ຕອນເຊົ້າວັນທີ 7 ເມສາ 2025 ທີ່ຫ້ອງການບ້ານດອນຊາຍ ເມືອງບຸນເຫນືອ ແຂວງຜົ້ງສາລີ ໄດ້ຈັດພິທີປະກາດບ້ານ ບຸນຊາງ ແລະ ບ້ານ ຫ້ວຍແລ ເປັນບ້ານປ້ອງກັນຊາດເຂັ້ມແຂງ. .ໂດຍພາຍໃຕ້ເປັນປະທານເຂົ້າຮ່ວມຂອງ ສະຫາຍ ພັ.ທ ບຸນຈັນ ທະໄລຄໍາ ກຳມະການພັກເມືອງ ຫົວໜ້າກອງບັນຊາການທະຫານເມືອງບຸນເໜືອ.ເຂົ້າຮ່ວມມີຄະນະພັກຮາກຖານກຸ່ມ, ອົງການຈັດຕັ້ງບ້ານ ບຸນຊາງ ແລະ ບ້ານ ຫ້ວຍແລ.

ໃນພິທີເລຂາພັກນາຍບ້ານທັງສອງບ້ານຂຶ້ນລາຍງານ ເຊິ່ງໃຫ້ຊາບວ່າ:ຜ່ານຈາກການປະເມີນຕາມ6ມາດຖານໃນການສ້າງບ້ານປ້ອງກັນຊາດເຂັ້ມແຂງແມ່ນບັນລຸ95% ຂຶ້ນໄປ.ຈາກນັ້ນໄດ້ຜ່ານຂໍ້ຕົກລົງຂອງກອງບັນຊາການທະຫານເມືອງວ່າດ້ວຍການຢັ້ງຢືນຄອບຄົວປ້ອງກັນຊາດເຂັ້ມແຂງ ແລະ ຂໍ້ຕົກລົງຂອງກອງບັນຊາການທະຫານແຂວງຜົ້ງສາລີ ວ່າດ້ວຍການຢັ້ງຢືນ ແລະຮັບຮອງເອົາບ້ານບຸນຊາງ ແລະ ບ້ານຫ້ວຍໂປ່ງ ເມືອງບຸນເໜືອ ແຂວງຜົ້ງສາລີ ເປັນບ້ານປ້ອງກັນຊາດເຂັ້ມແຂງ ບ້ານທີ38-39 ຂອງເມືອງ.ພ້ອມທັງມອບ-ຮັບໃບຢັ້ງຢືນຢ່າງເປັນທາງການ.

ຕອນທ້າຍພິທີໄດ້ຮັບຟັງການໂອ້ລົມຂອງສະຫາຍ ພັ.ທ ບຸນຈັນ ທະໄລຄໍາ ກຳມະການພັກເມືອງ ຫົວໜ້າກອງບັນຊາການທະຫານເມືອງບຸນເໜືອ.ເຊິ່ງສະຫາຍໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຄອບຄົວ ແລະ ບ້ານທີ່ໄດ້ຮັບນາມມະຍົດໃນຄັ້ງນີ້, ພ້ອມທັງຮຽກຮ້ອງໃຫ້ເອົາໃຈໃສ່ປົກປັກຮັກສາ, ເສີມຂະ

ຫຍາຍມູນເຊື້ອອັນດີງາມໄວ້ໃຫ້ໝັ້ນຄົງ, ໃຫ້ອົງການປົກຄອງບ້ານ ສືບຕໍ່ສືກສາອົບຮົມການເມືອງນໍາພາແນວຄິດປະຊາຊົນ ບັນດາເຜົ່າ ຮັບຮູ້ເຊື່ອມຊືມກໍາແໜ້ນຕໍ່ແນວທາງປ້ອງກັນຊາດ - ປ້ອງກັນຄວາມສະຫງົບ ຢ່າງເລິກເຊິ່ງ, ປະກອບສ່ວນຕ້ານ ແລະ ສະກັດກັ້ນບັນຫາປະກົດການຫຍໍ້ທໍ້ຢູ່ໃນສັງຄົມຢ່າງຕັ້ງໜ້າ, ຮັກສາໄດ້ຄວາມເປັນລະບຽບຮຽບຮ້ອຍ ແລະ ສ້າງສາພັດທະນາບ້ານໃຫ້ມີຄວາມຈະເລີນຮຸ່ງເຮືອງສີວິໄລ.