ພິທີດັ່ງກ່າວໄດ້ຈັດຂຶ້ນໃນຕອນເຊົ້າຂອງວັນທີ 25 ເມສາ 2025 ນີ້, ຢູ່ທີຫ້ອງປະຊຸມຫ້ອງການສາທາລະນະສຸກເມືອງເປັນກຽດເຂົ້າຮ່ວມຂອງ ທ່ານ ທອງສີ ອິນຈັກ ກຳມະ

ການປະຈຳພັກເມືອງ ຮອງເລຂາພັກເມືອງ, ມີທ່ານ ນາງ ສີມອນ ອິນຈັກ ຫົວໜ້າຫ້ອງການສາທາລະນະສຸກ, ມີບັນດາທ່ານທີມງານຂອງເມືອງ, ຮອງຫົວໜ້າຫ້ອງການສາທາ, ຫົວໜ້າສຸກສາລາທົ່ວເມືອງ ຕະຫຼອດຮອດພະນັກງານພາຍໃນຫ້ອງການເຂົ້າຮ່ວມ.

ໃນພິທີທ່ານນາງ ບົວທອງ ຂົວຄຳ ຮອງຫົວໜ້າຄະນະຈັດຕັ້ງເມືອງ ໄດ້ຜ່ານຂໍ້ຕົກລົງຂອງ ທ່ານເຈົ້າເມືອງ ສະບັບເລກທີ 112/ມຍອ ລົງວັນທີ 9 ເມສາ 2025 ວ່າດ້ວຍການແຕ່ງຕັ້ງລັດຖະກອນດຳລົງຕຳແໜ່ງປະເພດ 4 ເຊິ່ງໄດ້ແຕ່ງຕັ້ງທ່ານ ທອງດີ ແສງລາວ ຮອງຫົວໜ້າຫ້ອງການສາທາລະນະສຸກ ຂຶ້ນເປັນຫົວໜ້າຫ້ອງການສາທາລະນະສຸກເມືອງ ຍອດອູ ຈາກນັ້ນ ທ່ານ ນາງ ສີມອນ ອິນຈັກ ຫົວໜ້າຫ້ອງການສາທາລະນະສຸກ ຜູ້ເກົ່າ ກໍ່ໄດ້ຜ່ານບົດສະຫຼຸບວຽກງານໃນໄລຍະ 5 ປີ ຜ່ານມາພ້ອມທັງຜ່ານບົດບັນທຶກມອບ-ຮັບວຽກງານໃຫ້ກັບ ທ່ານ ທອງດີ ແສງລາວ ຫົວໜ້າຫ້ອງການສາທາລະນະສຸກເມືອງ ຜູ້ໃໝ່ ເພື່ອສືບຕໍ່ຊີ້ນຳນຳພາວຽກງານສາທາລະນະສຸກເມືອງຍອດອູ, ເປັນຕົ້ນແມ່ນວຽກງານພັກ - ພະນັກງານ, ວຽກງານວິຊາສະເພາະ, ວຽກງານບໍລິຫານ, ແລະ ຊັບສິນຂອງລັດກໍ່ຄືຊັບສິນຂອງຫ້ອງການ, ຈາກນັ້ນກໍ່ ໄດ້ມີການເຊັນບົດບັນທຶກ ມອບ

-ຮັບ ຮ່ວມກັນລະຫວ່າງທ່ານ ນາງ ສີມອນ ອິນຈັກ ຫົວໜ້າຫ້ອງການສາທາລະນະສຸກ ຜູ້ເກົ່າ ແລະ ທ່ານ ທອງດີ ແສງລາວ ຫົວໜ້າຫ້ອງການສາທາລະນະສຸກຜູ້ໃໝ່ ໂດຍຊ່ອງໜ້າເປັນສັກຂີພິຍານຂອງ ທ່ານ ທອງສີ ອິນຈັກ ກຳມະການປະຈຳພັກເມືອງ ຮອງເລຂາພັກເມືອງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ໂອກາດດຽວກັນນີ້ ທ່ານ ທອງສີ ອິນຈັກ ກຳມະການປະຈຳພັກເມືອງ ຮອງເລຂາພັກເມືອງ ໄດ້ມີຄຳເຫັນເນັ້ນໜັກໃຫ້ຜູ້ທີ່ໄດ້ຮັບໜ້າທີ່ໃໝ່ ໂດຍສະເພາະແມ່ນ ຫົວໜ້າຫ້ອງ

ການສາທາລະນະສຸກເມືອງຜູ້ໃໝ່ຈົ່ງ ພ້ອມກັນສືບຕໍ່ສຶກສາອົບຮົມການເມືອງແນວຄິດໃຫ້ພະນັກງານທີ່ຢູ່ໃນຄວາມຮັບຜິດຊອບຂອງຕົນ, ເປັນຕົ້ນພະນັກງານແພດໝໍໃຫ້ມີຄຸນທາດການເມືອງໜັກແໜ້ນ, ມີແນວຄິດອຸ່ນອ່ຽງທຸ່ນທ່ຽງ, ມີຄວາມສາມັກຄີພາຍໃນ ແລະ ພາຍນອກຮັກສາຈັນຍາບັນແພດໝໍປະຕິບັດຕາມຄຳຂວັນ 5 ດີ 1 ພໍໃຈ ສືບຕໍ່ເຮັດວຽກງານສາທາລະນະສຸກທີ່ຍັງຄ້າງຄາໃຫ້ປະກົດຜົນເປັນຈິງເທື່ອລະກ້າວ.