ເພື່ອເປັນການສ້າງຂະບວນການຮອບດ້ານ ເພື່ອຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ VII ຂອງແນວລາວສ້າງຊາດເມືອງຂວາ ທີ່ຈະໄດ້ໄຂຂຶ້ນໃນມໍ່ໆນີ້ໃຫ້ເປັນຂະບວນຟົດຟື້ນ ແລະ ມ່ວນຊື່ນ ທັງເປັນການຮັກສາໄດ້ຄວາມສະອາດ ຈົບງາມພາຍໃນຕົວເມືອງ ມາໃນວັນທີ 25 ເມສາ 2025 ນິ້, ທາງເລຂາຄະໜ່ວຍຊາວໜຸ່ມສໍານັກງານ ແລະ ຮາກຖານບ້ານໄດ້ນໍາພາສະມາຊິກຊາວໜຸ່ມອອກແຮງງານສ້າງຂະບວນການອານາໄມລວມ

ສຳລັບການອອກແຮງງານໃນຄັ້ງນີ້ ໄດ້ພ້ອມກັນປັດກວາດໃບໄມ້, ຕັດຫຍ້າ, ເກັບຂີ້ເຫຍື້ອຍຕາມຂອບເຂດສໍານັກງານອົງການ,ຂຸດເສັ້ນທາງໄປຫາເຂດຜະລິດຂອງພໍ່ແມ່ປະຊາຊົນທີ່ຢູ່ເຂດຫ່າງໄກຊອກຫຼີກໃຫ້ມີຄວາມສະອາດງາມຕາ ມີຄວາມເປັນລະບຽບຮຽບຮ້ອຍດີ ທັງເປັນການເຕົ້າໂຮມຄວາມສາມັກຄີ ລະຫວ່າງພະນັກງານ-ລັດຖະກອນ ພໍ່ແມ່ປະຊາຊົນບັນດາເຜົ່າໃຫ້ມີຄວາມແໜ້ນແຟ້ນ, ມີຄວາມຫ້າວຫັນໃນການອອກແຮງງານ ຊ່ວຍໃຫ້ມີສຸຂະພາບຮ່າງກາຍແຂງແຮງ, ສາມາດປະຕິບັດທຸກໜ້າທີ່ວຽກງານສໍາເລັດຜົນຢ່າງຮອບດ້ານ. ການອອກແຮງງານກໍ່ເພື່ອເປັນການສ້າງຂະບວນການຂໍ່ານັບຮັບຕ້ອນໃຫ້ແກ່ ວັນສໍາຄັນຂອງພັກ-ຂອງຊາດ ໂດຍສະເພາະກໍ່ຄື ກອງປະຊຸມໃຫຍ່ຄັ້ງທີ VII ຂອງແນວລາວສ້າງຊາດເມືອງຂວາ ໃຫ້ເຕັມໄປດ້ວຍຜົນງານອັນຍິ່ງໃຫຍ່ ແລະ ໄດ້ຮັບຜົນສໍາເລັດ ຢ່າງຈົບງາມ, ໄປຄຽງຄູ່ກັບການສ້າງສາ ແລະ ພັດທະນາພື້ນຖານໂຄງລ່າງ ສະນັ້ນ ທຸກພາກສ່ວນ ຕ້ອງໄດ້ເຂົ້າຮ່ວມໃນຂະບວນການຕ່າງໆຂອງເມືອງ ທັງນິ້ ກໍເພື່ອຍັງເປັນການຮັກສາຄວາມສະອາດຈົບງາມ ຕາມສະຖານທີ່ສຳຄັນຕ່າງໆ ພາຍໃນເມືອງຂວາ ໃຫ້ມີຄວາມເປັນລະບຽບຮຽບຮ້ອຍ ໂດຍປາສະຈາກສິ່ງຮົກເຮື້ອ ແລະ ເຮັດໃຫ້ເທດສະບານຂອງເມືອງ ມີຄວາມສວຍງາມຢູ່ສະເໝີ.