ໜ້າຫຼັກ / ການເຄື່ອນໄຫວ / ປະກາດແຕ່ງຕັ້ງຮອງຫົວໜ້າຫ້ອງວ່າການແຂວງ ແລະ ຫົວໜ້າຄະນະດ່ານສາກົນຂອງແຂວງຜົ້ງສາລີ
ປະກາດແຕ່ງຕັ້ງຮອງຫົວໜ້າຫ້ອງວ່າການແຂວງ ແລະ ຫົວໜ້າຄະນະດ່ານສາກົນຂອງແຂວງຜົ້ງສາລີ
ໃນຕອນເຊົ້າຂອງວັນທີ 9 ພຶດສະພາ 2025 ນີ້ ທີ່ຫ້ອງປະຊຸມຊັ້ນ 5 ສຳນັກງານປົກຄອງແຂວງຜົ້ງສາລີ ໄດ້ຈັດພິທີປະກາດການແຕ່ງຕັ້ງ ພະນັກງານດຳລົງຕຳແໜ່ງປະເພດ 4 ຂອງຫ້ອງວາການແຂວງ ແລະ ແຕ່ງຕັ້ງພະນັກງານນຳພາປະເພດ 4 ປະຈຳດ່ານສາກົນປາງຫົກ ແລະ ດ່ານສາກົນລານຕຸ້ຍ ໂດຍການເປັນປະທານຂອງທ່ານ ບຸນທະວີ ສໍສຸກັນ ກຳມະການປະຈຳພັກແຂວງ, ປະທານກວດກາພັກ - ລັດແຂວງ,
ເຂົ້າຮ່ວມມີທ່ານ ອູຄຳ ຕຸລາພັນ ກຳມະການພັກແຂວງ, ຫົວໜ້າຫ້ອງວ່າການແຂວງ, ມີບັນດາທ່ານຄະນະປັບປຸງກົງຈັກການຈັດຕັ້ງແຂວງ, ຮອງຫົວໜ້າຫ້ອງວ່າການແຂວງ ແລະ ພະນັກງານ - ລັດຖະກອນພາຍໃນຫ້ອງວ່າການແຂວງເຂົ້າຮ່ວມ.
ໃນພິທີຜູ້ເຂົ້າຮ່ວມໄດ້ຮັບຟັງການຜ່ານຂໍ້ຕົກລົງຂອງເຈົ້າແຂວງ ເລກທີ 373, 374, 375, 377, 372, 342, 343 / ຂຜລ ວ່າດ້ວຍການແຕ່ງຕັ້້ງພະນັກງານດຳລົງຕຳແໜ່ງບໍລິຫານ
ໂດຍຕົກລົງແຕ່ງຕັ້ງ ທ່ານ ວັນໄຊ ແກ້ວສຸວັນ ຫົວໜ້າຂະແໜງອານຸສາວະລີ, ເປັນຮອງຫົວໜ້າຫ້ອງວ່າການແຂວງ, ທ່ານ ວັນໄຊ ແສງດາວົງ ຫົວໜ້າຂະແໜງຈັດຕັ້ງ - ກວດກາ ເປັນຮອງຫົວໜ້າຫ້ອງວ່າການແຂວງ,
ທ່ານ ສີສະໄຫວ ຈັນຕະພົມ ຫົວໜ້າຂະແໜງກໍ່ສ້າງຮາກຖານ ເປັນຮອງຫົວໜ້າຫ້ອງວ່າການແຂວງ,
ທ່ານ ອາທິສອນ ສິລິທຳ ຫົວໜ້າພະແນກ ສັງກັດຢູ່ກະຊວງຊັບພະຍາກອນທຳມະຊາດ ແລະ ສິ່ງແວ້ດລ້ອມ ເປັນຮອງຫົວໜ້າຫ້ອງວ່າການແຂວງ;
ຍົກຍ້າຍ ແລະ ແຕ່ງຕັ້ງ ທ່ານ ບຸນທັນ ຈອມອຸ່ນມີໄຊ ຮອງຫົວໜ້າຫ້ອງວ່າການແຂວງ ໄປເປັນຫົວໜ້າຄະນະດ່ານສາກົນປາງຫົກ, ຍົກຍ້າຍ ແລະ ແຕ່ງຕັ້ງ ທ່ານ ວັນນະໄຊ ຫວາດສຸລີ ຮອງຫົວໜ້າຫ້ອງວ່າການແຂວງ ໄປເປັນຫົວໜ້າຄະນະດ່ານສາກົນລານຕຸ້ຍ.
ຂ່າວ: ສົມຄິດ
