ໃນຕອນເຊົ້າວັນທີ 16 ພຶດສະພາ 2025 ທີ່ ຫ້ອງປະຊຸມຊັ້ນສາມອົງການປົກຄອງເມືອງບຸນເໜືອ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງ 02 ເຄື່ອນໄຫວຕິດຕາມກວດກາ ການຈັດຕັ້ງປະຕິບັດ ບັນດາຄາດໝາຍ ໃນຂົງເຂດວັດທະນະທໍາ-ສັງຄົມປະຈໍາປີ 2025 ເຊີ່ງນໍາ ໂດຍ ທ່ານ ອູ່ຄໍາ ຕຸລາພັນ ກໍາມະການພັກແຂວງ ຫົວໜ້າຫ້ອງວ່າການແຂວງຜົ້ງສາລີ ສະມາຊິກສະພາແຫ່ງຊາດ ປະຈໍາເຂດເລືອກຕັ້ງ 02 ພ້ອມດ້ວຍພະແນກການທີ່ກ່ຽວຂ້ອງຂອງແຂວງ ໂດຍການຕ້ອນຮັບ ແລະ ເຂົ້າຮ່ວມຮັບຟັງໃນຄັ້ງນີ້ ມີ ທ່ານ ສົມພາບ ດາລາຈັກ ກໍາມະການພັກແຂວງເລຂາພັກເມືອງ ເຈົ້າເມືອງໆບຸນເໜືອ-ມີບັນດາທ່ານຮອງເຈົ້າເມືອງ, ຄະນະປະຈໍາພັກເມືອງ, ກໍາມະການພັກເມືອງ,

ສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງ, ຫົວໜ້າຫ້ອງການ ໃນຂົງເຂດວັດທະນະທໍາ-ສັງຄົມ ພ້ອມດ້ວຍວິຊາການຜູ້ເຮັດວຽກບໍລິຫານຂັ້ນເມືອງເຂົ້າ

ຮ່ວມ.

ກອງປະຊຸມ ຕິດຕາມກວດກາ ການຈັດຕັ້ງປະຕິບັດ ບັນດາຄາດໝາຍ ໃນຂົງເຂດວັດທະນະທໍາ-ສັງຄົມປະຈໍາປີ 2025 ຄັ້ງນີ້ ບັນດາພະແນກການທີ່ກ່ຽວຂ້ອງ ໃນຂົງເຂດວັດທະນະທໍາ-ສັງຄົມແຂວງ ໄດ້ຮັບຟັງການລາຍງານບັນດາຄາດໝາຍຕ່າງໆຕາມຄໍາຖາມເຈາະຈີ້ມ ຈາກບັນດາຫ້ອງການໃນຂົງເຂດວັດທະນະທໍາ-ສັງຄົມຂັ້ນເມືອງ ຢ່າງມີຄວາມຮັບຜິດຊອບສູງໃນການປະຕິບັດວຽກງານ ຢ່າງລະອຽດ ຈາກນັ້ນ ປະທານກອງປະຊຸມໄດ້ເປີດໂອກາດໃຫ້ຜູ້ເຂົ້າຮ່ວມກອງປະຊຸມ ແຕ່ລະພາກສ່ວນປະກອບຄໍາເຫັນບົດລາຍງານຂອງເມືອງ-ແຂວງ ເພື່ອເຮັດໃຫ້ເນື້ອໃນຂອງກອງປະຊຸມໃນຄັ້ງນີ້ ມີຄຸນນະພາບ ແລະ ນໍາໄປຈັດຕັ້ງປະຕິບັດວຽກງານຕົວຈິງໃຫ້ຖືກຕ້ອງສອດຄ່ອງຕາມ ໜ້າທີ່ວຽກງານຂອງຕົນໃຫ້ໄດ້ຕາມລະດັບຄາດໝາຍທີ່ວາງໄວ້.