ໃນຕອນເຊົ້າຂອງວັນທີ 31 ມີນາ 2025 ນີ້ເມືອງໃໝ່ໄດ້ຈັດ ພິທີໂຮມຊຸມນຸມມິດຕິງຊົມເຊີຍຜົນສຳເລັດໃຫຍ່ຜູ້ແທນອົງຄະນະພັກເມືອງໃໝ່ ຄັ້ງທີXV ຂື້ນຢູ່ທີ່ສະໂມສອນເມືອງໃໝ່, ແຂວງຜົ້ງສາລີ ໂດຍການເປັນປະທານຂອງສະຫາຍ ພອນທະວີ ໄຊມົນຕີ ກຳມະການພັກແຂວງ, ເລຂາພັກເມືອງ, ເຈົ້າເມືອງໆໃໝ່, ມີບັນດາສະຫາຍກໍາມະການປະຈຳພັກເມືອງ, ກຳມະການພັກເມືອງ, ຄະນະພັກ, ​ສະມາຊິກ​ພັກພະນັກງານ​ຫຼັກ​ແຫ​ລ່ງ, ອາດິດການນຳ, ພະນັກງານ​ບຳນານ, ຕະຫຼອດ​ຮອດ​ປະຊາຊົນ​ບັນດາເຜົ່າໃນເທດ

ສະບານເມືອງ ເຂົ້າຮ່ວມຢ່າງຫຼວງຫຼາຍ.

ໃນພິທີ ສະຫາຍ ພອນທະວີ ໄຊມົນຕີ ກຳມະການພັກແຂວງ, ເລຂາພັກເມືອງ, ເຈົ້າເມືອງໆໃໝ່ ໄດ້ໃຫ້ກຽດຂື້ນປາໃສພິທີໂຮມຊຸມນຸມມິດຕິງຊົມເຊີຍຜົນສຳເລັດກອງປະຊູມໃຫຍ່ຜູ້ແທນອົງຄະນະພັກເມືອງໃໝ່ ຄັ້ງທີXV ເຊິ່ງສະຫາຍໄດ້ສະເໜີຈຸດທີ່ຕັ້ງພູມສັນຖານ ແລະ ລາຍງານສະພາບໂດຍລວມຂອງເມືອງ ພ້ອມທັງລາຍງານຜົນສຳເລັດກອງປະຊຸມໃຫຍ່ຜູ້ແທນອົງຄະນະພັກເມືອງໃໝ່ ຄັ້ງທີXV ເຊິ່ງກອງປະຊຸມໄດ້​ດໍາ​ເນີນ ​ເປັນ​ເວລາ 2 ວັນເຕັມ, ເລີ່ມແຕ່​ວັນ​ທີ 27-28 ມີນາ 2025 ໃນກອງປະຊຸມໄດ້ລົງປະຊາມະ

ຕິເປັນກະສັນຮັບຮອງເອົາບັນດາເນື້ອໃນຮ່າງບົດລາຍງານການເມືອງ, ແຜນພັດທະນາເສດຖະກິດ-ສັງຄົມ ແລະ ບົດສຳຫຼວດການນຳພາລວມ ຂອງຄະນະບໍລິຫານງານພັກເມືອງໃໝ່ ສະໄໝທີ XIV, ກອງປະຊຸມໄດ້ຕີລາຄາດ້ານດີ ດ້ານອ່ອນ, ຂໍ້ຄົງຄ້າງ, ສາເຫດ, ບົດຮຽນໃນການນຳພາ - ຊີ້ນໍາ ແລະ ການຈັດຕັ້ງປະຕິບັດມະຕິກອງປະຊຸມໃຫຍ່ ໃນ 5 ປີ ຜ່ານມາ ແລະ ຍັງໄດ້ເປັນເອກະສັນກັນຮັບຮອງເອົາແຜນພັດທະນາເສດຖະກິດ-ສັງຄົມ 5 ປີ ນັບແຕ່ປີ 2025-2029 ໂດຍໄດ້ກຳນົດ 6 ເປົ້າໝາຍ 20 ແຜນວຽກຈຸດສຸມ, 10 ແຜນງານ ແລະ 79 ໂຄງການ ນອກນັ້ນກອງປະຊຸມໃຫຍ່ໄດ້​ປຶກສາ​ຫາລື​, ປະກອບ​ຄໍາ​ຄິດ​​ເຫັນ ​ຢ່າງ​ກົງ​ໄປ​ກົງ​ມາ, ມີລັກສະນະສ້າງສັນ ​ທັງ​ມີ​ຄວາມ​ຮັບຜິດຊອບ​ສູງ​ຂອງ​ບັນດາສະຫາຍ​ຜູ້​ແທນ​ກອງ​ປະຊຸມ ເຊິ່ງໄດ້ພ້ອມກັນໃຊ້ສິດປະຊາທິປະໄຕ ປ່ອນບັດເລືອກເອົາຄະນະບໍລິຫານງານພັກເມືອງ ສະໄໝທີXV ບົນພື້ນຖານມາດຕະຖານ; ເງື່ອນໄຂທີ່ກຳນົດ ເຊີ່ງມີຜູ້ອອກຮັບສະໝັກເລືອກຕັ້ງ 32 ສະຫາຍ, ຍິງ 9 ສະຫາຍ ແລະ ເລືອກໄດ້ 27 ສະຫາຍ, ຍິງ 7 ສະຫາຍ. ໃນກອງປະຊຸມຄັ້ງປະຖົມມະລຶກ ໄດ້ເລືອກຕັ້ງເອົາຄະນະປະຈຳພັກເມືອງ, ເລຂາພັກເມືອງ, ຮອງເລຂາພັກເມືອງ, ປະທານກວດກາພັກ ແລະ ຮອງປະທານກວດກາພັກ. ເຊິ່ງໄດ້ເລືອກຕັ້ງຄະນະປະຈໍາພັກເມືອງ ຈໍານວນ 9 ສະຫາຍ, ຍິງ 1 ສະຫາຍ,ໄດ້ປະຊາມະຕິຮັບຮອງເອົາເລຂາ- ຮອງເລຂາພັກເມືອງ 3 ສະຫາຍ ຍິງ 0 ແລະ ເລືອກຕັ້ງປະທານ- ຮອງປະທານກວດກາພັກ 3 ສະຫາຍ ຍິງ 0 ນອກນັ້ນຜູ້ແທນກອງປະຊຸມໃຫຍ່ ໄດ້ພ້ອມກັນໃຊ້ສິດປະຊາທິປະໄຕ ປ່ອນບັດເລືອກເອົາຜູ້ແທນສົມບູນ - ສໍາຮອງເຂົ້າຮ່ວມກອງ ປະຊຸມໃຫຍ່ອົງຄະນະພັກແຂວງ ຈໍານວນ 27 ສະຫາຍ, ຍິງ 7 ສະຫາຍ; ແລະ ຜູ້ແທນສຳຮອງຈຳນວນ 5 ສະຫາຍ, ຍິງ 2 ສະຫາຍ ຕື່ມອີກ.