ໃນວັນທີ 02 ເມສາ 2025 ຄະນະທີມງານ ສະພາແຫ່ງຊາດ, ສະພາປະຊາຊົນແຂວງຜົ້ງສາລີ ນຳໂດຍ ທ່ານ ແກ້ວຈະເລີນ ເຊ່ຍຢິ່ງຢາງ, ຮອງປະທານກຳມະທິການບັນດາເຜົ່າ, ທ່ານ ສິງ ເລືອງວິຫານ, ຫົວໜ້າກົມຊົນເຜົ່າ ແລະ ສາສະໜາ ສະພາແຫ່ງຊາດ; ທ່ານ ສົມຈິດ ລາວຈຸງ ປະທານຄະນະກຳມະການວັດທະນະທຳ-ສັງຄົມ ແລະ ບັນດາເຜົ່າ ສະພາປະຊາຊົນແຂວງ; ທ່ານ ສົມປານ ຈັນທະລາ, ກຳມະການປະຈຳພັກເມືອງ, ຮອງຫົວໜ້າສະມາຊິກສະພາປະຊາຊົນແຂວງ ປະຈຳເມືອງ ພ້ອມດ້ວຍຄະນະ ໄດ້ລົງເຄື່ອນ
ໄຫວເຮັດວຽກຮ່ວມກັບພາກສ່ວນກ່ຽວຂ້ອງຂັ້ນເມືອງ ໃນຕອນເຊົ້າ ຢູ່ທີ່ ຫ້ອງປະຊຸມຄະນະປະຈຳພັກເມືອງ ເປັນກຽດເຂົ້າຮ່ວມ ໂດຍທ່ານ ພອນທະວີ ໄຊມົນຕີ, ກຳມະການພັກແຂວງ, ເລຂາຄະນະບໍລິຫານພັກເມືອງ- ເຈົ້າເມືອງໆໃໝ່. ຫຼັງຈາກນິ້, ຕອນບ່າຍ ຄະນະທີມງານໄດ້ສືບຕໍ່ລົງເຄື່ອນໄຫວໄປເຮັດວຽກຮ່ວມກັບອົງການປົກຄອງ ແລະ ປະ
ຊາຊົນ ບ້ານ ປາງຫົກ, ກຸ່ມສົບຮຸນ, ເມືອງໃໝ່ ເຊິ່ງເປັນກຽດເຂົ້າຮ່ວມ ໂດຍທ່ານ ນາງ ຄຳປ້ອມ ອິນທະນາ, ກຳມະການພັກເມືອງ, ເລຂາຄະນະພັກຮາກຖານກຸ່ມບ້ານສົບຮຸນ, ທ່ານ ຈັນແກ້ວ ທໍ, ຮອງເລຂາພັກບ້ານ ປາງຫົກ, ກອງປະຊຸມຕິດຕາມ ແລະ ເກັບກຳຂໍ້ມູນ ວຽກງານສາສະໜາ. ໃນຄັ້ງນິ້, ມີພາກສ່ວນກ່ຽວຂ້ອງ ແລະ ປະຊາຊົນເຂົ້າ
ຮ່ວມທັງໝົດ 203 ຄົນ, ຍິງ 89 ຄົນ. ການລົງເຄື່ອນໄຫວເຮັດວຽກ ໃນການຕິດຕາມ ແລະ ເກັບກຳຂໍ້ມູນ ວຽກງານສາສະໜາ ຂອງຄະນະທີມງານ ສະພາແຫ່ງຊາດ, ສະພາປະຊາຊົນແຂວງ ໃນຊຸດນິ້ ໄດ້ເຮັດໃຫ້ ຫົວໜ້າ-ຮອງຫົວໜ້າ ຫ້ອງການກ່ຽວຂ້ອງ ຂັ້ນເມືອງ ແລະ ປະຊາຊົນບັນດາເຜົ່າ ສາມາດຮັບຮູ້ ແລະ ເຂົ້າໃຈເຖິງ ສະພາບການເຊື່ອຖືສາສະໜາ ແລະ ການດຳລົງຊີວິດ, ການປະຕິບັດຮີດຄອງປະເພນີ ຂອງປະຊາຊົນບັນດາເຜົ່າ ຕາມດຳລັດ 315/ລບ, ລົງວັນທີ 16 ສິງຫາ 2016 ແລະ ຄຳແນະນຳ ເລທີ 16/ພນ, ລົງວັນທີ 9 ພະຈິກ 2016 ຢ່າງຖືກຕ້ອງ.
ຕອນທ້າຍ ທ່ານ ແກ້ວຈະເລີນ ເຊ່ຍຢິ່ງຢາງ, ຮອງປະທານກຳມະທິການບັນດາເຜົ່າ ສະພາແຫ່ງຊາດ ໄດ້ເນັ້ນໜັກ ແລະ ອະທິບາຍຊີ້ແຈ້ງ ກ່ຽວກັບການເຊື່ອຖືສາສະໜາ (ເຢຊູຄິຣສ໌) ຢູ່ໃນພາກພື້ນ ກໍ່ຄືພາຍໃນປະເທດເຮົາ ທີ່ຖືກຕ້ອງ ແລະ ໃຫ້ພາກສ່ວນກ່ຽວຂ້ອງ ຂັ້ນເມືອງ ແລະ ປະຊາຊົນບັນດາເຜົ່າ ຮັບຮູ້ເຖິງສະພາບການ ແລະ ເຂົ້າໃຈຢ່າງລະອຽດຈະແຈ້ງ ຕໍ່ກັບການດຳລົງຊີວິດ ຂອງປະຊາຊົນບັນດາເຜົ່າ ໃຫ້ຢູ່ຮ່ວມກັນແບບສັນຕິວິທີ, ປະຕິບັດລະບຽບຂອງພັກ, ກົດໝາຍຂອງລັດ ໃຫ້ຖືກຕ້ອງຕາມແນວທາງປ່ຽນແປງໃໝ່ ຂອງພັກ, ມີຄວາມສະຫງົບ ແລະ ປາສະຈາກຂໍ້ຂັດແຍ່ງພາຍໃນບ້ານຂອງຕົນ. ນອກຈາກນິ້, ທາງທີມງານສະພາແຫ່ງຊາດ ໄດ້ນໍາເອົາອຸປະກອນການຮຽນ ຈຳນວນໜຶ່ງ ມອບໃຫ້ບ້ານ ປາງຫົກ ລວມມູນ 1.200.000 ກີບ ເພື່ອເປັນການຊຸກຍູ້ ແລະ ໃຫ້ກໍາລັງໃຈນ້ອງນ້ອຍນັກຮຽນ.
ພາບ-ຂ່າວໂດຍ: ( ຈັນ ອຸ່ນມີໄຊ ) ເສນາທິການຊ່ວຍວຽກ ຄະນະສະມາຊິກ
