ພິທີ ຜັນຂະຫຍາຍເນື້ອໃນຜົນສຳເລັດກອງປະຊຸມໃຫຍ່ຂອງອົງຄະນະພັກເມືອງ ຍອດອູ ຄັ້ງທີ X ຢູ່ກຸ່ມ ນາຍາວ.
01 Apr 2025 | ຂ່າວ-ພາບ: ໄລພອນ ຖວທ ເມືອງ ຍອດອູ. |
ໃນຕອນເຊົ້າຂອງວັນທີ 1 ເມສາ 2025 ນີ້ຢູ່ທີ່ໂຮງຮຽນປະຖົມ ບ້ານບໍ່ໃຕ້ ເມືອງ
ຍອດອູ ແຂວງຜົ້ງສາລີ ໄດ້ຈັດພິທີຜັນຂະຫຍາຍເນື້ອໃນຜົນສໍາເລັດ ກອງປະຊຸມໃຫຍ່ຂອງອົງຄະນະພັກເມືອງ ຍອດອູ ຄັ້ງທີ X ຂຶ້ນຢ່າງເປັນທາງການ ໂດຍພາຍໃຕ້ການເປັນປະທານຂອງສະຫາຍ ຈອມແສງ ວັນນະສານ ກຳມະການປະຈຳພັກເມືອງ ຮອງເຈົ້າເມືອງ ຜູ້ຊີ້ນໍາວຽກງານຂົງເຂດວັດທະນະທຳ-ສັງຄົມ, ມີ ສະຫາຍ ຊາຍຄຳ ສີທິວົງ ເລຂາຄະນະພັກຮາກຖານກຸ່ມ ມີບັນດາສະຫາຍເລຂາພັກນາຍບ້ານພາຍໃນກຸ່ມ, ເຖົ່າແກ່ແນວໂຮມ ອົງການຈັດຕັ້ງບ້ານທຸກຂັ້ນ ຄູສອນ ທີມງານຂອງເມືອງ ຕະຫຼອດຮອດພໍ່ແມ່ປະຊາຊົນພາຍໃນບ້ານບໍ່ໃຕ້ເຂົ້າຮ່ວມທັງໝົດ 62 ທ່ານ, ຍິງ 40 ທ່ານ.
ໃນພິທີສະຫາຍ ນາງ ສຸກພະຈັນ ບົດສົມເຮືອງ ຮອງໜ່ວຍງານຄົ້ນຄ້ວາ-ສັງລວມ ຫ້ອງວ່າການເມືອງ ໄດ້ຜ່ານ ມະຕິຕົກລົງ ສະບັບເລກທີ 110/ຄພຂ ລົງວັນທີ 18 ມີນາ 2025 ວ່າດ້ວຍການຮັບຮອງເອົາຜົນການເລືອກຕັ້ງຄະນະບໍລິຫານງານພັກເມືອງ ຍອດອູ ສະໄໝທີ X, ຈາກນັ້ນ ສະຫາຍ ຈອມແສງ ວັນນະສານ ກຳມະການປະຈຳພັກເມືອງ ຮອງເຈົ້າເມືອງ ຜູ້ຊີ້ນໍາວຽກງານຂົງເຂດວັດທະນະທຳ-ສັງຄົມ ໄດ້ຜ່ານ ຂໍ້ຕົກລົງສະບັບເລກທີ 47/ມຍອ ລົງວັນທີ 17 ກຸມພາ 2025 ວ່າດ້ວຍການເພີ່ມທະວີຄວາມເຂັ້ມງວດ ໃນການຄຸ້ມຄອງປົກປັກຮັກສາພັດທະນາ ແລະ ນຳໃຊ້ປ່າໄມ້, ທີ່ດິນປ່າໄມ້ ແລະ ໄຟໄໝ່ລາມປ່າ ຢູ່ເມືອງຍອດອູ, ຄຳສັ່ງສະບັບເລກທີ 27/ຂຜລ ລົງວັນທີ 20 ກຸມພາ 2025 ວ່າດ້ວຍການເພີ່ມທະວີຄວາມເຂັ້ມງວດການສະກັດກັ້ນໄຟໄໝ່ລາມປ່າ, ການຄຸ້ມຄອງການຖາງປ່າເຮັດໄຮ່, ການບຸກລຸກທຳລາຍປ່າໄມ້ ແລະ ທີ່ດິນປ່າໄມ້ ໃນຂອບເຂດທົ່ວແຂວງຜົ້ງສາລີ ແລະ ແຜນພັດທະນາ ເສດຖະກິດ-ສັງຄົມ 5 ປີ ຄັ້ງທີ lV ( 2025-2029 )ຈຸດປະສົງການລົງຜັນຂະຫຍາຍບັນດາເນື້ອໃນເອກະສານຕ່າງໆໃນຄັ້ງນີ້ກໍ່ເພື່ອໃຫ້ພໍ່ແມ່ປະຊາຊົນຮັບຮູ້ເຂົ້າໃຈການກໍານົດທິດທາງແຜນການ ແລະ ບັນດາຄາດໝາຍລວມແຕ່ນີ້ຮອດປີ 2029 ບັນດາຈຸດສຸມທີ່ຈະແກ້ໄຂໃນຕໍ່ໜ້າ ແລະ ຈຸດໜາຍລວມ ຂອງແຜນພັດທະນາ ເສດຖະກິດ-ສັງຄົມ ສຸມໃສ່ບັນດາເປົ້າໝາຍ ແລະທາງອອກຂອງເມືອງ, ບັນດາຄາດໝາຍຕົວຊີ້ວັດຂອງແຕ່ລະຂົງເຂດໃຫ້ໄດ້ຮັບການຈັດຕັ້ງປະຕິບັດ ແລະ ບັນລຸຄາດໝາຍດີຂື້ນເທື່ອລະກ່າວ.
Share:
