ໂຄງການກໍ່ສ້າງລະບົບຕາຂ່າຍໄຟຟ້າ 22/0,4 kv ແລະ ຕິດຕັ້ງໝໍ້ແປງເຂົ້າເຂດດິນຈັດສັນພະນັກງານ ຈະໄດ້ຮັບການກໍ່ສ້າງໃນໄວໆນີ້.
02 Apr 2025 | ພາບ-ຂ່າວ: ແສງຄໍາ ສາລີວັນ |
ພິທີເຊັນສັນຍາໂຄງການກໍ່ສ້າງຕາຂ່າຍໄຟຟ້າ 22/0,4 Kv ແລະ ຕິດຕັ້ງໝໍ້ແປງເຂົ້າເຂດຈັດສັນພະນັກງານ ປກສ, ປກສ ແລະ ຂົງເຂດການເມືອງ ແລະ ໂຄງການກໍ່ສ້າງຕາຂ່າຍໄຟຟ້າ 22/0,4 Kvແລະ ຕິດຕັ້ງໝໍ້ແປງເຂົ້າເຂດຈັດສັນຂົງເຂດເສດຖະກິດ ແລະ ພະແນກ ແຜນການ ແລະ ການລົງທຶນແຂວງ ໄດ້ຈັດຂຶ້ນໃນຕອນບ່າຍຂອງວັນທີ 2 ເມສາ 2025 ນີ້, ທີ່ຫ້ອງປະຊຸມຂອງພະແນກພະລັງງານ ແລະ ບໍ່ແຮ່ແຂວງຜົ້ງສາລີ ໂດຍການເຂົ້າຮ່ວມຂອງທ່ານ ວີສອນ ລາວເມົາ ຮອງເຈົ້າແຂວງໆຜົ້ງສາລີ, ຜູ້ຊີ້ນຳຂົງເຂດເສດຖະກິດຂັ້ນແຂວງ, ມີບັນດາທ່ານຫົວໜ້າ, ຮອງຫົວໜ້າພະແນກ ການທີ່ກ່ຽວຂ້ອງ ຕະຫຼອດຮອດບໍລິສັດຜູ້ຮັບເໝົາເຂົ້າຮ່ວມ.
ໂຄງການກໍ່ສ້າງຕາຂ່າຍໄຟຟ້າ 22/0,4 Kv ແລະ ຕິດຕັ້ງໝໍ້ແປງເຂົ້າເຂດຈັດສັນພະນັກງານ ປກສ, ປກຊ ແລະ ຂົງເຂດການເມືອງ ຜູ້ຮັບເໝົາຈະໄດ້ ກໍ່ສ້າງຕາຂ່າຍໄຟຟ້າ 22 Kv ມີບໍລິມາດ 2,748 Km, ກໍ່ສ້າງຕາຂ່າຍໄຟຟ້າ 0,4 Kv ມີບໍລິມາດ 14,373 Km, ຕິດຕັ້ງໝໍ້ແປງໄຟຟ້າ ຈໍານວນ 6 ຊຸດ, ເຊິ່ງມີມູນຄ່າທັງໝົດໃນການກໍ່ສ້າງຕາຂ່າຍໄຟຟ້າ 22/0,4 Kv ແລະ ຕິດຕັ້ງໝໍ້ແປງໄຟຟ້າແມ່ນ: 9,674,511,899 ກີບ; ( ເກົ້າຕື້ ຫົກຮ້ອຍເຈັດສີບສີ່ລ້ານ ຫ້າແສນສີບເອັດພັນ ແປດຮ້ອຍເກົ່າສີບເກົ່າກີບ ); ໃນນີ້; ລວມມີມູນຄ່າຄຸ້ມຄອງໂຄງການ 21,104,667 ກີບ. ສຳລັບໂຄງການກໍ່ສ້າງຕາຂ່າຍໄຟຟ້າ 22/0,4 Kv ແລະ ຕິດຕັ້ງໝໍ້ແປງ ເຂົ້າເຂດຈັດສັນຂົງເຂດເສດຖະກິດ ແລະ ພະແນກແຜນການ ແລະ ການລົງທຶນແມ່ນ ຜູ້ຮັບເໝົາຈະໄດ້ ກໍ່ສ້າງຕາຂ່າຍໄຟຟ້າ 22 Kv ມີບໍລິມາດ 3,665 Km, ກໍ່ສ້າງຕາຂ່າຍໄຟຟ້າ 0,4 Kv ມີບໍລິມາດ 8,570 Km, ພາກຕິດຕັ້ງໝໍ້ແປງໄຟຟ້າ ຈໍານວນ 2 ຊຸດ. ເຊິ່ງມີມູນຄ່າທັງໝົດໃນການກໍ່ສ້າງຕາຂ່າຍໄຟຟ້າ 22/0,4 Kv ແລະ ຕິດຕັ້ງໝໍ້ແປງໄຟຟ້າແມ່ນ: 5,065,721,276 ກີບ; ( ຫ້າຕື້ຫົກສີບຫ້າລ້ານ ເຈັດແສນຊາວເອັດພັນ ສອງຮ້ອຍເຈັດສີບຫົກກີບ ); ໃນນີ້; ລວມມີມູນຄ່າຄຸ້ມຄອງໂຄງການ 20,716,667 ກີບ. ເຊິ່ງທັງສອງໂຄງການແມ່ນບໍລິສັດ ເພັງ ດວງສາຍ ກໍ່ສ້າງລະບົບຕາຂ່າຍໄຟຟ້າ ທົ່ວໄປຈໍາກັດ ຜູ້ດຽວ ເປັນຜູ້ຮັບເໝົາໃນການກໍ່ສ້າງ ແລະ ຈະເລີ່ມລົງມືກໍ່ສ້າງນັບມື້ແຕ່ລົງນາມເຊັນສັນຍາເປັນຕົ້ນໄປ ແລະ ຈະໃຊ້ເວລາໃນການກໍ່ສ້າງໃຫ້ສໍາເລັດ 100% ທັງໝົດ 12 ເດືອນ ຫຼື 1 ປີ.
ຈາກນັ້ນກໍ່ໄດ້ຮ່ວມລົງນາມເສັນສັນຍາຮ່ວມການຕາງໜ້າເຈົ້່າຂອງໂຄງການເຊັນໂດຍທ່ານ ຍິນໄຊ ດວງພະຈັນ ຫົວໜ້າພະແນກພະລັງງານ ແລະ ບໍ່ແຮ່ແຂວງ, ຕາງໜ້າຜູ້ຮັບເໝົາ ເຊັນໂດຍທ່ານ ຈັນ ເພັງ ຍິນສົມບັດ ຜູ້ອຳນວຍການບໍລິສັດ ເພັງ ດວງສາຍ ກໍ່ສ້າງລະບົບຕາຂ່າຍໄຟຟ້າ ທົ່ວໄປຈໍາກັດ ຜູ້ດຽວ, ຕາງໜ້າພະແນກແຜນການ ແລະ ການລົງທຶນ ເຊັນໂດຍທ່ານ ທອງສຸກ ເປົາສຸລີ ຫົວໜ້າພະແນກແຜນການ ແລະ ການລົງທຶນແຂວງ ແລະ ຕາງໜ້າອົງການປົກຄອງເມືອງບຸນເໜືອ ເຊັນໂດຍທ່ານ ຄຳ ສຸວົງ ຮອງເຈົ້າເມືອງໆບຸນເໜືອ ໂດຍຊ່ອງໜ້າຈາກທ່ານ ວີສອນ ລາວເມົາ ຮອງເຈົ້າແຂວງໆຜົ້ງສາລີ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຄີພິຍານ.
Share:
