ໃນຕອນເຊົ້າຂອງວັນທີ 31 ມີນາ 2025ນະທີ່ ຫ້ອງປະຊຸມ ໂຮຽຮຽນການເມືອງ,ການປົກຄອງແຂວງ,ໄດ້ຈັດກອງປະຊຸມສະຫຼຸບຖອດຖອນບົດຮຽນວຽກງານກາແດງ ປະຈໍາປີ 2024 ໂດຍການເປັນກຽດເຂົ້າຮ່ວມ ຂອງ ທ່ານ ຄໍາເຫຼັກ ໃຈອີສານ ກຳມະການປະຈຳພັກແຂວງ ຮອງເຈົ້າແຂວງ ຜູ້ຊີ້ນໍາວຽກງານຂົງເຂດ ວັດທະນະທໍາ-ສັງຄົມຂັ້ນແຂວງ,
ມີ ທ່ານ ນ ບົວໄຂ ແກ້ວວິພາກອນ ຫົວໜ້າ ອົງການກາແດງແຂວງ,ມີບັນດາ ຄະນະ ກຳມະການຈັດສົ່ງເສີມ ການບໍລິຈາກເລືອດ-ສົ່ງເລື່ອດຂັ້ນແຂວງ,ຕ່າງໜ້າ 4 ເມືອງ ບັນດາກຸ່ມເປົ້າໝາຍ ປຸກລະດົມບໍລິຈາກເລືອດ ຕະຫຼອດຮອດ ພະນັກງານ-ລັກຖະກອນພາຍໃນອົງການກາແດງແຂວງເຂົ້າຮ່ວມ.
ໃນກອງປະຊຸມ ທ່ານ ນ. ວຽງຄຳ ເຫຼັກວໍລະຈັນ ຮອງຫົວໜ້າອົງການກາແດງແຂວງ, ໄດ້ຜ່ານຂໍຕົກລົງຂອງເຈົ້າແຂວງ,ວ່າດ້ວຍການແຕ່ງຕັ້ງຄະນະກຳມະການຈັດຫາເລືອດ ແລະ ສົ່ງເລືອດປອດໄພ ຂັ້ນແຂວງຈາກນັ້ນ ທ່ານຄໍາພັດ ສີເຈນ ຮອງ ຫົວໜ້າອົງການມີກາແດງແຂວງ,ໄດ້ຜ່ານບົດສະຫຼຸບ ການຈັດຕັ້ງປະຕິບັດວຽກງານ ກາແດງປະຈໍາປີ 2024 ແລະທິດທາງແຜນການ 2025ອົງການກາແດງແຂວງ ໄດ້ຈັດຕັ້ງເຄື່ອນໄຫວວຽກງານມະນຸດສະທຳຕາມ 7 ຫຼັກການພື້ນຖານ ຂອງຂະບວນ ການກາແດງ ແລະຊິກວົງເດືອນແດງສາກົນ,ຄວາມເປັນມະນຸດສະທຳ, ຄວາມທ່ຽງທຳ, ຄວາມເປັນກາງ, ຄວາມເປັນ ເອກະລາດ, ຄວາມສະໝັກໃຈ, ຄວາມເປັນເອກະພາບ, ຄວາມມີນໍ້າໃຈສາກົນ ແລະ ໜ້າວຽກຕົ້ນຕໍ ຂອງອົງການ ກາແດງ ຄື: ການຊ່ວຍເຫຼືອບັນເທົ່າທຸກເບື້ອງຕົ້ນ, ການປຸກລະດົມຂົນຂວາຍການບໍລິຈາກເລືອດ ແລະສະໜອງ ເລືອດທີ່ປອດໄພ, ການສົ່ງເສີມສຸຂະພາບຂັ້ນພື້ນຖານ, ການປະຖົມພະຍາບານ, ການກູ້ໄພສຸກເສີນ, ການ ໂຄສະນາ ແລະຂົນຂວາຍແຫຼ່ງທຶນ, ການສ້າງສະມາຊິກ ແລະ ອາສາສະໝັກກາແດງ, ການສືບທາວຫາຍາດພີ່ນ້ອງ , ການພົວພັນ ແລະ ຮ່ວມມືສາກົນ ປະຈຸບັນ ອົງການກາແດງແຂວງ,ມີພະນັກງານ ທັງໝົດ 15 ທ່ານ, ຍິງ 11 ທ່ານ, ແລະ ລາຍຮັບ ປະຈຳປີ 2024 314, 334,560 ກີບ-ລາຍຈ່າຍ313,824,560 ກີບ, ເງີນຍັງເຫຼືອ 490,000 ກີບ ແລະ ໄດ້ຊ່ວຍເຫຼືອບັນເທົາທຸກທັງໝົດ 30 ຄັ້ງ, ໃນນີ້ ໃຫ້ອາດີດການນໍາຂັ້ນແຂວງ, ການນໍາຂັ້ນ ເມືອງ ແລະ ບັນດາພະແນກການອື່ນ ເພື່ອໄປມອບຕໍ່ ໃຫ້ປະຊາຊົນທີ່ຖືກຜົນກະທົບຈາກໄພທຳມະຊາດ ແລະ ຄອບຄົວທຸກຍາກຢູ່ເຂດຫ່າງໄກສອກຫຼີກ ຈຳນວນ 12 ຄັ້ງ ລວມມູນຄ່າທັງໝົດ = 438,375,000 ກີບ ແລະ ປຸກລະດົມຂົນຂວາຍບໍລິຈາກເລືອດ ໃນປີ 2024 ແມ່ນຈໍານວນ 550 ຖົງ ແຕ່ສາມາດ ຈັດຕັ້ງປະ
ຕິບັດໄດ້ປັນລຸ 262ຖົງ ເທົ່າກັບ47.63% ທຽບໃສ່ແຜນການຂອງ ປີ.ຍັງຫຼຸດຄາດໝາຍ 288 ຖົງເທົ່າກັບ 52,36% ແລະ ຜ່ານແຜນແບ່ງປັນຕົວເລກຄາດໝາຍ ສູ້ຊົນ ໃນປີ2025 ຂອງແຕ່ກູ່ມເປົ້າໜາຍ ລວມ 4ກູ່ມເປົ້າໜາຍຄື: ກູ່ມເປົ້າໜາຍ ທະຫານແຂວງ ລວມ 210 ຖົງ 18 ຄັ້ງ, ກູ່ມເປົ້າໜາຍບັນດາໂຮຽຮງນ ລວມ330 ຖົງ 21 ຄັ້ງ,
ກຸ່ມເປົ້າໝາຍ ປກສ ແຂວງ ເມືອງ 7ເມືອງລວມ 150ຖົງ 17 ຄັ້ງ, ກູ່ມເປົ້າໜາຍ ແຕ່ລະພະແນກການ ລວມ 120ຖົງ 24ຄັ້ງ,ຈາກນັ້ນ ປະທານກອງປະຊຸມ ມີຄຳເຫັນຊີ້ນຳ ເພື່ອເປັນບ່ອນອີງ ໃນການຄົ້ນຄ້ວາປະກອບຄຳຄິດຄໍາເຫັນ ແລະ ຜູ້ແທນກອງປະຊຸມປະກອບຄຳຄິດ-ຄຳເຫັນຢ່າງກົງໄປ-ກົງມາ ເພື່ອຮັບຮອງເອົາບົດສະຫຼຸບ ແລະ ທິດທາງແຜນການ.
