ພິທີປະກາດແຕ່ງຕັ້ງການດຳລົງຕຳແໜ່ງຫົວໜ້າອົງການກາແດງແຂວງຜົ້ງສາລີຜູ້ໃໝ່ ໄດ້ຈັດຂື້ນໃນຕອນບ່າຍຂອງວັນທີ 14​ ພຶດສະພາ​ 2025​ ນີ້​ ທີ່​ຫ້ອງ​ປະຊຸມ​ອົງການ​ດັ່ງກ່າວ​ໂດຍ​ການ​ເປັນ​ປະທານ​ຂອງ​ ທ່ານ​ບຸນທະວີ ສໍສຸກັນ ກຳມະການປະຈຳພັກແຂວງ,​ ປະທານກວດກາພັກ -​ລັດແຂວງຜົ້ງສາລີ,​ເຂົ້າຮ່ວມ​ມີ​ ທ່ານ​ນາງ​ ບົວໄຂ​ ແກ້ວວິພາກອນ​ຫົວໜ້າອົງການກາແດງແຂວງ,​ ມີ​ທ່ານ​ຄຳເປືອງ ເມືອງໄຊ ຮອງຫົວໜ້າຫ້ອງວ່າການແຂວງ,​ມີຮອງຫົວໜ້າອົງການກາແດງແຂວງ,​ ຄະນະປັບປຸງກົງຈັກການຈັດຕັ້ງຂັ້ນແຂວງ​ແລະ​ພະນັກງານວິຊາການພາຍໃນອົງການດັ່ງກ່າວເຂົ້າຮ່ວມ.

ໃນພິທີຜູ້ເຂົ້າຮ່ວມໄດ້ຮັບຟັງການຜ່ານຂໍ້ຕົກລົງ ຂອງທ່ານເຈົ້າແຂວງຜົ້ງສາລີ ເລກທີ​ 344/ຂຜລ ລົງວັນທີ 30 ເມສາ​​2025 ວ່າດ້ວຍການຍົກຍ້າຍພະນັກງານໄປຢູ່ຂະ

ແໜງການອື່ນ ພາຍໃນ ແຂວງ​ແລະ​ແຕ່ງໃຫ້ດຳລົງຕຳແໜ່ງບໍລິຫານ ໂດຍເຫັນດີ ຍົກຍ້າຍ ແລະແຕ່ງຕັ້ງ​ທ່ານ​ ຄຳເປືອງ​ ເມືອງໄຊ​ ຮອງຫົວໜ້າຫ້ອງວ່າການແຂວງຜົ້ງສາລີ ເປັນຫົວໜ້າອົງການກາແດງແຂວງຜົ້ງສາລີຜູ້ໃໝ່.