່າງຮັບໃຊ້ແກ່ການພັດທະນາ, ການດໍາລັງຊີວິດ ແລະ ການແກ້ໄຂຄວາມທຸກຍາກຂອງປະຊາຊົນ;ໃນ 5 ປີຜ່ານມາເສດຖະກິດຂອງເມືອງໄດ້ມີການຂະຫຍາຍ ຕົວສະເລ່ຍ 7,09 % ທຽບໃສ່ແຜນປະຕິບັດໄດ້ 71.96% ໃນນີ້ຂະແໜງກະສິກຳ-ປ່າໄມ້ ແລະ ການປະມົງຂະຫຍາຍຕົວ 7.19%, ຂະແໜງອຸດສາຫະກໍາ-ຫັດຖະກຳ ຂະຫຍາຍຕົວ 10.45%, ຂະແໜງບໍລິການ ຂະຫຍາຍຕົວ 10.77%, ລວມຍອດລາຍຮັບຜົນຜະລິດໃນ 5 ປີບັນລຸ 1,243.66 ຕື້ກີບ ທຽບໃສ່ແຜນການປະຕິບັດໄດ້ 90.97%, ມູນຄ່າເພີ່ມຕາມລາ

ຄາໃນປີ 2024 ລວມຍອດລາຍຮັບຜົນຜະລິດບັນລຸ 288.17 ຕື້ກີບ, ສະເລ່ຍຕໍ່ຫົວຄົນບັນລຸໄດ້ 476 ໂດລາ/ຄົນ/ປີ, ທຽບແຜນການປະຕິບັດ 35.27%; ເທົ່າກັບ 10,177.69 ລ້ານກີບ/ຄົນ/ປີ. ໂຄງປະກອບເສດຖະກິດໄດ້ປ່ຽນໄປຕາມທ່າແຮງ ແລະ ຈຸດພິເສດຂອງເມືອງ ຂະແໜງການເສດຖະກິດໄດ້ຮັບການພັດທະນາ ແລະ ມີຜົນສໍາເລັດ. ພ້ອມນັ້ນ; ກອງປະຊູມກໍ່ໄດ້ເປັນເອກະສັນກັນຮັບຮອງເອົາ ແຜນພັດທະນາເສດຖະກິດ-ສັງຄົມ ໃນ 5 ປີ ແຕ່ປີ 2025-2029 ໂດຍກຳນົດ 6 ເປົ້າໝາຍ, 20 ແຜນວຽກຈຸດສຸມ, 10 ແຜນງານ ແລະ 79 ໂຄງການ ສຸມໃສ່ແກ້ໄຂ 9 ບັນຫາ, ການພັດທະນາ 5 ທ່າແຮງ ສຸ່ມໃສ່ການພັດທະນາ ຕາມແລວທາງ 1-5-3 ແລະ ທາງອອກ 2-2, ສູ້ຊົນເຮັດໃຫ້ເສດຖະກິດຂະຫຍາຍຕົວສະເລ່ຍໃນລະດັບ 6,65 % ຂຶ້ນໄປຕໍ່ປີ, ຮອດປີ 2029 ລວມຍອດຜະລິດຕະພັນພາຍໃນເມືອງ ສະເ​ລ່ຍ​ໃສ່​ຫົວ​ຄົນໄດ້​ 18.11 ລ້ານກີບ ຫຼື ເທົ່າກັບ 850 ໂດ​ລາ​ສະຫະລັດ/ຄົນ/ປີ.

ກອງປະຊູມໃຫຍ່ຄັ້ງນີ້ຍັງໄດ້ປ່ອນບັດຄັດເລືອກເອົາຄະນະບໍລິຫານງານພັກເມືອງ ຊຸດທີ XV ເຊີງມີຜູ້ສະໝັກເລືອກຕັ້ງ 32 ສະຫາຍ,ຍີງ 9 ສະຫາຍ, ເລືອກເອົາ 27 ສະຫາຍ,

ໂດຍເລືອກເອົາຄະນະປະຈໍາພັກເມືອງຈໍານວນ 9 ສະຫາຍ,ຍີງ 1 ສະຫາຍ,ໃນນັ້ນໄດ້ເລືອກເອົາ ສະຫາຍ ພອນທະວີ ໄຊມົນຕີ ເປັນເລຂາຄະນະບໍລິຫານງານພັກເມືອງໃໝ່ ຊຸດທີ 15. ເລືອກເອົາສະຫາຍ ບຸນ ສູນວິເລີດ ແລະ ສະຫາຍ ທອງຄູນ ໄຊຍະຄອນ ເປັນຮອງເລຂາຄະນະບໍລິຫານງານພັກເມືອງ ແລະ ເລືອກເອົາ ສະຫາຍ ບຸນ ສູນວິເລີດ ເປັນປະທານກວດກາພັກ, ສະຫາຍ ຄໍາໄມ ວົງວິຈິດ ແລະ ສະຫາຍ ວົງ ວິໄລພອນ ເປັນຮອງກວດກາພັກ, ກອງປະຊູມຍັງໄດ້ປ່ອນບັດເລືອກເອົາຜູ້ແທນສົມບຸນ ແລະ ສຳຮອງເຂົ້າ

ຮ່ວມກອງປະຊູມໃຫຍ່ຄັ້ງທີXII ຂອງອົງຄະນະພັກແຂວງຈໍານວນ 27 ສະຫາຍ, ຍິງ 7 ສະຫາຍ ແລະ ສຳຮອງ 5 ສະຫາຍ, ຍິງ 2 ສະຫາຍ ຕື່ມອີກ