ໜ້າຫຼັກ / ການເຄື່ອນໄຫວ / ປະທານສະຫະພັນກຳມະບານແຂວງ ລົງເຄື່ອນໄຫວຢ້ຽມຢາມ ແລະ ເຮັດວຽກ ຢູ່ສະຫະພັນກຳມະບານເມືອງຂວາ.

ປະທານສະຫະພັນກຳມະບານແຂວງ ລົງເຄື່ອນໄຫວຢ້ຽມຢາມ ແລະ ເຮັດວຽກ ຢູ່ສະຫະພັນກຳມະບານເມືອງຂວາ.

02 Apr 2025 | ນັກຂ່າວ ກຳມະບານແຂວງ |

ເພື່ອປະຕິບັດຕາມແຜນດໍາເນີນງານຂອງຄະນະປະທານສະຫະພັນກໍາມະບານແຂວງ ໃນການລົງຕິດຕາມ, ກວດກາ ແລະ ຊຸກຍູ້ການຈັດຕັ້ງປະຕິບັດວຽກງານຮອບດ້ານຂອງສະຫະພັນກໍາມະບານ 7 ເມືອງໃນທົ່ວແຂວງ ໃຫ້ໄດ້ຮັບການປັບປຸງ, ນັບມື້ເຂົ້າສູ່ລວງເລິກນັ້ນ. ໃນວັນທີ 2 ເມສາ 2025 ນີ້, ຄະນະທິມງານສະຫະພັນກໍາມະບານແຂວງໄດ້ລົງຕິດຕາມ, ກວດກາ ແລະ ຊຸກຍູ້ວຽກງານຮອບດ້ານຢູ່ສະຫະພັນກໍາມະບານເມືອງຂວາ ຊຶ່ງນໍາໂດຍ ສະຫາຍ ນາງ ພອນແກ້ວ ຄູນສົມເຮືອງ ປະທານ ຄະນະບໍລິຫານງານສະຫະພັນກຳມະບານແຂວງ ພ້ອມຄະນະທີມງານ ຕາງໜ້າຄະນະປະທານສະຫະພັນກໍາມະບານເມືອງຂວາໂດຍແມ່ນ ສະຫາຍ ຈັນໄຊ ໄຊສະຫວັນ ກໍາມະການພັກເມືອງ, ຄະນະບໍລິຫານງານສະຫະພັນກຳມະບານແຂວງ ປະທານຄະນະບໍລິຫານງານສະຫະພັນກໍາມະບານເມືອງ, ພ້ອມຄະນະປະທານ, ພະນັກງານ-ລັດຖະກອນພາຍໃນ ແລະ ທິມງານແຂວງ ເຂົ້າຮ່ວມທັງໜົດ 9 ສະຫາຍ, ຍິງ 5 ສະຫາຍ.
ໃນວາລະທີ່ເຮັດວຽກຮ່ວມກັນ ສະຫາຍ ຈັນໄຊ ໄຊສະຫວັນ ກໍາມະການພັກເມືອງ ຄະນະບໍລິຫານງານສະຫະພັນກຳມະບານແຂວງ ປະທານຄະນະບໍລິຫານງານສະຫະພັນກຳມະບານເມືອງ, ໄດ້ລາຍງານຫຍໍ້ຕໍ່ທິມງານແຂວງວ່າ: ອົງການຈັດຕັ້ງສະຫະພັນກໍາມະບານເມືອງຂວາ ເປັນອົງການຈັດຕັ້ງໜຶ່ງທີ່ຂຶ້ນກັບສະຫະພັນກໍາມະບານແຂວງ, ໂດຍພາຍໃຕ້ການນໍາພາ-ຊີ້ນໍາໂດຍກົງຂອງຄະນະປະ ຈຳພັກເມືອງ, ໃນຕະຫຼອດໄລຍະຜ່ານມາໄດ້ ຄະນະປະທານສະຫະພັນກໍາມະບານເມືອງຂວາ ໄດ້ຖືເອົາວຽກງານສຶກສາອົບຮົມການເມືອງ-ແນວຄິດເປັນປົກກະຕິ, ໄດ້ນຳເອົາແນວ ທາງນະໂຍບາຍຂອງພັກ, ມະຕິ-ຄຳສັ່ງ, ກົດໝາຍຂອງລັດ, ກົດລະບຽບຂອງສູນກາງສະຫະພັນກຳມະບານວາງອອກ, ເນື້ອໃນຂະບວນການຂໍ້ແຂ່ງຂັນ 5 ເປັນເຈົ້າ, ກົດລະບຽບກອງທຶນ ແລະ ມູນເຊຶື້ອວັນສ້າງຕັ້ງສະຫະພັນກຳມະບານລາວມາເຜີຍແຜ່, ເຊື່ອມຊືມເປັນປົກກະຕິ, ຊຸກຍູ້ພະນັກງານ, ສະມາຊິກກໍາມະບານ, ກໍາມະກອນ ແລະ ຊາວຜູ້ອອກ ແຮງງານເຂົ້າຮ່ວມຟັງປາຖະກະຖາມູນເຊື້ອ, ວັນບູນສຳຄັນຂອງພັກ-ຂອງຊາດ, ຮັບຟັງການໂອ້ລົມຂອງຄະນະນຳຂັ້ນເມືອງ ແລະ ຂັ້ນແຂວງ, ອົງການຈັດຕັ້ງສັງຄົມຕ່າງໆ ເອົາໃຈໃສ່ຕັ້ງໜ້າປະກອບສ່ວນໜ້າທີ່ ທີ່ການຈັດຕັ້ງຂັ້ນເທິງມອບໝາຍໃຫ້ດ້ວຍຄວາມຮັບຜິດຊອບສູງ; ສະຫະພັນກຳມະບານເມືອງ ປະກອບມີ ປະທານ 1 ສະຫາຍ, ຮອງປະ ທານ 2 ສະຫາຍ, ຍິງ 1 ສະຫາຍ, ມີຄະນະບໍລິຫານງານສະຫະພັນກໍາມະບານເມືອງ 