ໃນລະຫວ່າງທ້າຍເດືອນມີນາ 2025 ທີ່ຜ່ານມານີ້, ກອງຮ້ອຍທະຫານຊາຍແດນ 116 ທະຫານແຂວງຜົ້ງສາລີ, ໄດ້ຈັດພິທີເປີດຊຸດອົບຮົມ-ຫັດແອບ, ການທະຫານ, ການເມືອງ ພະລາທິການ ແລະ ເຕັກນິກ ປະຈໍາໄຕມາດ I ປີ 2025, ໂດຍເປັນປະທານຂອງ ສະຫາຍ ພັນໂທ ເພັດແກ້ວ ອຸ່ນປະເສີດ ເລຂາຄະນະພັກ ຫົວໜ້າການເມືອງກອງຮ້ອຍທະຫານຊາຍແດດນ 116, ມີຄະນະພັກ-ຄະນະບັນຊາ ນາຍ ແລະ ພົນທະຫານ ພາຍໃນກົມກອງເຂົ້າ.

ສະຫາຍ ພັນຕີ ຄໍາສອນ ອິນສົມໝັ້ນ ຫົວໜ້າການທະຫານກອງຮ້ອຍ 116 ໄດ້ຜ່ານຂໍ້ຕົກລົງຂອງກອງບັນຊາການທະຫານແຂວງຜົ້ງສາລີ, ວ່າດ້ວຍການອະນຸມັດໃຫ້ກອງຮ້ອຍ 116 ເປີດຊຸດອົມຮົມ-ຫັດແອບ ການທະຫານ,ການເມືອງ, ພະລາທິການ, ເຕັກນິກ ແລະ ວິຊາສະເພາະຊາຍແດນ ໄຕມາດ I ປະຈໍາປີ 2025 ຈາກນັ້ນ, ສະຫາຍ ຮ້ອຍໂທ ວັນສີ ສີວິໄລ ຮອງຫົວໜ້າການທະຫານກອງຮ້ອຍທະຫານຊາຍແດນ 116 ໄດ້ຜ່ານແຜ່ນການ ອົບຮົມ-ຫັດແອບ, ເຊິ່ງເນື້ອໃນການອົບຮົມຫັດແອບມີ: ພາກການເມືອງ, ພາກການທະຫານ, ພາກພະລາທິການ, ພາກເຕັກນິກ ແລະ ພາກວິຊາສະເພາະຊາຍແດນ.