ກອງປະຊຸມທາບທາມບຸກຄະລາກອນຜູ້ອອກຮັບສະໝັກເລືອກຕັ້ງຄະນະໜ່ວຍພັກອົງການກາແດງແຂວງຜົ້ງສາລີ​ສະໄໝ VI ຮອບ​ I ໄດ້ຈັດຂື້ນໃນຕອນແລງຂອງ ວັນທີ 14​ ພຶດສະພາ​ 2025 ນີ້ ທີ່ຫ້ອງປະຊຸມຂອງອົງການດັ່ງກ່າວ​ ໂດຍການເຂົ້າຮ່ວມເປັນປະທານຂອງ ສະຫາຍ ບຸນທະວີ ສໍສຸກັນ ກຳມະການປະຈຳພັກແຂວງ ປະທານກວດກາພັກ-ລັດແຂວງ,​ ມີ ສະຫາຍ ນາງ ບົວໄຂ​ ແກ້ວວິພາກອນ ເລຂາໜ່ວຍພັກ ຫົວໜ້າອົງການກາແດງແຂວງຜົ້ງສາລີ,ມີຄະນະຮັບຜິດຊອບບຸກຄະລາກອນຂັ້ນແຂວງ,ມີຄະ

ນະພັກ ຕະຫຼອດຮອດສະມາຊິກພັກພາຍໃນໜ່ວຍພັກຂອງຕົນເຂົ້າຮ່ວມ.

ປະຈຸບັນໜ່ວຍພັກອົງການກາແດງແຂວງ ມີຄະນະພັກ 3 ສະຫາຍ,ຍິ່ງ 2 ສະຫາຍ,ມີສະມາຊິກພັກທັງໝົດ 15 ສະຫາຍ,ຍິ່ງ 11 ສະຫາຍ​ຊີ້ນຳນຳພາ ໃນ​4 ຂະແໜງການຄື່: ຂະແໜງບໍລິຫານ,​ ແຜນການ,​ ບັນຊີ.​ແລະ.​ຈັດຕັ້ງ,​ ຂະແໜງໂຄສະນາຂົນຂວາຍແຫລ່ງທືນ ແລະ​ບັນເທົາ ທຸກ,​ ຂະແໜງສົງເສີມສຸຂະພາບ ແລະ​ ຂະແໜງສູນເລືອດ ທີ່ເຄື່ອນໄຫວ9ວຽກ 7ຫລັກການພື້ນຖານຂອງຂະບວນການກາແດງ ແລະ​ຊີກວົງເດືອນແດງສາກົນ.​ ໃນກອງປະຊຸມ ຍັງໄດ້ເຜີຍແຜ່ເອກະສານ 4 ບົດ ແລະ ຂໍ້ຫ້າມຂອງສະ

ມາຊິກພັກ.​ຈາກນັ້ນ,​ຄະນະຮັບຜິດຊອບບຸກຄະລາກອນຂັ້ນແຂວງ ໄດ້ຜ່ານມາດຖານເງື່ອນໄຂຜູ້ອອກຮັບສະໝັກເລືອກຕັ້ງຄະນະໜ່ວຍພັກຊຸດໃໝ່ ແລະ ແຈກຢາຍບັດທາບທາມ,​ ແນະນຳວິທີການໃຊ້ສິດປ່ອນບັດພ້ອມທັງໃຊ້ສິດປະຊາທິປະໄຕດຳເນີນການປ່ອນບັດທາບທາມບຸກຄະລາກອນຮອບທີ l ເພື່ອເລືອກເອົາຜູ້ມີມາດຖານເງື່ອນໄຂ ເຂົ້າສະໝັກເລືອກຕັ້ງເປັນຄະນະໜ່ວຍພັກຊຸດໃໝ່ ຂອງໜ່ວຍພັກອົງການກາແດງແຂວງສະໄໝ VI.