15 ສະຫາຍ, ຍິງ 3 ສະຫາຍ, ມີສະມາຊິກກຳມະບານໃນທົ່ວເມືອງ 755 ສະຫາຍ, ຍິງ 394 ສະຫາຍ, ທົ່ວເມືອງມີ 36 ກໍາມະບານຮາກຖານ, ໃນ ນີ້໊ມີ 21 ກຳມະບານຮາກຖານອ້ອມຂ້າງເມືອງ, ມີພະນັກງານກຳມະບານອາຊີບ 5 ສະຫາຍ, ຍິງ 2 ສະຫາຍ. ນອກນີ້ ຍັງລາຍງານແຜນ ການວຽກງານຈຸດສຸມທີ່ຈະສືບຕໍ່ຈັດຕັ້ງປະຕິບັດໃນຕໍ່ໜ້າ, ພ້ອມດຽວກັນນັ້ນຜູ້ເຂົ້າຮ່ວມ ຍັງໄດ້ປະກອບຄໍາຄິດ-ຄໍາເຫັນແລກປ່ຽນບົດຮຽນໃນການຈັດຕັ້ງປະຕິບັດວຽກງານກໍາມະບານຮອບດ້ານຢ່າງກົງໄປ-ກົງມາ.
ໃນໂອກາດທີ່ມີຄວາມໝາຍຄວາມສໍາຄັນນີ້ ສະຫາຍ ນາງ ພອນແກ້ວ ຄຸນສົມເຮືອງ ປະທານຄະນະບໍລິຫານງານສະຫະພັນກໍາມະບານແຂວງ ໂອ້ລົມຕໍ່ຄະນະປະທານ, ພະນັກງານ-ລັດຖະກອນພາຍໃນສະຫະພັນກໍາມະບານເມືອງ. ຊຶ່ງກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີມຕໍ່ຜົນງານ ຂອງບັນດາສະຫາຍຄະນະປະທານ ແລະ ພະນັກງານວິຊາການທີ່ຍາດມາໄດ້ໃນໄລຍະຜ່ານມາ, ພ້ອມກັນນັ້ນສະຫາຍຍັງໄດ້ເໜັ້ນໝັກໃຫ້ຄະນະປະທານສະຫະພັນກໍາມະບານເມືອງ, ຈົ່ງໄດ້ເອົາໃຈໃສ່ເພີ່ມທະວີວຽກງານສຶກສາອົບຮົມການເມືອງແນວຄິດໃຫ້ແກ່ສະມາຊິກກໍາມະບານ, ກຳມະກອນ ແລະ ຊາວຜູ້ອອກແຮງງານ, ເຕົ້າໂຮມຄວາມສາມັກຄີບັນດາເຜົ່າໃນຄວາມຮັບຜິດຊອບຂອງຕົນໃຫ້ເປັນປົກກະຕີ ແລະ ແໜ້ນແຟ້ນ, ຄຽງຄູ່ກັນນັ້ນເພີ່ມທະວີການຈັດຕັ້ງເຊື່ອມຊຶມບັນດາແນວທາງນະໂຍບາຍຂອງພັກ, ມະຕິ, ຄຳສັ່ງ, ລະບຽບກົດໝາຍຂອງລັດ, ພາລະບົດບາດ, ສິດ ແລະ ໜ້າທີ່ຂອງອົງການຕົນ ທີ່ສູນກາງສະຫະພັນກຳມະບານລາວວາງອອກ, ສືບຕໍ່ຈັດຕັ້ງຜັນຂະຫຍາຍມະຕິກອງປະຊຸມໃຫ່ຍຜູ້ແທນກໍາມະບານທົ່ວເມືອງຄັ້ງທີ IX ນີ້ໃຫ້ທົ່ວເຖິງ, ປັບປຸງແບບແຜນວິທີເຮັດວຽກ, ວິທີນໍາພາ, ແບ່ງໜ້າທີ່ຄວາມຮັບຜິດຊອບໃຫ້ແຕ່ລະສະຫາຍຢ່າງຈະແຈ້ງ, ສືບຕໍ່ປັບປຸງແກ້ໄຂດ້ານອອ່ນຂໍ້ຄົງຄ້າງຜ່ານມາ ໃຫ້ມີການຫັນປ່ຽນໃໝ່ຢ່າງຖືກຕ້ອງ, ສອດ ຄ່ອງ ແລະ ມີຫຼັກການ, ປະຕິບັດຕາມເນື້ອໃນຂະບວນການຂໍ້ແຂ່ງຂັນ 5 ເປັນເຈົ້າ ຂອງສະຫະພັນກໍາມະບານລາວ ຕິດພັນກັບຂະບວນການແຂ່ງຂັນຍໍຍ້ອງ, ຮັກຊາດ ແລະ ພັດທະນາ ໃຫ້ມີຂະບວນການຝົດຂື້ນເທື່ອລະກ້ວາ.
ໂອກາດປະທານສະຫະພັນກໍາມະບານແຂວງເຄື່ອນໄຫວຢ້ຽມຢາມ, ຕິດຕາມ, ກວດກາ, ຊຸກຍູ້ການຈັດຕັ້ງປະຕິບັດວຽກງານສະຫະພັນກຳມະບານເມືອງຂວານັ້ນ ທາງສະຫະພັນກຳມະບານແຂວງໄດ້ມອບເຄື່ອງກີລາ 6 ຊຸດ ລວມມູນຄ່າທັງໝົດ 500.000 ກີບ, ກ່າວມອບໂດຍ ສະຫາຍ ນາງ ພອນແກ້ວ ຄູນສົມເຮືອງ ປະທານສະຫະພັນກຳມະບານແຂວງ, ຂຶ້ນຮັບໂດຍ ສະຫາຍ ຈັນໄຊ ໄຊສະຫວັນ ກຳມະການພັກເມືອງ ຄະນະບໍລິຫານງານສະຫະພັນກຳມະບານແຂວງ ປະທານຄະນະບໍລິຫານງານສະຫະພັນກຳມະບານເມືອງຂວາ.

Share:

ຂ່າວຫຼ້າສຸດ

ການເມືອງ

ແຂວງຜົ້ງສາລີ ເຜີຍແຜ່ເອກະສານ ສຶກສາການເມືອງແນວຄິດ ສຳລັບ ສະມາຊິກພັກ ພະນັກງານ ເພືອດຳເນີນຊີວິດການເມືອງທົ່ວພັກ.

  • 01 May 2025
  • ຂ່າວ: ຍີນໄຊ ສີບຸນເຮືອງ

...

ອ່ານເພີ່ມ

ເມືອງຜົ້ງສາເຜີຍແຜ່ເຊື່ອມຊຶມເອກະສານສຶກສາອົບຮົມການເມືອງ-ແນວຄິດໃຫ້ສະມາຊິກພັກ-ພະນັກງານເພື່ອດໍາເນີນຊີວິດການເມືອງທົ່ວພັ

  • 03 Apr 2025
  • ນັກຂ່າວຫ້ອງການ ຖວທ ເມືອງຜົ້ງສາລີ

...

ອ່ານເພີ່ມ

ການເມືອງ

ຮອງເຈົ້າແຂວງຜົ້ງສາລີ ເນັ້ນໜັກ 5 ປະເດັ່ນຕໍ່ຜູ້ເຂົ້າຮ່ວມກອງປະຊຸມຮັບຮອງຜົນການປະເມີນເຂດຫ່າງໄກສອກຫຼີກ ແລະ ທຸລະກັນດານ ໃນທົ່ວແຂວງ ປະຈໍາປີ 2025

  • 02 Apr 2025
  • ຂ່າວ, ພາບ: ສົມຄິດ

ໃນໂອກາດທີທ່ານ ຄໍາເຫຼັກ ໃຈອີສານ...

ອ່ານເພີ່ມ

ນວັນທີ 2 ເມສາ 2025 ນີ້ ກອງບັນຊາການ ປກສ ເມືອງບຸນເໜືອປາຖະກະຖາວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 64 ປີ

  • 02 Apr 2025
  • ພາບ_ຂ່າວ ຮທ ວອນຄຳ ເຫຼັກສາ

ໃນວັນທີ 2 ເມສາ 2025 ນີ້ ກອງບັນຊາການ ປກສ...

ອ່ານເພີ່ມ